sunnudagur 23. juli 2006síða 6

6 Nr. 139 - 21. juli 2006 tíðindi – Vit eru heilt serstakliga væl nøgdir. Tað sigur Sonny Johan­ nesen, skipari á Enniberg. Og tað, sum hann er so heilt serstakliga væl nøgd­ ur við, eru teir nýggju trol­ lemmarnar, sum teir hava brúkt umborð á Enniberg hendan túrin. Tað forvitnisliga við hesum lemmunum er, at teir eru bæði mentir og gjørdir á lemmavirkinum, Rock, í Vági. Talan er um eitt slag av lemmum ið nevnast “Sea Bat” og teir eru gjørdir til flótitrol. – Hesir nýggju lemmar­ nir úr Vági eru teir bestu lemmarnar, eg nakrantíð havi verið við til at brúkt øll árini, eg havi roynt við flótitroli, sigur skiparin á Enniberg. Hetta er niðurstøðan hjá skiparanum á Enniberg, nú hesir nýggju trollem­ marnir fyri fyrstu ferð eru royndir ein heilan túr. Og hann skuldi havt nakað at havt sína meining í, tí hann er ein av okkara allar royndastu skiparum, eisini við flótitroli. Hann staðfestir stutt og greitt, at hesir lemmarnir í Vági er teir bestu lem­mar­ nir, sum eru á marknaði­ num í dag yvirhøvur. – Teir eru sera góðir og lættir at arbeiða við. Ein stórur fyrimunur við teim­ um, er, at tá ið teir verða loraðir frá borði, spíla teir sera væl beinanvegin. Lemmarnir gera at vit beinanvegin fáa eitt sera gott stórt gap í trolið og tí verður tað fiski-effektivt beinanvegin tað tað verður skotið og tað hevur sera stóran týdning fyri fiski­ skapin. – Samstundis eru teir sera góðir at koma runt við, tí tað gongur skjótt at koma runt. Tì heldur Sonny Johan­ nesen at teir hava fiskað betri við hesum nýggju lemmunum úr Vági. Spara nógva olju Men ein annar stórur fyri­ munur við hesum nýggju lemmunum, er, at teir eru nógv lættari at toga enn aðrir lemmar. Sostatt spara teir eisini rættiliga nógva olju. – Eg havi ongantíð fiskað í Irmingarhavi, har vit hava brúkt so lítla olju, sum vit gjørdu hendan túrin, nú vit hava brúkt lemmarnir úr Vági, sigur Sonny Johanne­ sen. Hann sigur, at teir plagdu at brúka 13 rúmmetrar av olju um dagin, men tá ið teir settu lemmarnar í Vági undir, fór oljunýtslan niður á 11,2 rúmmetrar um dag­ in. Talan er sostatt um eina sparing upp á 1,8 rúm­met­ rar um dagin við lemmun­ um úr Vági. Og tað hevur alstóran týdning, nú oljan er so dýr. Sonny Johansen sigur, at teir fáa oljuna fyri 3,60 krónur fyri liturin. Frá oljufeløgum hava vit fingið upplýst, at ein rúm­ metur av olju er 1.260 litrar og sostatt kostar ein rúm­ metur 4.536 krónur. Tá ið oljunýtslan við lemmununum úr Vági fer úr 13 rúmmetrum, niður í 11,2, er sostatt talan um eina sparing upp á 1,8 rúmmetur, ella 2.268 litrar um dagin. – Sostatt gera teir nýggju lemmarnar í Vági, at vit spara olju fyri 8.165 krónur um dagin. Tað merkir so eisini, at longu eftir einum túri eru útreiðslurnar til lemmarnar spardar inn aftur. – Men taka vit sparingina yvir longri tíð, er talan um heilt fitt av peningi. – Er skipið 120 dagar í sjónum, er talan um eina sparing upp á næstan 980.000 krónur, sigur skip­ arin á Enniberg. Og so kann eisini við­ merkjast, at í dag dýrkaði oljan enn meiri. Hann sigur, at hendan túrin høvdu teir eisini aðrar lemmar við enn teir úr Vági. Hetta vóru lemmar, sum teir frammanundan