mánadagur 17. juli 2006síða 28

28 [ Nr. 135 - 17. juli 2006 ] Við øðrum sigri í tvær vikur hevur Michael Schumacher av álvara fingið spenning aftur í kappingina um heimsmeistaraheitið í formil 1 Formil 1 Niels Uni Dam nielsuni@sosialurin.fo Michaels Schumacher vann sera sannførandi framman fyri Fernando Alonso í formil 1 kappingini á Magny Course breytini í Fraklandi í dag. Hetta mink­ aði munin í kappingini um heimsmeistaraheitið niður á 17 stig við sjey koyringum eftir. Ferrari bilarnir hjá Michael Schumacher og Felipe Massa byrjaðu av fyrstu byrjunarrøð og komu somuleiðis best frá byrjanini. Fernando Alonso royndi í sínum Renault bili at trýsta Massa tí fyrstu løtuna, men tað eydnaðist ikki at sleppa framvið hon­ um. Hetta gav Michael Schumacher møguleika, at koyra sær eitt glopp aftur til kappingarneytarnar. Eftir fyrsta steðg var støð­an enn Schumacher, Massa, Alonso á teimum trim­um fremstu støðunum. Steðgirnir vóru um somu tíð, og tað tyktist sum um bæði liðini ætlaðu at steðga tríggjar ferðir. Men Renault tillagaði seg eftir øllum at døma til støðuna og fylti meira bensin á bilarnar, ið tí kundu klára koyringina við tveimum steðgum. Hetta gjørdi, at tá allir bilar høvdu havt sínar steðgir, var Alonso komin framvið Massa upp á aðru støðu. Hetta gjørdi í síðsta enda, at Alonso tryggjaði sær tvey týdningarmikil stig afturat. Úrslitið hjá Schumacher var tó sannførandi og á degnum hevði Ferrari tann betra bilin. Kappingin tykist tí enn at vera sera opin. Tað gleddi italska liðið sera nógv, at teir vunnu eitt franskt lið í Fraklandi, og italsku tøkningarnir hjá Ferrari runnu við eini papp útgávu av HM steypinum gjøgnum franska pittin. Toyota aftur við Jarno Trulli lá á einum tryggum fjórða plássi heilt til hann eftir 40 umfør gavst við tøkniligum trupul­ leikum. Dagurin gjørdist tó ikki heilt vónleysur fyri Toyota, tí Ralf Schumacher megnaði at koma framvið Giancarlo Fisichella í Renault og Kimi Räikkönen í McLaren-Mercedes og vinna sær fjórða plássið Tey, sum spáddu Honda, at vera eitt gott boð upp á ein heimsmeistara, áðrenn hetta kappingarárið byrjaði, fingu enn ein framman á hetta vikuskiftið, tí fyri Honda var alt vikuskiftið heilt vónleyst, bæði Jen­ son Button og Rubens Barrichello fingu tøkniligar trupulleikar og noyddust at gevast fyri tíð, eftir at hava ligið og kappast við tyngra endan av feltinum. Avloysarin fekk stig Nýggi maðurin á breytini Pedro de la Rosa, ið hevur avloyst Juan Pablo Montoya í McLaren Mercedes byrj­ aði í áttandu støðu, men Mark Webber í Williams Cosworth hevði eina frálíka byrjan av tíggjundu støðu og slapp framvið bæði David Coulthard og de la Rosa. Tá Webber seinni í koyringini punkteraði, fekk de la Rosa tó plássið aftur, og tá Trulli eisini gavst flutti hann upp á sjeyndu støðu. Boð vóru eftir de la Rosa at koyra í Fraklandi, tá Ron Dennis liðstjóri hjá McLaren Mercedes sendi kolumbiumannin Montoya til hús