mikudagur 12. juli 2006síða 7

Nr. 132 - 12. juli 2006 7 tíðindi Faroe Seafood hevur nú keypt alt virksemið hjá P/F Beta og soleiðis eisini landingarmiðstøðini hjá felagnum, Kongshavn Eigaraskifti Vilmund Jacobsen vilmund@sosialurin.fo Í nógv ár hevur Olaf Olsen verið ímyndin av felagnum, P/F Beta, í Saltangará. Tá Olaf legði frá sær sum reiðari fyri góðum tveimum árum síðan, tók sonur hansara, Ragnar Olsen, við sum stjóri og reiðari – við ábyrgd av skiparakstrinum. Olaf helt tó í fyrstu syfti fram sum stjóri í felagnum, Kongshavn, sum átti og rak Landingarmiðstøðina í Saltangará. Kongshavn var dóttir­ felag, sum P/F Beta átti allan partapeningin í. Seinasta árið hevur Ragnar Olsen so eisini verið stjóri á Landingarmiðstøðini. Tað er Ognarfelagið frá 1980, sum átti 95% av partapeninginum í Beta, og Íløgufelagið Tjaldur átti meginpartin av partapeninginum í Ognar­ felagnum. Líggjas í Bø hevur verið nevndarformaður bæði í P/ F Beta og Íløgufelagnum Tjaldur. Íløgufelagið Tjaldur er ogn hjá umleið 2400 partaeigarum og tann, sum varðar av høvuðspartinum, er Hans Andrias Dam. Líggjas í Bø segði við Útvarpið í gjár, at eigararnir gjørdu av at selja, tí teir fingu eitt gott tilboð frá Faroe Seafood, men hann vildi ikki upplýsa sølu­ prísin fyri virksemið hjá felagnum. Áhugamálini Sum skilst, er tað Hans Andrias Dam, sum gjøgnum Ognarfelagið frá 1980 hevur havt størstu persónligu áhugamálini í virkseminum hjá Beta og dóttirfelagnum, Kongshavn. Tað var í 1980, at Skipafelag Føroya varð býtt sundur í tvey, soleiðis at farmurin varð verandi í Skipafelagnum, meðan sjálvur fiskivinnuparturin – táverandi Handils-og Fyrstivirkið í Fuglafirði og Beta – fóru í Ognarfelagið frá 1980. Tá ið hetta varð gjørt, vóru eigaraviðurskiftini í Skipafelagnum og Ognar­ felagnum identisk. Tað var Oddur Niclasen, sáli, sonur Sakarias Nicla­ sen, nevndur Sakarias á Skipafelagnum, sum sam­ an við Árna Joensen var høvuðspersónurin í Skipa­ felag Føroya, tá ið felagið varð býtt í tvey. Síðan hevur Hans Andrias Dam, sum er systursonur Odd Niclasen, varað av einum stórum parti av parta­ peninginum. Tað er ikki langt síð­an, at Eimskip keypti Skipa­ felag Føroyar, og nú hevur so Faroe Seafood keypt alt virksemið hjá P/ F Beta og soleiðis eisini landingarmiðstøðini hjá felagnum, Kongshavn. Minni enn 5% í Beta Eigaraskifti Vilmund Jacobsen vilmund@sosialurin.fo Tað munnu vera mong, sum hava hildið, at Olaf Olsen, sum var ímyndin av P/F Beta í mong ár, átti ein stóran part av hesum felag. Men so er ikki. Hvørki Olaf Olsen ella sonurin, Ragnar Olsen, ið tók við sum reiðari eftir faðirin, hava átt partapening í P/F Beta. Men fyri nøkrum mán­aðum síðan gjørd­ ist Olaf Olsen ein av partaeigarunum í hes­ um felag, sum eisini hev­ur átt og rikið land­ ingarmiðstøðina í Sal­ tangará. Nú alt virksemið felag­ sins varð selt, átti Olaf Olsen minni enn 5% í P/F Beta, men hann er ein av partaeigarunum í P/F Tjaldur. Við søluni av P/F Beta er parturin hjá Olafi Olsen so eisini seldur. Eigaraskifti hjá P/F Beta í Saltangará Alt virksemið, sum Beta og dóttirfelagið, Kongshavn, hevur havt á sjónum og á bryggjuni í Saltangará er nú selt Faroe Seafood Mynd: Vilmund Jacobsen – Sjálvandi skulu áhugamálini hjá eigarunum – bæði teimum, sum nú hava selt og nýggju eigarunum, røkjast, og tí eri eg nú á veg niður til Spaniu, sigur Ragnar Olsen Eigaraskifti Vilmund Jacobsen vilmund@sosialurin.fo Nú sáttmáli er undir­skriv­ aður millum Ognarfelagið frá 1980 og Faroe Seafood um sølu/ keyp av øllum virkseminum hjá felagnum, Beta, er ógreitt, um Ragn­ ar Olsen, sum hevur verið reiðari og stjóri í felagnum seinastu árini, fer at halda fram hjá nýggju eigarunum. – Sjálvandi havi eg í eina tíð vitað, hvat hevur verið í umbúna. Tað vil so vera, tá ið tú ert dagligur leiðari í fyritøkuni. Um eg eri keddur ella ikki, dugi eg ikki at siga í løtuni. Spurd­ur, um hann væntar at halda fram í starvi hjá nýggju eigarunum, sigur Ragnar, at tað dugir hann ikki at siga í løtuni. – Sum eg havi skilt, verður yvirtøkudagurin av virkseminum mánadagin komandi, og eg dugi ikki í løtuni at siga, hvussu verður. Hann sigur seg ikki vita við vissu, hvussu Faroe Sea­food ætlar at reka virk­ semið víðari. Ragnar sigur, at hann hevur góða tíð, og sum dagarnir ganga, verður greitt, hvussu verður og ikki. – Hvør mín leiklutur verður frameftir, fer tíðina at vísa. Livst, so spyrst, leggur hann aftrat. Tá ið Sosialurin hitti Ragnar Olsen í telefonini í morgun, var hann á veg til Spaniu, har felagið letur tveir nýggjar trolarar byggja. – Sjálvandi skulu áhuga­ málini hjá eigarunum – bæði teimum, sum nú hava selt og nýggju eigarunum, røkjast, og tí eri eg nú á veg niður til Spaniu, sigur Ragnar. Hann væntar ikki, at nýggju skipini verða liðug síðst í hesum árinum, sum ætlanin annars var, men hann væntar, at tey í staðin verða liðug og klár til fiskiskap til várs. Ragnar Olsen sigur, at umframt nýggju skipini, sum nú verða bygd í Vigo í Spaniu, átti felagið tvey loyvi aftrat. – Málið hjá okkum var at byggja tilsamans seks nýggj skip fyri teir átta gomlu kuba-trolararnar, sigur reiðarin í Saltangará. Ragnar Olsen á veg til Spaniu – Sjálvandi havi eg í eina tíð vitað, hvat hevur verið í umbúna. Tað vil so vera, tá ið tú ert dagligur leiðari í fyritøkuni. Um eg eri keddur ella ikki, dugi eg ikki at siga í løtuni, sigur Ragnar Olsen Mynd: Vilmund Jacobsen Olaf Olsen, fyrrverandi reiðari Mynd: Vilmund Jacobsen