mánadagur 3. juli 2006síða 30

30 [ Nr. 125 - 3. juli 2006 ] Nesta er ivamsamur Verjuálitið hjá italska landsliðnum, Alessandro Nesta, er ivasamur til hálvfinaluna ímóti Týsklandi týskvøldið. Nesta hevur ikki spælt við í seinastu tveimum dystunum hjá Italia í HM, og tað er ikki sannlíkt, at hann verður aftur á vøllinum ímóti Týsklandi í morgin. Tað er ein gamal skaði í lúskuni, sum nú órógvar Nesta. - Møguleikarnir hjá honum fyri at spæla ímóti Týsklandi eru sera smáir, sigur ein talsmaður fyri italska landsliðið. Nesta hevur spælt í trimum HM-endaspølum, og í øllum kappingunum hevur hann sitið uttanfyri onkrar dystir við skaða. Suðuroyingar vunnu enn einaferð 2-1 sigur í Fuglafirði. Við trimum nýggjum monnum á liðnum hildu teir fast um leiðsluna, sum teir vunnu sær tíðliga í dystinum Fótbóltur Jákup Mørk jakup@sosialurin.fo Hýrurin á heimaliðnum var einki serligur, tá dysturin í Fuglafirði var blásturin av leygardagin. Gaman í var varmakelda á skránni, men trupult var at síggja nakran veitsluróm kring vøllin. Eins og teir gjørdu tað fyrr í ár, so hevði ÍF júst tapt heima- og botndyst móti VB/Sumba, og fyribils er avleiðingin, at ÍF er mest sum avbyrgt í botninum ádi stigatalvuni. Mistak og perla Nakað soleiðis ljóðaði mill­ umyvirskriftin, tá vit fyrr í ár lýstu teir bæði málini, sum VB/Sumba ta ferðina skoraði í Fuglafirði, og sama yvirskrift tolir væl eina endurtøku hesaferð. Fuglfirðingar vóru ann­ ars teir, sum byrjaðu dystin betur. Fyrsta góða korterið var talan um nógv trýst, og møguleikar fingu teir eisini. Nærri enn einum skoti á stólpan og eini røð av hornaspørkum komu teir tó ikki, og brádliga hevði VB/Sumba tvær ferðir revs­ að teir. Fyrra málið hjá gestunum var úrslit av alt annað enn sannførandi verjuspælið frá vertunum. Verjan fekk als ikki beint bóltin burtur, og so var púra blanki Birgir Jørgensen skjótur at taka av. Stutt seinni økti VB/ Sumba til 2-0, og tá var talan um eina perlu. Uppspælið gekk skjótt upp í síðuni, og tá bólturin varð sendir innfyri, kundi Evrard Ble sera vakurt kundi stýra í málhornið við høvdinum. Trýst uttan úrslit Leiðslan gav gestunum møguleikan at spæla júst tað spælið, sum teir høvdu í kvittanunum. Teir løgdu seg djúpt á vøllinum, og dúvaðu upp á kontra, meðan tað so var til fuglfirðingar at skapa sær neyðuga trýstið. Fyri ein part kom hetta eisini, men tað var tó sjáldan, at tað gjørdist heilt vandamikið. Tíðliga í seinna hálvleiki fekk seinni málskjúttin hjá VB/ Sumba sítt næsta gula kort í dystinum, og so máttu gestirnir spæla við tíggju monnum, tað sum eftir var av dystinum. Fuglfirðingarnir kundu nú trýsta enn meira, men tað var ikki fyrr enn í tíðini, sum dómarin hevði lagt afturat, at munurin minkaði. Bartal Eliasen varð trýstur í ryggin í brotsteiginum, og so var brotsspark. Tað setti Bartal sjálvur trygt í kassan, men bólturin var ikki meira enn givin upp, tá dómarin blásti seinasta bríkslið í dystinum, og so var einsamalli botnsessurin kaldur veruleiki í Fugla­ firði. Framgongdin steðgaði Á sín hátt tóktist hetta eisini markera ein enda á framgongdini, sum ÍF hevur havt seinnu