ivaleyst restina av kappingarárinum. Hetta komst, sum skilst av, at Montoya hevði almanna­ kunn­gjørt, at hann fer burt­ ur úr formil 1 næsta kapp­ ingarár fyri at koyra Nascar í staðin. Ógjørligt at flyta upp Venjarin hjá Juventus heldur, at tað er ógjørligt hjá felagnum at flyta uppaftur í bestu deildina eftir einum ári, tí minus 30 stig er alt ov nógv til at vinna innaftur. - Tað er heilt einfalt ógjørligt at flyta upp, um vit skulu byrja við minus 30 stigum, sigur Didier Deschamps, sum er nýggjur venjari í Juventus, eftir at Fabio Capello fór til Real Madrid at starvast. Tað er umfatandi muturgølan í italskum fótbólti, sum hevur kostað Juvenstus niðurflyting til næstbestu deildina, har liðið skal byrja kappingarárið við minus 30 stigum. Norðmenn hava áhuga í CSC DR og norska TV2 vita at siga, at tvær altjóða fyritøkur í Noregi eru áhugaðar í at seta pengar í súkkluliðið FSF, har Bjarne Riis er høvuðsmaður. Umboðsmaðurin Rune Hauge samráðist vegna tær báðar fyritøkurnar, sum framvegis eru ónevndar, og sambært DR og TV skal Hauge hava verið á fundi við Bjarne Riis í Bordeaux nú um dagarnar. Bjarne Riis váttar, at áhugi er fyri at seta pengar í hansara súkklulið, sum er við í Tour de France í hesum døgum, men at hann vil einki ítøkiligt siga um hetta. Schumacher er aftur við í kappingini um HM Úrslitið í Fraklandi var hetta: 1 Michael Schumacher/Ferrari 10 stig 2 Fernando Alonso/Renault 8 stig 3 Felipe Massa/Ferrari 6 stig 4 Ralf Schumacher/Toyota 5 stig 5 Kimi Räikkönen/McLaren-Mercedes 4 stig 6 Giancarlo Fisichella/Renault 3 stig 7 Pedro De La Rosa/McLaren-Mercedes 2 stig 8 Nick Heidfeld/Sauber-BMW 1 stig 9 David Coulthard/RBR-Ferrari 10 Scott Speed/STR-Cosworth 11 Jacques Villeneuve/Sauber-BMW 12 Christian Klien/RBR-Ferrari 13 Vitantonio Liuzzi/STR-Cosworth 14 Nico Rosberg/Williams-Cosworth 15 Christijan Albers/MF1-Toyota 16 Franck Montagny/Super Aguri-Honda - Jenson Button Honda - Mark Webber Williams-Cosworth - Jarno Trulli Toyota - Rubens Barrichello Honda - Tiago Monteiro MF1-Toyota - Takuma Sato Super Aguri-Honda Støðan í HM fyri koyrarar 1 Fernando Alonso Spania 96 2 Michael Schumacher Týskland 79 3 Giancarlo Fisichella Italia 46 4 Kimi Räikkönen Finnland 43 5 Felipe Massa Brasilia 42 6 Juan Pablo Montoya Kolumbia 26 7 Jenson Button Ongland 16 - Rubens Barrichello Brasilia 16 9 Nick Heidfeld Týskland 13 - Ralf Schumacher Týskland 13 11 David Coulthard Skotland 10 12 Jarno Trulli Italia 8 13 Jaques Villeneuve Kanada 7 14 Mark Webber Avstralia 6 15 Nico Rosberg Týskland 4 16 Pedro de la Rosa Spania 2 17 Christian Klien Eysturríki 1 - Vitantonio Liuzzi Italia 1 Støðan í HM fyri lið 1 Renault 142 2 Ferrari 121 3 McLaren-Mercedes 71 4 Honda 32 5 Toyota 21 6 Sauber BMW 20 7 Red Bull Racing Ferrari 11 8 Williams-Cosworth 10 9 STR-Cosworth 1 Við sigrinum í Fraklandi blásti Michael Schumacher aftur lív í toppstríðið í Formil 1 kappingini Mynd: Scanpix