mikudagur 28. juni 2006síða 28

30 [ Nr. 121 - 27. juni 2006 ] Vinnarin frá í fjør er fremstur í 2nd Suðuroy International, nú fimm umfør eru telvað Talv Carl Eli Nolsøe Samuelsen Hevur Hans Kristian Simonsen onkran serliga tokka til syðstu oyggj? Í øllum førum telvar hann sum ein brandur hvørja ferð hann vitjar Suðuroy. Í fjør var hann ósvitaliga tryggur og vann kappingina á Tvøroyri. Í ár verður telvað í Vági og mynstrið er hitt sama: Hinir elta Hans Kristian. Føroyingar mynda toppin Eitt mynstur sum tó brýtur frá í mun til í fjør er, at í ár eru fleiri føroyskir telvarar væl við í oddastríðnum. Hans Kristian hevur fýra stig eftir fimm umfør, og beint aftanfyri kemur John Arni Nilssen við 3,5 stigum. Danski altjóða meistarin Bjørn Brinck- Claussen hevur somuleiðis 3,5 stig. John Rødgaard hevur 3 stig, eins og IM Simon Bekker-Jensen, og Helgi Dam Ziska hevur 2,5. Sjúrður Thorsteinsson reikast í botninum, men javnleikur ímóti Bekker- Jensen og góður sigur á Per Andreasen seinastu umførini, hava hjálpt munandi um støðuna. Helst fer kappingin at standa ímillum Hans Kristian, John Arna, Brinck- Claussen og Bekker-Jensen. Møguliga Helgi kann órógva toppin við einum eventuellum endaspurti. Hóast Rødgaard er væl við, so tykist talvhugur hansara ikki stórur í Vági. Hann hevur nevniliga leikt tey flestu talvini javnt eftir heilt fáum leikum. Men møguliga og vónandi fer hann at gera ein vørr seinastu fýra umførini. Normjagstranin Helgi hevur telvað nakað óstøðugt. Tveir sigrar, tvey tap og ein javnleik. Eins og Hans Kristian, skal Helgi hava 7 stig av 9 fyri at røkka normi. Hesin møguleikin er tíverri longu farin hjá Helga, men Hans Kristian hevur framvegis góðan møguleika at vinna sær sín næsta norm. Hans Kristian vann eitt gott talv í 3. umfari ímóti Helga. Talvið hesa vikuna í blaðnum. Tað hevði verið stuttligt um kollfirðingurin enn einaferð hevði vunnið sær altjóða norm í Suðuroy. Góðar umstøður í Vági Fyriskiparin Rani Nolsøe letur væl at umstøðunum og gongdini higartil. Ùtlendsku telvararnir lata somuleiðis væl at umstøðunum og stórtrívast í vakrastu oyggj í Føroyum. Rani fegnast serliga um úrslitini higartil hjá Hans Kristiani og John Arna. Hesin seinast nevndi hevur sjáldan havt góðar kappingar heima í Føroyum, men í ár tykist hann sera væl fyri. Mikudagin hittast eitt nú Helgi - John Arni og Hans Kristian - Bekker-Jensen í 6. umfari. Tvær sera spennandi og avgerandi uppgerðir. Kappingin fevnir um níggju umfør og endar leygardagin 1. juli. Telvað verðurí Vágs Skúla Hans Kristian Simonsen (2295) - Helgi Dam Ziska (2306) Suðuroy International 2006 Vágur (3), 26.06.2006 1.d4 Rif6 2.c4 g6 3.g3 Bg7 4.Bg2 0–0 5.Rif3 d6 6.0–0 Ribd7 7.Ric3 e5 8.e4 (Hans Kristian dámar væl hesa støðutýpu ímóti kongaindiskum) 8...a6 9.Rb1 b5 10.cxb5 axb5 11.b4 Bb7 12.Fc2 c6 13.dxe5 dxe5 14.Rd1 Fe7 15.a4 (Hans K. roynir at skapa lív í støðuna við hesum áhugaverda leiki) 15...Rfc8 16.Rid2 c5 (Hart móti hørðum...) 