umførini. Liðið hevur annars savnað sær nógv stig hesar seinastu dystirnar og tóktist vera ávegis úr botninum. Greiða tapið fyri B36 seinast var kanska ein ímynd av, at framgongdin nú var steðga, og við tapinum sunnudagin tykist aftur standa púrasta fast. Skulu fuglfirðingar reisa seg, so er eisini alneyðugt, at hetta verður gjørt sum skjótast. Longu komandi sunnu­dag stendur nýggj botnuppgerð á skránni, tá vitjað verður á Toftum, og kravið til ta uppgerðina er so púrasta greitt. VB/Sumba hevur tá heima­ dyst móti HB, sum uttan iva hevur ætlanir um at reisa seg eftir dygga ósigurin í grannauppgerðini. Lítið er tó at ivast í, at vónrinar í Suðuroynni ikki eru heilt ongar til dystin. Tríggir nýggir mans vóru á liðnum leygardagin, og sum skilst, so stóðu hesir seg sera væl. Ikki minst nýggi verju­ spælarin og Tummas Pauli Olsen, sum er komin úr B71. Rógvi vann á Albert Eitt mál kom í dystinum ímillum KR og Njarðvík um vikuskiftið, og málið fekk KR. Rógvi Jacobsen spældi allan dystin á liðnum hjá KR, og í málinum hjá Njarðvík var ein annar kenningur í Føroyum. Albert Sævarsson, sum hevur vart málið hjá B68, er málmaður hjá Njarðvík, og hann spældi ein sera góðan dyst ímóti KR, ið var stórfavorittur til at vinna. Einasta málið í dystinum skoraði KR beint fyri hálvleik, tá ið Rógvi Jacobsen sendi inn fyri til liðfelagan Bjarólfur Lárusson, ið skoraði. Fyri aðru ferð í ár fór VB/Sumba úr Fuglafirði við øllum stigunum. Eitt úrslit, sum aftur sendi ÍF niður í botnin á stigatalvuni savnsmynd Harmiligt tap – Vit eru sjálvandi ikki nøgdir eftir eitt slíkt tap. Talan er um ein dyst, sum vit eiga – og í øllum førum skulu – vinna. Petur Simonsen, venj­ari hjá ÍF, var púrasta greiður um, at talan ikki var um nóg gott úrslit, sum liðið hevði fingið leygardagin, tá teir taptu móti VB/Sumba. Partvíst, so mundi hetta úrslit eisini til­eink­is­gera góðu úrslitini, sum ÍF hevur havt sein­asta góða mánaðin, og eisini hetta hevði kanska sínar orsøkir, helt Petur. – Tað vísir í øllum før­­um, at vit eru sera viðbreknir, tá lykla­spæl­arar eru burturfrá. Hesa ferð var Alexander úti við skaða, og tað merkti liðið alt fyri eitt. – Sjávlandi setir úr­­slit­ið okkum í eina trupla støðu, men vit mugu so bara vit, um vit klára at arbeiða okk­um úr hesum, heldur Petur Simonsen, sum nú setir fokus á næstu uppgávuna, sum verður á Toftum komandi sunnu­dag. ÍF-VB 1-2 (0-2): Varmastevnu­ hýrurin fór í botn 1 Jákup Ósá 38 1 Magnus Simonsen 38 3 Róaldur Jacobsen 38 4 Debes Danielsen 37 5 Regin Sivertsen 36 6 Regnar Háskor 34 6 Áki Andreasen 34 6 Jóan Pauli Jespersen 34 9 Rúni Mortensen 33 10 Regin Davidsen 32 10 Áki Johansen 32 10 John Michael Petersen 32 Tríggir javnir í oddinum Tað gongur sera javnt fyri seg í HM-tipp­ing­­ar­kappingini hjá Sosialinum og Formula.fo. Nú bert fýra dystir eru eftir at spæla, eru tríggir tipparar enn púr­asta javnir í oddin­ um, og beint í hølunum á teimum eru fleiri, sum eisini gera um seg. Millum annað Reg­in Sivertsen, sum í fjórð­ingsfinalunum skoraði ikki færri enn 17 av 24 møguligum stigum. Støðan eftir fjórðings­finalurnar í HM er hendan: VB ÍF