hósdagur 29. juni 2006síða 47

Nr. 123 - 29. juni 2006 49 Puntur nr. 23 Seks stór rund bein og ein glitrandi avrundaður kroppur. Eitt tað fyrsta, ein sær, tá ein kemur til Reykjavík, er ein bygningur, ið líkjist einum rúmdarskipi. Men ver bara rólig – tað eru ikki lítlir grønir menn, sum búgva har, men ein fantastisk matstova, cafe og útsýnsstað, ið hvílir á seks vatnbrunnum Matstova Orð & myndir: Inna Tørnroos inna@sosialurin.fo Fimm av vatnbrunnunum hita Reykjavík og innihalda fýra miljónir litrar av vatni hvør. Vatnið er umleið 85 graðir. Tann sætti brunnurin verð­ur í dag nýttur til savn, har voxdukkur av kendum íslendingum eru vístar fram. Ein kann siga at tað er eitt lítið ”Maðame Toussauds”, sum flest øll kenna úr London. Tann ovali bygningurin, sum er bygdur oman á vatn­brunnunum er gjørd­ ur í glasi. Yvir 1.000 glas­ vindeygu eru nýtt, so at altíð skal bera til at síggja út yvir Reykjavík, og kanska verða heppin um veturin og síggja norðlýsið. Mini Geysir Tá ein kemur inn í bygningin verður ein møttur av einum lítlum Geysir, ið fýsir mest­ sum alla tíðina. Perlan er í fýra hædd­um. Á fyrstu hædd eru fund­ arhøli við plássi fyri 80 fólkum. Á næstu hædd­ini er tann sokallaði ”Winter garden” har tón­leika- og sjónleikatiltøk verða hild­ in og ymiskar fram­sýn­­ing­ ar. Á triðju hædd er cafe, útsýnsstað, marg­lætis­mat­ handil og souve­nir­handil. Matstovan er tað Perlan er mest kend fyri, og hana finna vit á fjórðu hædd. Har verður ein sessaður nærmast glasvegginum. Gólvið rørir seg spakuliga runt, og aftan á tveir tímar hevur ein sæð alt Reykjavík. Tey, ið hava verið har, fortelja mangan frá, hvussu tey fóru á wc og ikki funnu til borðið aftur, eftirsum borðið jú hevði flutt seg, meðan tey vóru burtur. Ongar stórar lampur lýsa í Perluni, men tað eru pikkalítlar lampir í hvørjum sprossa millum rútarnar. Hetta ger, at tað sær út sum ein stjørnuhimmal, tá tað er vorið myrkt úti. Avbera romantiskt. Kendir kokkar Kokkarnir, ið gera matin á Perluni eru teir bestu í Íslandi. Tá ein kemur inn í matstovuna er tað fyrsta ein sær, steyp og heiðursmerki, sum teir hava vunnið sær í matkappingum runt um. Eg valdi at royna eina lokala delikatessu, tá vit vóru so heppin at sleppa til Perluna. Hval carpaccio – sum merkir tunn stykki av ráum hvali við ingifer, chili og soju. Tað smakkaði áhugavert. Ikki sum mammusa grind og spik, sum ein er vanur við, men hesin hvalurin smakkaði meiri enn føroyski grinda­ hvalurin. Kann vera at tað var tí, at hann var ráur. Til høvuðsrætt át eg ís­lendskt lambakjøt. Kanska eitt sindur keðiligt, eftir­sum ein etur tað so ofta her heima. Men sjáldan serverað við rosmarin­sós og pekan­nøt til. Smakk­aði avbera væl. Hvat vit skuldu eta om­aná var torført at velja eftirsum tað vóru minst eini tríggjar desertir á matar­kortinum, sum sóðu lokkandi út. Vit valdu at taka hvíta sjokulátamousse við hindber sós og hvítum sjokulátaísi til. Nýtist mær at siga, at tað smakkaði væl? Perlan er ikki eitt bíligt stað at eta á – okkara máltíð kostaði umleið 560 krónur fyri ein persón uttan nakað at drekka, men tænastustøðið er sera høgt, umhvørvið heilt fantastiskt og maturin smakkar avbera væl. Kanska vert at taka sær ein túr til rúmðarskipið í Reykjavík næstu ferð tú er í Íslandi. Ein perla í Íslandi Perlan er uppbyggd av yvir 1000 glasrútum, og útsýnið er tað besta ein fær í Reykjavík Ráan hval til forrætt Lambakjøt við rosmarinsós og stoktum gularøtrum til høvuðsrætt Hvíta sjoukulátamousse við hindberum og ísi