mánadagur 10. juli 2006síða 17

Nr. 130 - 10. juli 2006 17 tíðindi – Vit vilja fegnir vera tey fyrstu, sum finna olju og gass á føroyska landgrunninum, sigur oddamaðurin hjá borifelagnum Stena Drilling, sum er komin til Føroya at standa fyri boringini. Portalurin hitti hann og oddamannin hjá Statoil í boriætlanini, á Bryggjubakka á middegi Brugduboringin Jan Müller jan@sosialurin.fo – Hetta sær spennandi út, og vit hava stórar vónir til boringina. Vit síggja tað sum ein ”fjøður í hattinum” at hava fingið litið upp í hendi hesa spennandi upp­ gávu at bora á føroyska landgrunninum og møgu­ liga verða teir fyrstu, sum finna oljuna. Hetta sigur ein fryntligur og vælupplagdur Even West­gård frá borifelagnum Stena Drilling, sum júst er komin til Føroya at standa á odda fyri borivirkseminum á boripallinum Stena Don. Hann hevur sera drúgvar royndir frá oljuvinnuni og hevur verið við í hesi vinnu seinastu 33 árini, av teimum 17 ár sum pall­stjóri (Rig manager) á ymsum boripallum í Noregi, Spania, Írlandi og Kanada. Hetta er so fyrstu ferð, at hann roynir seg á før­ oyska landgrunninum og vónar hann, at hetta ikki er seinastu ferð heldur. – Øll manningin umborð er sera positiv og spent uppá at fara undir at bora við Føroyar, vitandi, at løn­ andi oljufund er ikki gjørt áður, og at henda boringin tí kann gerast fyrsta veruliga fundið. Hetta er so eisini fyrstu ferð teir seta borin í basalt, tó at teir hava borað gjøg­ num harðan stein áður. Even Westgård er greiður yvir, at tað kann blíva ”ein hørð nøt at knekka” at skula bora gjøgnum tjúkk løg av basalti, men hann heldur kortini, at Statoil hevur gjørt sítt heimaarbeiði so mikið væl, at hetta verður ein avbjóðing teir fara at greiða. Nú Stena Drilling fer at hava nógv virksemi í Føroyum komandi mánað­ irnar, hevur fyritøkan leigað seg ínn í bygningin, har ENI og Faroe Petroleum halda til, bert fáar metrar frá høvuðssætinum hjá Statoil, haðani øll boriverkætlanin verður stýrd. Maðurin, sum fer at standa á odda fyri sjálvari boriverkætlanini hjá fyri­ støðufelagnum Statoil, er eisini komin til landið, nú øll verkætlanin er fram­ skundað fleiri vikur. Hann eitur Oddvard Bøe og er gamal kenningur um okkara leiðir, tí hann var við í boriliðnum, sum arbeiddi umborð á Sovereign Ex­­ plorer, ið boraði fyri Stat­oil í 2001. Tá var brunnurin turrur. Nú vónar hann, at tað fer at ganga øðrvísi. Saman við Even Westgård frá Stena kemur hann at hava ábyrgdina av teimum umleið 300 fólkunum, sum verða knýtt at allari boriverkætlanini næstu tríggjar mánaðirnar. Borast skulu niður á 3800 metrar og harav verður mett, at 1000 metrar, meira ella minni, eru basalt. Tað vísa seismisku kanningarnar. Statoil og Stena lógvatak saman: – Sær spennandi út gduna mikukvøldið Even Westgård frá Stena Drilling og Oddvard Bøe frá Statoil ynskja hvørjum øðrum góða eydnu við komandi boringini á landgrunninum Mynd Jan Müller Borifelagið Stena Drilling verður sjónligur partur av Havnini komandi mánaðirnar. Her verður flaggið vundið á stong í bygninginum, har felagið fer at halda til Mynd Jan Müller Stena Don, sjáldsamur gestur um okkara leiðir. Boripallar á Nólsoyarfirði er sum lundi á jólanátt.