týsdagur 11. juli 2006síða 10

10 Nr. 131 - 11. juli 2006 Eitt gylt høvið: Tórshavn - Róm - París Hóast Italia og Frakland teljast millum heimsins bestu fótbóltstjóðir mundu fá av okkum gáað um, at tað skuldu blíva júst hesi bæði londini, sum endaðu í HM finaluni í fótbólti. Og orsøkina til at vit tosa um hesi bæði londini er tann, at Føroyar skulu til at spæla móti nettupp Italia og Fraklandi til komandi EM-undan kapping. Nú hendi tað so ótrúliga, at Føroyar sum ein hin minsta fótbóltstjóðin í heiminum, skal møta teimum báðum størstu og entá í so frægum og søguligum býum sum Rom og París. Vit hava viðgjørt henda spurning áður á hesum stað og inni í blaðnum, og vit kunnu tí bert endurtaka, at vit eru ómetaliga heppin at skula spæla ímóti teimum størstu. Hóast onkur vildi verið hetta fyriuttan, tá hugsað verður um, at vit kunnu vera fyri dyggiligum tapum, so er hetta kortini eitt einastandandi høvi at marknaðarføra Føroyar uppá. Henda nærsagt ókeypis reklama - verður hon rætt brúkt - kann vera gullverd fyri okkum. Vit fara av álvara at koma á heimskortið, og tað kann vera við til at menna okkara ferðavinnu eins og tað kann skapa áhuga fyri teimum mongu vørum vit hava at bjóða umheiminum. Latið okkum tilrættaleggja hetta væl og virðiliga. Ikki bara sita og bíða og vita, hvat hendir. Her eiga bæði myndugleikar, vinnulív og onnur at seta hvørjum øðrum stevnu við eini dagsskrá: hvussu fáa vit góð úrslit móti hesum londum og hvussu kunnu vit brúka hesar fótbóltsdystir til at profilera og marknaðarføra okkum sum tjóð. Hvat við at almennu Føroyar, landsstýrið onk­ urs­vegna, sjálvt tekur stig til ítøkiliga at betra um karmarnar hjá fótbóltslandsliðnum til kom­ andi dystir. Hetta kann gerast uppá so nógvar mátar. Tað verið seg at fáa okkum útlendska pro­ fess­i­ón­ella hjálp bæði á venjaraøkinum og til servenjing av spælarum. Latið okkum tora at hugsa ótraditionelt og øðrvísi, tí nettupp henda støða vit eru komin í er ótraditionell og øðrvísi. Eitt vælfyrireikað og vælspælandi landslið kann skapa enn eina sensatión, og kanska eina, sum er størri enn hon móti Eysturríki á sinni. Latið okkum ikki formøblað henda einastandandi møg­ u­leika. Setið út í kortið nú. Sosialurin Innsent tilfar Av tí at vit fáa rættuliga nógv innsent tilfar sendandi – meira enn vit fáa í blaðið – hevur blaðleiðslan verið noydd at gjørt nakrar avmarkingar. Enn sum áður skal fult navn skal vera undir øllum innsendum greinum – annars verða tær ikki prentaðar. Harnæst tilskila vit okkum rætt til at ikki at taka við tilfar, sum eisini er sent øðrum bløðum ella hevur verið prentað aðrastaðni. Drúgvar greinar – greinar sum eru longri enn áleið 5.500 tekn, verða raðfestar lægri, og koma bert í blaðið, um pláss er fyri teimum. Tað er ein fyrimunur um vit fáa tilfarið umvegis teldupost ella á diskli. Sosialurin Stovnaður: 1927 Ábyrgdarblaðstjóri: Jan Müller jan@sosialurin.fo Blaðstjóri: Eirikur Lindenskov eirikur@sosialurin.fo Marknaðardeild: lysing@sosialurin.fo Jonhard Hammer jonhard@sosialurin.fo Gudny Langgaard gudny@sosialurin.fo Henrietta Hammer henrietta@sosialurin.fo Birgir Waag Høgnesen birgir@sosialurin.fo Blaðfólk: Áki Bertholdsen aki@sosialurin.fo Vilmund Jacobsen vilmund@sosialurin.fo Snorri Brend snorri@sosialurin.fo