mikudagur 5. juli 2006síða 10

10 Nr. 127 - 5. juli 2006 Seta á Brugduna 13. juli Leygardagin verður heldur óvanlig sjón at síggja á Nólsoyarfirði millum russisk fiskifør og fremmandar stuttleikarbátar. Ein sjón, sum ber boð um eina møguliga nýggja framtíð her á landi. Tá kemur risastóri norski boripallurin Stena Don á fjørðin við umleið 100 boriarbeiðarum umborð. Uppgáva teirra er komandi tríggjar mánaðirnar og fyri fyrstu ferð nakrantíð at bora niður gjøgnum kilometra harða og tjúkka føroyska basaltið úti á landgrunninum. Ein óvanlig og spennandi avbjóðing. Ætlanin var at seta hol á á ólavsøku, men nú hevur tað eydnast fyristøðufelagnum Statoil at fáa pallin til Føroya fyrr enn ætlað, og tað er má sigast at vera rættiliga óvanligt í eini tíð, har tað er nærum ómøguligt at fáa boripallar til at bora í slíkum djúpvatnsøki sum okkara. Dømi eru um fleiri boriætlanir um okkara leiðir, sum eru útsettar, tí tað hevur ikki verið gjørligt at fáa pallar. Hesaferð er tað beint øvugt og vónandi er hetta symptomatiskt fyri boringina eisini. Tað er ætlanin at seta á undirgrundina á Brugduleiðini longu 13. juli. Borað verður so út í eitt í tríggjar mánaðir. Tilsamans 8 oljufeløg eru um boringina og teirra millum eisini Atlantic Petroleum og Faroe Petroleum. Mett verður at tað er 25% møguleiki fyri at gera eitt fund. Tað spennandi við hesi boringini er so nettupp hetta, at tað verður borað á einum heilt nýggjum øki á føroyska landgrunninum og gjøgnum basalt. Hóast øll fyrivarni eiga at takast og vit eiga at vera varin við at taka nakað sum givið fyrr enn borað er, so er tað tó greitt, at stórur partur av altjóða oljuverðini fylgir sera væl við júst hesi boringini. Verður hon eitt fund merkir tað, at Atlantsmótið fær enn størri fokus, og í síðsta enda kann hetta hava við sær, at Atlantsmótið, her økið millum Hetland og Føroyar fer at vera mett sum ein nýggj og týðandi oljuprovins ella sum onkur hevur málborið seg – tann nýggi Norðsjógvurin. 13. juli er í so má ein søguligur dagur. Sosialurin Sosialurin Stovnaður: 1927 Ábyrgdarblaðstjóri: Jan Müller jan@sosialurin.fo Blaðstjóri: Eirikur Lindenskov eirikur@sosialurin.fo Redaktiónssekreterur: Inna Törnroos inna@sosialurin.fo Marknaðardeild: lysing@sosialurin.fo Jonhard Hammer jonhard@sosialurin.fo Gudny Langgaard gudny@sosialurin.fo Henrietta Hammer henrietta@sosialurin.fo Birgir Waag Høgnesen birgir@sosialurin.fo Blaðfólk: Áki Bertholdsen aki@sosialurin.fo Vilmund Jacobsen vilmund@sosialurin.fo Snorri Brend snorri@sosialurin.fo Magnus Gunnarsson maggi@sosialurin.fo Anna V. Ellingsgaard anna@sosialurin.fo Eydna Skaale eydna@sosialurin.fo Rigmor Dam rigmor@sosialurin.fo Lív Højsted Horsdal horsdal@sosialurin.fo Rólant Waag Dam rolant@sosialurin.fo Heini Kristiansen heinik@sosialurin.fo Ítróttur: Jákup Mørk jakup@sosialurin.fo Myndamenn: Álvur Haraldsen alvur@sosialurin.fo Jens Kristian Vang jensk@sosialurin.fo Sosialurin í Norðoyggjum: Nólsoyar Pálsgøta 1, 700 Klaksvík tel. 458686 fax 458687 e-post: klaksvik@sosialurin.fo Sosialurin í Suðuroy: tel. 375364 fax 375464 tel. 228814 e-post: aki@sosialurin.fo e-post: dagfinn@sosialurin.fo !!! Haldarar sum ikki hava fingið blaðið, kunnu ringja til 341818 og boða frá, leygardag tó frá kl. 11.00-13.00 Uppseting/prent: Uppseting: Sosialurin Prent: Prentmiðstøðin Útgevari: Sp/f Sosialurin Avgreiðsla: Mán.