17.Ba3 bxa4 18.bxc5 Bc6 19.Rid5! (Hvítur hevur initiativið við hesum sterka riddaraleiki) 19...Fe6 20.Ric4 Rab8 21.Rxb8 Rxb8 22.Ric7! Fe7 23.Rd6! (Vinnandi leikur. Fær a-finnuna, umframt betri støðu) 23...Bb5 24.Rixb5 Rxb5 25.Fxa4 Rxc5 (Ja, handan finna hevði farið beint á mál...) 26.Bxc5 Rixc5 27.Fa8+ Bf8 28.Rd8 Rie6 29.Rc8 Fb4 30.Bf1 Fe1 31.Rixe5 Fxe4 32.Fxe4 Rixe4 33.Bc4 Ri6g5 34.Rid7 Rid6 35.Rxf8+ 1–0 Støðumynd eftir 22…Fe7 Bestu tippararnir Formula-tipping Topp 10 1 Rógvu 17 1 Suni Juul Pedersen 17 3 Oddmar á Lakjuni 15 4 Teitur Simonsen 14 4 Regin Davidsen 14 5 Helgi Poulsen 14 7 Thorvald Jacob Petersen 13 7 Høgni Árting Danielsen 13 7 Heri Ósá 13 7 Brian Jensen 13 HM-tipping Topp 10 1 Magnus Simonsen 29 2 Ragnar Háskor 28 2 Debes Danielsen 28 4 Jákup Ósá 27 4 Jóhan Damgarð Eysturdal 27 6 Jóan Pauli Jespersen 25 7 Jákup Mørk 24 7 Áki Andreasen 24 7 Ronni Poulsen 24 10 Róaldur Jacobsen 23 10 Rúni Mortensen 23 Stutt sagt HM í tipping hálvrunnið Tann parturin av tippingar- kappingini, sum snýr seg um HM, er nú hálvrunnin. Higartil hevur Magnus Simonsen lagt seg á odda, men munurin til næstu tippararnar er sera lítil Tipping Jákup Mørk jakup@sosialurin.fo Dagurin í dag er fyrsti frídagurin fyri skíggjan, síðani HM varð sparkað ígongd fyri trimum vikum síðani. Fyrsti parturin av knock-out fasuni er farin aftur um bak, og nú eru bara átta lið eftir av teimum 32, sum løgdu til brots í endaspælinum. Tí er kanska eisini eitt hóskandi høvi at hyggja at, hvussu støðan er í tippingarkappingini, sum Sosialurin hevur um HM. Kappingin fer fram á tipping.sosialurin.fo, og er ókeypis. Hóast tað helst verður trupult at enda á toppinum í sjálvari HM-kappingini, so er á ongan hátt ov seint at fara ígongd enn. Tað er nevnliga ikki bara fyri HM-kappingina, at vinningur verður latin. Í Formula-deildini verður eisini tippað, og har eru framvegis 13 umfør eftir, áðrenn besti tipparin kann kjósast. Mánaðarvinningar eru eisini á skránni, og tí ber til at kappast um góðar vinningar heilt fram til tað seinasta. Í HM-kappingini er Magnus Simonsen higartil fremsti luttakarin við ikki færri enn 29 av 48 møguligum stigum. Fyri at fáa 48 stig, skuldu øll tey átta úrslitini í 1/8- finalunum tó verið rætt tippað, og sannlíkindini fyri at hetta nakran tíð fer at henda munnu vera serstakliga fá. Tað eru tó fleiri, sum eru beint í hølunum á Magnusi. Bert tvey stig skilija bestu fimm tippararnar, og tað er ikki meira enn so, at hetta alt kann broytast eftir bert einum dysti, so alt í alt røkist fyri, at spenningurin um endaligu støðuna fer at halda sær fram til seinasta dystin. Tippið við vinunum Umframt at taka lut í samlaðu kappingini, ber eisini til at hava kappingar við vinum á tipping.sosialurin. fo. Á valmyndini, sum kemur fram, tá tippingarkappingin er vald, ber til at velja sær tipp-vinir. Við at leita upp á vinir, ber til at biða sær ein ella fleiri vinir at tippa saman við og ímóti, og á síðuni sæst so, hvussu innan hýsis støðan tykkara millum er. Eisini ber her til at síggja, hvussu vinir tínir hava tippað higartil í kappingini, soleiðis at ein samanbergin millum stigaheintanina kann gerast. Og so kann eisini síggjast, hvussu vinir tínir hava tippað til komandi umfarið. Í hesum seinasta ber tó bara til at síggja, hvønn vinirnir hava tippað sum vinnara, ella um javnleikur er gittur. Sjálv úrslitatippingin framgongur ikki av hesum, tí tað skal jú helst ikki verða so, at vinirnir støðugt fáa sama stigatal fyri hvørt umfarið. -mørk Talvið hesa vikuna Hans Kristian á odda í Vági Støðan eftir 5. umfør 1 Hans Kristian Simonsen FAI (2295) 4,0 2 IM bjørn Brinck-Claussen DEN (2359) 3,5 3 IM John Arni Nilssen FAI (2356) 2,5 4 IM John Rødgaard FAI (2344) 3,0 5 IM Simon Bekker-Jensen DEN (2393) 3,0 6 Helgi Dam Ziska FAI (2306) 2,5 7 WGM Lenka Ptacnikova ISL (2183) 2,0 8 Omar Salama EGY (2214) 1,5 9 Sjúrður Thorsteinsson FAI (2067) 1,5 10FM Per Andreasen DEN (2303) 0,5 FAKTA Hans Kristian Simonsen