Magnus Gunnarsson maggi@sosialurin.fo Anna V. Ellingsgaard anna@sosialurin.fo Eydna Skaale eydna@sosialurin.fo Rigmor Dam rigmor@sosialurin.fo Lív Højsted Horsdal horsdal@sosialurin.fo Rólant Waag Dam rolant@sosialurin.fo Heini Kristiansen heinik@sosialurin.fo Ítróttur: Jákup Mørk jakup@sosialurin.fo Myndamenn: Álvur Haraldsen alvur@sosialurin.fo Jens Kristian Vang jensk@sosialurin.fo Sosialurin í Norðoyggjum: Nólsoyar Pálsgøta 1, 700 Klaksvík tel. 458686 fax 458687 e-post: klaksvik@sosialurin.fo Sosialurin í Suðuroy: tel. 375364 fax 375464 tel. 228814 e-post: aki@sosialurin.fo e-post: dagfinn@sosialurin.fo !!! Haldarar sum ikki hava fingið blaðið, kunnu ringja til 341818 og boða frá, leygardag tó frá kl. 11.00-13.00 Uppseting/prent: Uppseting: Sosialurin Prent: Prentmiðstøðin Útgevari: Sp/f Sosialurin Avgreiðsla: Mán.-frí. 8-16 Tórsgøta 1, 100 Tórshavn Tel. 341800, Fax 341801 Postadressa: Postboks 76, 110 Tórshavn E-mail: post@sosialurin.fo lysing@sosialurin.fo lysingartorg@sosialurin.fo varp@sosialurin.fo Blaðið verður prentað mánadag-fríggjadag klokkan 1400 Lýsingar Freistir: Tekstlýsingar Størri lýsingar Lýsingartorgið Heilsanir Mánadagsblaðið Mán.kl. 10 Frí. kl. 15 Frí. kl. 12 Frí. kl. 12 Týsdagsblaðið Týs. kl. 10 Mán. kl. 15 Mán. kl. 12 Mán. kl. 12 Mikudagsblaðið Mik. kl. 10 Týs. kl. 15 Týs. kl. 12 Týs. kl. 12 Hósdagsblaðið Hós. kl. 10 Mik. kl. 15 Mik. kl. 12 Mik. kl. 12 Fríggjadagsblaðið Frí. kl. 10 Hós. kl. 15 Hós. kl. 12 Hós. kl. 12 Størri lýsingar, sum nógv arbeiði stendst av, mugu vera inni í góðari tíð og áðrenn ásettu freistir. Framíhjápláss má umbiðjast í góðari tíð. Stødd: Ein heil síða í Sosialinum er 254 mm breið og 346 mm í hædd. Breiddin á einum teigi er 39 mm og rúmið millum teigarnar er 4 mm. Innsent tilfar Fult navn skal vera undir innsendum tilfari. Innsendar greinar, har blað­leiðsl­an ikki er kunnað um bústað og telefonnummar, verða ikki settar í blaðið. - Hendan framferð kann helst koma at kosta Starvs­mann­a­fel­ag­ num dýrt, tí um felagið ikki virðir onn­ur fakfeløg, so kann Starvs­ mannafelagið skjótt koma at standa einsamalt Hans Joensen, form. Havnar Arbeiðsmannafelag SAMBAND eirikur lindenskov post@sosialurin.fo tlf 341800 viðmerkingar Nú hevur rættuliga nógv ver­ ið frammi í fjølmiðlunum, um royndirnar hjá Starvs­ mann­a­felagnum at fáa port­ ør­ar­nar í felag teirra. Eg skal ikki fara inn í smálutirnar í hesum ó­­dáml­iga leiki, men greitt er at formaðurin í Starvs­ mannafelagnum Gunn­ leiv­ur Dalgarð hevur ikki sakliga upplýst um fyr­i­mun­ir og vansar við limaskapi í ávíkavist Havn­ ar Ar­beiðs­mann­a­felag og Starvsmannafelagnum. Hinvegin hevur fram­ferð­ in hjá Starvs­mann­a­fel­ag­ num sett spurnartekin við fram­tíðarsamstarv innan før­oyska fakfelagsrørslu. Framferðin hjá for­mann­inum Sum ein av portørunum greið­ir frá í lesarabrævi í Dimm­a­lætting í gjár, so hev­ ur Gunnleivur Dalsgarð í rúma tíð havt samband við nakr­ar portørar umframt at hann hevur vent sær til Lønardeildina hjá Fíggj­ar­­ mál­­a­ráðnum uttan at gretta orð fyri okk­um í Havn­­ar Arbeiðsmann­a­fel­ag, og endamálið hevur alla tíð­ ina verið, at fáa sam­ráð­ ing­­a­r­rættin fyri økið hjá port­ør­u­num flutt frá Havn­ ar Arbeiðsmannafelag til Starvs­mannafelagið. Hetta