týsdagur 18. juli 2006síða 6

6 Nr. 136 - 18. juli 2006 tíðindi Vakt­ havandi Sambært vakthavandi á politistøðini var viku­skiftið friðarligt, tó at okkurt smávegis var at fara út til. L øgreglan í Havn varð boðsend til eini hús fríggjadagin, tá ein mammu og vaksnu dóttir hennara gjørdust somikið ósamdar, at onkur metti tørv vera á løgregluhjálp. Loysnin bleiv, at dótturin flutti út. U m ellivutíðina fríggja­ kvøldið komu boð til alarmsentralin um, at fólk høvdu varnast, eld í einum bili úti í Havnardali. Talan var um ein jeep, sum brendi heilt út. Umstøðurnar kring brandin vóru ógreið­ar og óvanligar og bilurin varð tískil sendur á Akstovuna til nærri kanningar. Í ávikavist Klaksvík og á Velbastað vórðu tveir ungir menn tiknir fyri rúsdrekkakoyring náttina til leygardag. Teir vóru báðir um 20 ár og kunnu vænta at missa koyrikortið. N ærhendis høllina í Giljanesi varð ein drongur til gongu ákoyrdur sunnunáttina. Hann var fluttur á Lands­ sjúkrahúsið, har staðfest varð, at hann var komin smávegis til skaða í beini og í andlitið. S unnumorgunin um áttatíðina komu boð um innbrot í Mentunar­ húsinum í Fuglafirði. Barrskápið í húsinum varð brotið upp, men ógreitt var, um nakað var horvið. Fólk høvdu sæð ein kendan bil fara av staðnum og boðaðu frá hesum. Sambært løg­regluni er ein maður handtikin og skuldsettur fyri innbrotið, og er talan um ein umleið 20 ára gamlan kenning hjá løgregluni. S unnukvøldið var eitt ferðsluóhapp við Gjógvará í Fuglafirði. Bilurin bakkaði út frá einum privathúsum og om­an av vegnum. Blóð­ roynd varð tikin av før­ aran­um og verður hann skuld­settur fyri rúsdrekka­ koyring. Ongin skaði stóðst av óhappinum. Øll børn sleppa at selja gomlu leikur sínar í miðbýnum leygardagin. Børnini fáa peningin og foreldrini jubla. Børn og ung Rigmor Dam rigmor@sosialurin.fo At sleppa sær av við tað gamla og enntá at vinna pening fyri tað. Hetta ljóðar sum ein dreymur hjá nógvum børnum og for­eldrum við, og verður hann veruleiki, tá skipað verður fyri leikumarknaði í miðbýnum leygardagin. Børnini vaksa ikki bara úr klæðunum við rúk­ andi ferð, men eisini frá leikunum, sum tey eiga í ovurmát. Og hvat er tá meira upplagt, enn at onnur fáa gleði av leikunum, samstundis sum, at børnini fáa eina góða uppliving og forvinna sær nøkur oyru, sum so kanska kunnu verða brúkt til eitt hvørt annað, sum barnið ynskir sær. Tí ein síðuvinningur við brúkarasamfelagnum er, at vit eru um at drukna í vørum, tilboðum og freist­ingum. Og børnini vita júst, hvussu tey skulu noyða foreldrini at keypa sær avlát, við at plága seg til skrambul av øllum slag. Og sum vit vita, tað sum kemur inn skal eisini út. Og eitt er púrasta vist: Vit fáa munandi meira yvirskot til alt annað í lívinum, um vit rudda út í heiminum. Barnið situr í básinum Tað er kunningarstovan í Havn, sum hevur tikið stig til leikumarknaðin í sambandi við langa leygar­ dagin, sum verður 22. juli. Ætlanin er, at øll børn, sum hava hug, kunnu tekna seg hjá kunningarstovuni, sum síðani skipar fyri, at borð og stólar verða sett upp í miðbýnum. Barnið setir síðani sín egna sølubás upp og situr hjá honum og selur gomlu leikur sínar og tá dagurin er at enda komin, eigur barnið sjálvt peningin, sum forvunnin verður. Eru glað um leikurnar Ingigerð á Trøðni, leiðari fyri Kunningarstovuna og stigtakari til tiltakið sigur, at hugskotið til leiku­ marknaðin fekk hon frá dóttrini Kristinu, sum hevur roynt tað við børnum sínum í Odense. Ingigerð greiðir frá, at ommubørnini bæði hava selt og keypt nógvar leikur á leikumarknaðinum, og mamma teirra vil vera við, at tey eru óvanliga glað um leikurnar, sum tey sjálvi hava keypt sær á marknaðinum, tí prísstøðið er somikið lágt, at børnini hava ráð til at keypa sær okkurt ordiligt. Vána veður ongin forðing Børnini skulu tekna seg í Kunningarstovuni í seinasta lagi fríggjadagin, og leiku­ marknaðurin verður opin millum klokkan 11 og 15. Tað er ókeypis at taka lut. Annað verður eisini á skránni langa leygardagin. Eitt nú verður nýggja tjaldið hjá Tórshavnar Ítróttarráð roynt á fyrsta sinni, og verður tað sett upp í Tinghúsgarðinum. Har verður skipað fyri ymiskum, so sum sølubásum hjá handl­unum í miðbýnum, so sum mótasýning, sum verður klokkan 13 og okk­urt undirhald verður eis­ini. Ingigerð á Trøðni sigur, at børnini og leiku­ marknaðurin hava eisini møguleika fyri at vera inni í tjaldinum, um so verður at veðrið ikki verður til vildar. Sagt verður, at leikurnar skulu rigga og allir lutir skulu vera til spøl og líkn­ andi. Børn selja leikur í miðbýnum Fyllið baljur, kassar og kurvar og seljið: Dukkur Lego Bilar Garagur Súkklur Dublo Brio Barbie Kort Bøkur Telduspøl Putlispøl Bamsur