-frí. 8-16 Tórsgøta 1, 100 Tórshavn Tel. 341800, Fax 341801 Postadressa: Postboks 76, 110 Tórshavn E-mail: post@sosialurin.fo lysing@sosialurin.fo lysingartorg@sosialurin.fo varp@sosialurin.fo Blaðið verður prentað mánadag-fríggjadag klokkan 1400 Lýsingar Freistir: Tekstlýsingar Størri lýsingar Lýsingartorgið Heilsanir Mánadagsblaðið Mán.kl. 10 Frí. kl. 15 Frí. kl. 12 Frí. kl. 12 Týsdagsblaðið Týs. kl. 10 Mán. kl. 15 Mán. kl. 12 Mán. kl. 12 Mikudagsblaðið Mik. kl. 10 Týs. kl. 15 Týs. kl. 12 Týs. kl. 12 Hósdagsblaðið Hós. kl. 10 Mik. kl. 15 Mik. kl. 12 Mik. kl. 12 Fríggjadagsblaðið Frí. kl. 10 Hós. kl. 15 Hós. kl. 12 Hós. kl. 12 Størri lýsingar, sum nógv arbeiði stendst av, mugu vera inni í góðari tíð og áðrenn ásettu freistir. Framíhjápláss má umbiðjast í góðari tíð. Stødd: Ein heil síða í Sosialinum er 254 mm breið og 346 mm í hædd. Breiddin á einum teigi er 39 mm og rúmið millum teigarnar er 4 mm. Innsent tilfar Fult navn skal vera undir innsendum tilfari. Innsendar greinar, har blað­leiðsl­an ikki er kunnað um bústað og telefonnummar, verða ikki settar í blaðið. Væl veit eg at 30 krónur er ikki nøkur stór upphædd, men tað er eitt sindur tilsamans tá ið allir Net-bankakundar skulu gjalda tað Ólavur Í Beiti SAMBAND eirikur lindenskov eirikur@sosialurin.fo tlf 341800 viðmerkingar Tað fór alt at verða so lætt, tá ið vit fingu alnetsbankan og tað fór einki at kosta! Soleiðis ljóðaði tað fyri nøkrum árum síðani, tá ið vit privatu kundar eisini fingu møguleika at gera okkara pengaflytingar! Rátt var til at fáa sær Heimagreiðslu ella Netbanka, tí tað var so nógv bíligari! Og skjótari eisini! Og alt so nógv lættari! Jú, alt hetta er satt! Men ikki í báðum bankum! Í Føroya Sparikassa er tað satt! Eg veit ikki, hví eg altíð havi sovorðnan ótta, tá ið eg fari inn á Netbankan hjá Føroya Banka. Hesin ótti er ikki, tá ið eg fari inn á Heimagreiðsluna hjá Føroya Sparikassa! Kanska er tað, tí at eg veit, at Føroya Sparikassi stendur fyri áliti og virðing fyri kundanum, at eg kenni meg púra vísan, tá ið eg fari inn á Heimagreiðsluna! Nú havi eg bæði Net- banka hjá Føroya Banka og Heimagreiðsluna hjá Før- oya Sparikassa, so eg síggi munin á hesum báðum alnetsbankum. Annars fekk eg ikki útalað meg um nakran mun! Heimagreiðslan hjá Før- oya Sparikassa hon koyrir sum hon skal og tær føstu flytingarnar fara av, tá ið tær eiga, og har koma eingi nýggj tøl soleiðis sníkjandi inn á hesa alnetsgreiðslu. Kundin kennir seg púra tryggan, tí Føroya Sparikassi hevur altíð borgað fyri trygd, og kundarøkt á hægsta støði. Føroya Sparikassi stendur sum kletturin, hann vikast ikki, og kundin kennir seg altíð rættvíst viðfarnan! Soleiðis kenni eg tað, í hvussu so er. Netbankin hjá Føroya Banka er sama skipan sum Heimagreiðslan, men munurin er tann, at á hesi skipan kunnu sníkja seg ymisk tøl inn av og á, sum tú ikki hevur varnast áður. Herfyri kom eitt gjald at standa á kontuni