hósdagur 29. juni 2006síða 41

41 [ Nr. 123 - 29. juni 2006 ] Brøndby nýtti ólógligan spælara Í Viasat Cup, sum donsku feløgini spældu seint í vár, er Brøndby nú dømt at tapa dyst á skrivaraborðinum. Dysturin hja´Brøndbby móti Esbjerg endaði annars við 2-2 javnleiki. Málini hjá Brøndby vórðu bæði skotin av David Williams, men hesin er ikki skrásettur hjá Brøndby í vaksnamannarøðini. Og tað hevur nú havt við sær, at Brøndby er dømt at tapa dystin. -mørk Tvey HM-met til Sveis Hóast sveisiska landsliðið vónbrotnir máttu fara heim, tá teir taptu brotssparkskapping fyri Spania, so høvdu teir tó tvey met við sær í viðførinum. Fyrst og fremst, so er Sveis fyrsta landið, sum er farið úr einum HM-endaspælið uttan at eitt tað einasta mál er skotið móti teimum. Hartil setti Sveis eisini met í brotssparkskappingini móti Ukraina. Sveis er nevnliga einasta landið, sum ikki hevur skorað í eini brotssparkskapping í HM, so tað metið var kanska minni imponerandi. -mørk Bæði í Klaksvík og Gøtu kenna teir trýst á sær at fáa trý stig, eftir at tað seinast ikki eydnaðist at fáa meiri enn eitt stig á heimavølli Fótbóltur Jóannes Hansen Í kvøld klokkan 18.30 fara GÍ og KÍ at spæla lands­ kappingardyst í Gøtu. Hetta er sambært kap­p­ing­ar­ skipanina. Dysturin er í 17. umfari og verður spældur nú, tí GÍ 11. juli fer av landinum í UEFA Cup ørindum. Teir skulu spæla í Letlandi. Tað er sól og heiður himin, og í Gøtu rokna teir við nógvum fólki í kvøld. – Kravið hjá okkum eru trý stig á heimavølli, um vit skulu standa okkum í odda­stríðnum. Serliga tá ið vit bara megnaðu javnleik á heimavølli móti NSÍ stað­festir GÍ veteranurin Magni Jarnskor. Í Gøtu eru allir spælararnir tøkir uttan Hans Jørgen Djurhuus, sum er leikbannaður. Tað hevur ljóðað, at Magni Jarnskor, Sam Jacobsen og Áslakur R. Petersen eisini skuldu vera leikbannaðir. Tað verða teir næstu ferð, teir fáa kort. Kontan hjá øllum vísir fýra gul kort. Kaj Ennigarð breyt bein í hondini ímóti NSÍ. Hondin er ikki gipsað, men løgd í skinnara, og stinni verju­ spælarin hevur vant í vikuni og verður í miðverjuni í kvøld. Eins og sunnudagin ímóti NSÍ, so kendu gøtumenn tað sum um, at teir høvdu vunnið eitt stig, tá ið teir 21. mai og í 9. umfari í Klaksvík javnaðu til 1-1 í síðstu løtu. Hjá klaksvíkingum var hetta eitt av fleiri vón­brot­ um. Á heimavølli hava teir seinastu ferðirnar dyggiliga tapt móti B68 og bara fingið eitt stig burturúr móti HB, eftir at teir vóru frammanfyri við tveimum málum. Mál­ leysi javnleikurin í Fuglafirði var eisini stórt vónbrot. – Skulu vit hugsa um at hava samband við GÍ og hini oddaliðini, so mugu vit vinna í kvøld, staðfestir Atli Danielsen, sum móti HB var á miðvøllinum fyri fyrstu ferð í ár. Allir klaksvíkingarnir eru tøkir. Yngstu menninir í hópinum hava ikki átt ser­ligan leiklut seinastu ferð­irnar, og tað fara teir neyvan heldur at fáa í kvøld. Kristoffur Jacobsen, Stefan Kalsø og eykamálverjin Mathi­as Samuelsen spældu steypafinalu í ung­ lingadeildini í gjárkvøldið. Petur Reinert verður dómari í Gøtu í kvøld. Kravið er full úrtøka Talan er um framskundaðan dyst úr 17. umfarinum, sum verður spældur í Gøtu í kvøld