hildu vera teir bestu. - Hetta vóru eisini góðir lemmar, men lemmarnir úr Vági eru nógv betri, so tað er onki at ivast í, at vit framhaldandi koma at brúka vágslemmarnar, sig­ ur skiparin á Enniberg. Hann sigur, at fyri rætti­ liga at hava nakað ítøkiligt at samanbera við, brúktu teir lemmarnar úr Vági og hinar lemmarnar skiftivís. – Vit brúktu fyrst lem­ marnar úr Vági í 14 dagar og so settu vit hinar lem­ marnar undir í 14 dagar. Og munurin varð týðiligur bæði við tað, at vit brúktu nógv minni olju lemmun­ um úr Vági, samstundis sum vit fiskaðu betri, so talan varð um tvífaldan vinning, sigur Sonny Jo­ hannesen. – Og tað er greitt, at tað verða lemmarnar úr Vági, sum koma at hanga á hekkuni á Ennibergi, so so leingi, sum vit koma at dríva fiskarí, sigur Sonny Johannesen at enda. Uppfinnilsi úr Vági sparir 8.100 krónur í olju - um dagin Teir nýggju trol­ lemmarnir úr Vági hava tríggjar veldigar fyrimunir: Vit spara nógva olju, sam­ stundis sum vit fiska betri og so eru teir eisini sera lættir at arbeiða við, sigur skiparin á Ennibergi Tøknilig menning Áki Bertholdsen aki@sosialurin.fo Her liggur Enniberg á Havnini týsdagin, klárur at fara nýggjan túr. À hekkuni hanga tvey sett av lemmum og tey eru bæði úr Vági. Niðara settið er eitt eldri modell til botntroling. Men ovara settið eru teir nýggju “Sea Bat” lemmarnar, sum verða brúktir til flótitrol. Royndi skiparin, Sonny Johannesen sigur, eru hetta eru bestu lemmar, hann nakrantíð hevur vitað um Sandvíkingar gløddu við og onkur helt seg ivaleyst síggja yvir seg í gjár, tá ið eitt hvítt skepilisi brádliga fór at daga út úr tí tjúkka mjórkanum á víkini. Men spøkilsi var tað ikki. Tvørturímóti var tað ferða­ mannaskipið Hanseatic, sum um morgunin hevði verið á Tvøroyri, sum nú kastaði akker á Sand­vík­ ini. Og skjótt fóru skjótt­ gangandi gummibátar at flyta ferðafólk í land og skjótt sóust reyðklødd fremmandafólk í hópatali válandi um gøtur og stræti í Sandvík. Men sandvíkingar vóru ikki ráðaleysir. Í skundi fingu teir latið kirkjuna og fornminnissavnið í bygdini upp og har var nógv fólk inni á gólvinum. Ferðafólkið var sera áhugað í frímerkjum og postkortum og tað bar so væl til, at ein handil hevði verið í bygdini, sum var nýliga afturlatin, men tey høvdu so enn nøkur post­ kort eftir, sum ferðafólkið fekk. Og onkur beinasamur sandvíkingur rendi seg á posthúsið í Hvalba eftir frímerkjum til ferðafólki. Annars gingu tey um bygdina og eygleiddi og avmyndaðu og summi hildu seg óivað verða kom­ in til verðsins enda, tí tey spurdu, hvat í víðu verð sandvíkingar livdu av og um mann hevði sjónvarp í einum fjarskotnum staði, sum hesum. Annars vóru tey blíð og fryntlig og positivt for­vit­ in. Men sandvíkingar harm­ ast um, at teir komu at standa púra ófyrireikaðir til eina vitjan sum hesa og at teir ikki fingu boð fram­ manundan, so at teir fingu tikið betri ímóti gestun­ um..... Sandvíkingar tiknir á bóli Seinnapartin í gjár kom stórt ferða­ mannaskip óvæntað inn á víkina og nógv ferðafólk kom í land Ferðavinna Áki Bertholdsen aki@sosialurin.fo Hanseatic fyri akkeri á víkini í Sandvík. Sandvíkingar vistu av ongum, men vóru ikki heilt ráðaleysir kortini