sum at: Kontoavrit, 30 krónur. Og nú er eitt tal komið at stand í hesum mánaðinum sum eitur: NB Privat Haldaragjald, eisini 30 krónur. Væl veit eg at 30 krónur er ikki nøkur stór upphædd, men tað er eitt sindur tilsamans tá ið allir Net- bankakundar skulu gjalda tað. Og er hetta árligt gjald ella hálvárligt? Og hvat er hetta fyri haldaragjald? Hvat eri eg farin at halda nú, sum eg ikki helt áður? Eg segði at byrja við, at eg kenni meg altíð eitt sindur óttafullan, tá ið eg loggið meg á Netbankan, tí eg veit ikki, um alt er etið upp av ómaksgjøldum ella ikki! Hesin ótti er ikki, tá ið eg loggið meg inn á Heimagreiðsluna hjá Føroya Sparikassa! Har stendur peningurin tryggur, og tað verður flutt av tað, sum eigur at fara av, og einki annað! Einki annað! Kanska Føroya Banki ómakar sær at kunna kundan um, hvussu nógv gjøld fara at koma aftrat í ár! Nú er NB Privata Haldaragjaldið goldið, so nú mugu vit sum haldarar – ja, av hvørjum, veit eg ikki enn – fáa kunning um hetta haldaragjald, hvussu ofta tað skal gjaldast, hvørji rættindi tað gevur, hvørjar fyrimunir tað gevur o.s.fr.! Og kanska Føroya Banki eisini kunnar okkum hal- darar um, hvørji gjøld fara at sníkja seg inn á Net- bankan aftrat í ár? Kanska kemur eitt Spam- gjald? Kanska eitt Uppgrad- eringsgjald eisini? Og eitt Webmastergjald seinni kanska? Og eitt Spywaregjald? Munur á bankum Á Borg á Argjum á syftunsøku 2006 Takk fyri viðmerkingarnar, Jón og John! FARS-TELDA: Ikki eri eg matgerðarkønur, men eg skal geva tær rætt í, at hatta ljóðar eitt sindur margháttligt. Havi ávíst samband við sunnanfjørðsfólk. Tey brúka vanliga ikki hatta stutta sjálvljóðið, sum vit norðanfjørðsfólk gera. DØMI: Tá eg sigi kjøbbpylsa, siga sunnan- fjørðsfólkini kjøtpylsa (langt ø). Norðanfjørðs siga vit breffflís og snarrljós; sunnanfjørðs siga tey breyðflís og snarljós (langt fyrra a). Hjá mær er tað natúrligt at siga snarrljós. Kortini haldi eg, at eg sigi fartelefon (langt fyrra a)!?! Hvussu við Snarskivuni? Møguliga er tað stutta sjálvljóðið víkjandi í nú- tíðarføroyskum!? Onkustaðni siga/søgdu tey hjossar/frossar = hjá sær/ frá sær. Tað man eisini vera eitt farandi fyribrigdi. FARR-TELDA, FARR- STØÐ, ikki FARS-TELDA, FARS-TØÐ! (Ella kanska bara langt fyrra a)!? KÆRLEIKI, ikki KARR- LEIKI! Mín frálíki føroysklærari, Theodor, plagdi at siga, at tað var betri at siga kærleiki, tí karrleiki minnir um kargleika (at vera kargur). STIKPELAR: Pelar til eitt stik. Tað er í so hvussu so er eitt vakrari orð enn hegnpeli. Stikan er tó vakrast og snøggast! E.S. SPANIEN og UKRA- INE, segði ein útvarps- maður, tá hasi bæði londini spældu dyst. Ikki eru vit komin longri! ELFENBAINSKÚSTIN, segði fótbóltsspælari við liðfelagar sínar. Ikki skemt. Eingin talaði at. G R Ø N H Ø V DAOY G - GJAR/CABO VERDE - oyggjar. Dúgvan er seld til hesar oyggjar. Forvitnisligt at hoyra fjølmiðlafólkini lesa hasi tíðindini. Man Deutschland ikki fara at vinna H.M., nú Argentinien er fallið? E.E.S. Spældu teir tennis í Gundadali? Til lukku við steypsfinaluni, AB-kvinnur! Gott málsummar! Fars, stikpelar og H.M.-fótbóltur Eyðun á Borg rithøvundur Ólavur í Beiti