verður gjørt hó­ast Gunnleivur veit, at Havn­ar Arbeiðsmannafel­ ag al­tíð hevur havt hetta sátt­­mál­aøki, og at tað eru portørunum og felag okkara, sum hava æruna av, at sáttmálaviðurskiftini hjá portørunum eru so fræg, sum tey eru í dag. Tað er lætt hjá Starvs­ mannafelagnum at royna at yvirtaka eitt sáttmálaøki, sum onnur hava bygt upp, men neyvan nakar annar fakfelagsleiðari í Føroyum hevði kent seg freistaðan at brúka so skitnan fram­ferð­ar­ hátt móti øðrum pørtum av fakfelagsrørsluni, sum júst ­S­t­arvs­m­a­nna­fel­ags­for­mað­ urin her hevur brúkt. Orð og gerð samsvara ikki hjá Gunnleivi Nú Gunnleivur Dalsgarð verð­ur avdúkaður í sínum ským­a­spæli kemur hann fram í fjølmiðlunum og sig­ ur at partarnir eiga at tosa sam­an. Hesi úttalilsi eru bæði lát­ ur­lig og grátulig, tí heldur Gunnleivur veruliga, at vit í Havnar Arbeiðsmannafelag fara inn í nakað orðaskifti við eitt felag ella ein fak­ fel­ags­leiðara, sum so greitt hevur víst, at hann og leiðsla felagsins als ikki tykist at hava nakra sum helst virðing fyri øðrum fak­fel­øgum og sáttmálaøki teirra. Hví kom Star­vs­mann­ a­fela­gs­formaðurin ikki fyrst til okkum í Havnar A r b e i ð s m a n n a f e l a g , soleiðis at vit saman kundu tosa opið um teir spurningar, sum tørvur møguliga er at tosa um? Starvsmannafel­ag­ið tyk­ ist bert at vilja hava sam­ starv tá tað gagnar teirra felag Starvsmannafelagið hev­ ur ofta tosað um samstarv mill­um fakfeløgini, og eis­ini hevur felagið verið við til at tikið ítøkilig stig til samstarv, tá t.d. pol­itiski myndugleikin gekk áhugamálunum hjá før­oyska løntakaranum ov nær. Vit sum umboða onn­ur fakfeløg hava skilt, at her var talan um ein veruligan vilja hjá leiðsluni í Starvsmannafelagnum til samstarv millum før­oysku fakfeløgini, men tá vit í dag kunnu stað­festa, at Gunnleivur Dals­garð so dyggiliga hevur stung­ið okkum í Havnar Ar­beiðs­ manna­felag í ryggin, so má niðurstøðan vera tann, at Starvsmannafelagið bert vil hava samstarv, um tað tænir teirra egnu áhugamálum. Tá hetta er fyritreytin fyri samstarvi, so er hetta sam­ starv lítið vert. Ber til at samstarva við eitt fakfelag, sum onga virð­ing hevur fyri øðrum fakfeløgum? Vit, og helst øll fakfeløg í landinum, mugu í dag seta sær spurningin, um tilber at fara inn í nakað samstarv við Starvsmannafelagið, tá hetta felag als onga virð­ ing hevur fyri øðrum fak­ feløgum. Fyri mítt viðkomandi má eg ásanna, at trupult verð­ur hjá mær og nevndini í Havnar A­r­beiðs­mann­a­ felag, at fara inn í nakað fram­tíðarsamstarv við eitt felag, har leiðslan fer aft­an fyri ryggin á øðrum fak­ feløgum, og uttan fyrilit royn­ir at kroysta seg inn á sáttmálaøkið, sum altíð hev­ ur hoyrt til annað fakfelag. Starvs­mann­a­fel­ag­ið hev­ ur við stuttskygdu framferð sínari lagt lunnar undir spjað­ing innan føroysku fakfelagsrørsluna í staðin fyri at arbeiða fyri øktum samstarvi. Hendan framferð kann helst koma at kosta Starvs­ mann­afelagnum dýrt, tí um felagið ikki virðir onn­ur fakfeløg, so kann Starvs­ mannafelagið skjótt koma at standa einsamalt, og á­byrgd­ina fyri einari slíkari gongd eiga teir sjálvir. Tórshavn tann 6. juli 2006 Starvsmannafelagið hevur stungið Havnar Arbeiðsmannafelag í Ryggin? Formaður, Havnar Arbeiðsmannafelag hans joensen