hósdagur 6. juli 2006síða 13

Nr. 128 - 6. juli 2006 13 Tøkk Hjartaliga tøkk fyri sýnda samkenslu, tá ið kæri maður, pápi, verpápi og abbi okkara Edmund Haraldsen Tórshavn andaðist og varð jarðaður. Tøkk til tykkum í kapellinum á Landssjúkrahúsinum. Tøkk til prest fyri troystarrík orð. Tøkk til sangarar og kirkjutænarar, berarar og gravara. Tøkk fyri uppringingar, blómur og kransar, peningagávur og til øll, ið hjálptu á annan hátt. Tøkk til tykkum mongu, ið fylgdu honum til hansara seinasta hvíldarstað. Harrin signi tykkum øll. Marita, børn og abbabørn Mentanarhúsið í Fuglafirði: Skeið í máling seyming og tøving Eitt skeið í máling, seym­ ing og tøving var í Ment­ anarhúsinum í Fuglafirði í døgunum 16., 17. og 18. juni í ár. Skeiðið byrjaði fríggjakvøld og longu áðrenn tað fyrsta kvøldið var runnið, var íblásturin hjá luttakararunum so stórur, at teir vildu ikki leggja amboðini fyri at hvíla til ein langan leyg­ ardag fyri framman. Árla leygarmorgunin var Mentanarhúsið aftur fult av kreativum fólki, ið bara vildu skapa mera. Allan leygardagin á tamb varð framleitt av lívsins kreftum, og tað leið væl út á sunnu­ morgunin áðrenn amboðini hvíldu aftur. Sunnudagurin varð so endabresturin, har sýnast skuldi fram. Men lut­tak­ ararnir høvdu skapað so nógv og høvdu so ilt við at steðga, at framsýningin bleiv meira eitt verkstað, har tey vitjandi høvdu høvi at hyggja at meðan lista­ fólkini løgdu seinastu hond á verkini. Sum tann fullfíggjaði endin á tiltakinum skein sólin bæði oman og niðan í Fuglafirði sunnudagin 18. juni, so framsýningin av verkunum frá skeiðnum varð flutt útum á tað stásiliga torgið uttanfyri Mentanarhúsið. Nógv fólk vitjaði fram­ sýningina og áhugin var stórur at fáa fyriskiparar­ nar at skipa fyri einum skeiði afturat. Hetta verður nú veruleiki, og verður Mentanarhúsið í Fuglafirði, ið er sera væl egnað til tílíkt tiltak, aftur karmur um skeið í máling, seyming og tøving í døgunum 21., 22. og 23. juli 2006. Tað eru tær tríggjar krea­ tivu eldsálirnar Randi M. Gunnarsdóttir, Oddvør á Lakjuni og Unn E. Petersen, ið skipa fyri. Til ber at ringja til eina teirra og fáa meira at vita ella at tegna seg á tlf. 224253 Í døgunum 21. 22. og 23. juli 2006 verður Mentanarhúsið í Fugla­firði aftur karmur um eitt skeið í máling, seyming og tøving. Fyrra skeiði var í miðskeiðis í juni mánað Tíðindaskriv 7. juli. Villebaldus, deyður í 787. Saman við pápa sínum Rikardi og bróðurinum Vunibaldus gjørdi hesin enski munkurin pílagrímsferð til Róm og var tann einasti, ið kom fram. Seinni gjørdist hann biskupur í Eichstadt í Bayern. Dagurin í morgin Anna Højsted, ættað úr Hvalvík, búsitandi í Taastrup andaðist á Plejecentret Henriksdal í Taastrup fríggjadagin 30. juni, 82 ára gomul. Jarðarferðin úr Hval­ víkar kirkju verður lýst seinni. Jonna Rasmussen, fødd Nielsen, ættað úr Havn, búsitandi í Sørvági, and­ aðist mikudagin 5. juli, 65 ára gomul. Andakt verður á Ellisheiminum í Vágum fríggjadagin kl. 18. Jarðarferðin verður úr Sørvágs kirkju leygar­ dagin kl. 13. Tey, ið vilja minnast Jonnu, kunnu lata Føroya Felag móti Krabbameini eina pen­ ingagávu. Konto í pen­ ingagastovnunum. Petur Petersen, Tvør­ oyri vanliga nevndur Petur í Puntabyrgi fer til gravar úr Tvøroyrar kirkju fríggjadagin kl. 13. Tey, ið vilja minnast Petur, kunnu lata eina peningagávu á konto í Føroya Sparikassa. Lítla Lív Wiegand Dan­ ielsen, dóttir Guðr­un Danielsen og Henrik Wiegand Hansen, and­ aðist í heiminum miku­ dagin 5. juli, 2 ára gom­ ul. Jarðarferðin verður úr Kirkjubøar kirkju leygardagin kl. 13. Urnan við Erling Høj­ gaard fer úr Rituvíkar kirkju fríggjadagin klokk­ an 14. Sungið verð­ur úr sálmabókini. Zacthilda Jensen á Stykki­num andaðist týs­ dagin, 96 ára gomul. Jarðarferðin verður úr Kvívíkar kirkjuni sunnu­ dagin kl. 14. Hjørdis Djurhuus, Tórshavn, andaðist mánadagin 3. juli á Landssjúkrahúsinum, 96 ára gomul. Kistan fer úr kapellinum hóskvøldið kl. 18. Jarðarferðin verð­ ur úr Dómkirkjuni frígg­ ja­­dagin kl. 14. Andlát og jarðarferðir