hósdagur 13. juli 2006síða 9

Nr. 133 - 13. juli 2006 9 tíðindi Er samband millum hermannaburturflyt- ingarnar hjá Hamas og Hizbollah, kann tað økja spenningin í Miðeystri munandi, siga serfrøðingar. Miðeystur Árni Joensen: fartekst@mail.dk Neyvt tvær vikur eftir at Ísrael fór inn í Gaza at leita eftir einum burturflut- tum hermanni, vórðu tveir aðrir ísraelskir hermenn burturfluttir við libanska markið. Tað er ein bólkur hjá Hamas, sum hevur burturflut hermannin í Gaza, meðan teir, sum hava burturflutt hinar báðar her- menninar, eru úr Hizbollah- felagsskapinum. Søguliga hevur tann shiamuslimski Hizbol- lah ikki samstarvað við palestinunum, sum yvirhøvur eru sunnimus- limar, og undir libanska borgarakrígnum í áttati- árunum skipaði Hizbollah fyri fleiri blóðugum álopum á palestinskar flóttafólkalegur. Kortini heldur Mið-eysturserfrøð- ingurin hjá BBC, Roger Hardy, at avgerðin hjá Hizbollah at burturflyta tveir ísraelskar hermenn hevur til endamáls at stuðla palestinunum í stríðnum við Ísrael. Harafturat hevur burturflytingin noytt Ísrael at stríðast á tveimum her- mótum, har suðuri í Gaza og har norðuri við libanska markið, og tað var uttan iva eisini endamálið við bur- turflytingini, heldur Roger Hardy. Neyvan samstarv Hann og aðrir Miðeystur- serfrøðingar eru á einum máli um, at er samband millum tær báðar burtur- flytingarnar, kann tað ein álvarssom hóttan ímóti friðinum í øllum Miðeystri. Teir vísa á, at fleiri av leiðarunum í Hamas og Hizbollah halda til í sýriska høvuðsstaðnum Damaskus. -Viðurskiftini millum Hizbollah og Hamas eru ikki so spent, sum viður- skiftini millum Hizbollah og Fatah vóru. Báðir par- tar fáa dyggan stuðul úr Damaskus, og báðir hava ein felags fígginda, sum er Ísrael, sigur Miðeystur- serfrøðingurin Kari Karame við Dagsavisen. Hizbollah hevur leingi stríðst fyri valdinum í Suðurlibanon, og felags- skapurin hevur ongantíð viðurkent markið millum Libanon og Ísrael. Tað hevur havt við sær, at bæði Hiz- bollah og ísraelski herurin hava eftirlit við markinum, og tað var í hesum økinum, at teir báðir hermenninir vórðu burturfluttir. Norski Miðeystur-ser- frøðingurin Åge Tiltnes heldur kortini ikki, at Hizbollah hevur burturflutt hermenninar fyri at hjálpa palestinunum í Gaza. Hann sigur, at Hizbollah hevur sítt egna stríð við Ísrael, og at hermenninir helst eru burturfluttir, so teir kunnu brúkast í einum fangabýti við Ísrael. Hetta hava teir roynt fyrr. Í 2004 eydnaðist tað Hizbollah at fáa 429 fangar úr ísraelskum fongslum í býti við ein ísraelsmann og leivdirnar av trimum deyðum ísrael- skum hermonnum. Eisini Iran Eitt annað, sum er hug- vekjandi við burturflyting- ini hjá Hiabollah er, at felagsskapurin fær ikki bara stuðul úr Sýrialandi, men eisini úr Iran, og tí kunnu burturflytingin og ísraelsku álopini á mál í Libanon hava við sær, at kreppan fer at breiða seg til størri partar av Miðeystri, skrivar AP. -Fyri aðru ferð í stutta tíð hevur Ísrael fingið eina avbjóðing, og fyri aðru ferð hevur landið valt at svara við hermegi heldur enn við samráðingum. Tað fer fyrst og fremst at raka sivilfólkið í Suðurlibanon, sigur norski granskarin Trude Strand við Dagsavisen. Ísraelski forsætisráð- harrin, Ehud Olmert, hevur gjørt greitt, at Ísrael slakar ikki ein tumma. Landið tilskilar sær rætt til at taka øll neyðug stig, og tað kemur ikki upp á tal at samráðast við yvirgangsmenn, sigur hann. Í gjár legði hann afturat, at libanska stjórnin má átaka sær ábyrgdina av, at teir báðir ísraelsku hermenninir vórðu burturfluttir á mark- inum. Kann enda við kreppu í øllum Miðeystri Libanar renna undan ísraelskum granatum.