mikudagur 26. juli 2006síða 8

8 Nr. 142 - 26. juli 2006 tíðindi Tað er ikki bara at siga tað, tá skipast skal fyri tiltaki, har eini 10.000 fólk kunnu væntast. Men hjá Tórshavnar kommunu halda tey seg í øllum førum hava gjørt sítt, so alt kann ganga skjótt og væl fyri seg ólavsøka Jákup Mørk jakup@sosialurin.fo Á midnátt ólavsøkudag stend­ ur felagssangur á skránni niðri á vaglinum. Tiltakið hevur síðani byrjanina vaks­ ið seg alsamt størri, og í dag man hetta fyri mong vera eitt hugnaligt punktum fyri tjóðarhátíð okkara. Ikki minst, tá tað eftir sangin verður trivið í Ormin langa og okkurt annað av føroysku kvæðunum við. Men hóast løtan hjá teim­ um flestu bara er hugnalig – og einki annað – so er tó eisini eitt stórt arbeiði, sum skal gerast, tá skipast skal fyri slíkum tiltaki. Tí arbeiðinum stílar komm­unali myndugleikin fyri, og Heðin Mortensen, borgarstjóri, sigur, at tey nú eru komin undir land við hesum. – Vit halda, at alt er klárt til sjálvan sangin. Sangheftini eru prentað, og longu nú ber til at avheinta hesi, men mest týðandi fyri okkum er, at trygdin er í lagi. – Tað er jú so skjótt, at okkurt kann henda, og tá er gott, at alt trygdarliðið er til reiðar. Vit hava gjørt tað so, at vit hava trý lið av samarittum, sum standa við Løgtingshúsið, gamla Apo­tek og við Ráðhúsið, og helst skal bera til at fáa fatur á teimum. Harumframt standa bæði sløkkiliðs- og sjúkrabilar klárir beint uttan fyri Miðbýin, soleiðis at hesir alt fyri eitt eru á staðnum, gerst hetta neyðugt. Og í Ráðhúsinum hava vit eitt slag av yvirlitsposti, har fólk støðugt heldur eyga við mannamúgvuni, so at møgu­ ligir tilburðir av ymsum slag kunnu uppdagast alt fyri eitt. – Og lat meg so leggja dent á, at hetta er ikki tí, at vit síggja nakran vanda í stóru løtuni. Men sum sagt, so er umráðandi at hava hesi viðurskifti í lagi, tá manna­ múgvan er somikið stór, sigur Heðin. Ansið eftir børnunum Er tað nakað, sum Heðin tó staðiliga heitir á fólk um at gera, so er tað, at tey fyri alt í verðini ikki mugu hava børn ella barnavognar við, um tey ætla sær heilt oman á Vaglið. – Eitt er, at tað er trupult at koma burtur, ert tú komin oman við barnavogni. Men hartil skal hugsast um, at tá fólk standa stúgvað saman, so er at kalla eingin luft í teirri hæddini, sum børn ganga í. Og tá kann tað ger­ ast heilt hættisligt. Í aðrar mátar er bara at nýta vanligt vit og skil. So ivist eg ikki í, at alt gongur júst so, sum tað skal, sigur borgarstjórin at enda. Alt er klárt til felagssangin Sangirnir Sangheftið til felags­sang­ in er prentað í 10.000 ein­­tøkum, og kann av­ heintast í Snarskivuni, á Ráðhúsinum og á Kunn­ ingarstovuni. Tey hefti, sum eru eftir ólavsøkudag, verða býtt millum fólk uttan fyri Býráðssalin. Tað verður Martin Mour­­itsen, sum fer at standa fyri sanginum, með­­an Petur Olivar í Hoy­ vík er skipari, tá kvøðið verður. Sangirnir í heftinum eru hesir: Tað hevur tókt millum føroyinga gam­ an, Í góðum veðri hann dyrgdi, Meg minnist eina mynd, Dýrd á vík og vág, Eg smáttu veit á grønu ong, Mítt føðiland, Kom og dansa, Eg elski hitt gamla, hitt brimbarda býlið, So vakrar moyggj­ ar og knappar menn, Ein gomul kista av kam­­fertræ, Eins og áar­ streymur rennur, Land mítt, Sildavalsurin, Einki er sum summarkvøld við strendur, Hvør skuldi gaml­ar gøtur gloymt, Nú nemur náttin við smærur, Eg minnist úr gomlum søgum, Boðar tú til allar tjóðir, Nú dagurin at enda er Marknaðarrák Í síni røðu til senatið í farnu viku greiddi miðbankastjórin Ben Bernanke frá, at bú­skapar­vøksturin í USA í seinnu helvt í ár og næsta ár væntandi fer at minka nakað. Eisini var boðað frá, at teir nú mettu seg at hava fingið tamarhald á prísvøkstrinum og at trýstið nú var mátaligt. Tískil er meiri sannlíkt, at rentuhækkingarnar í USA eru um at vera av á hesum sinni. Hettar fekk renturnar at lækka. Hesi tíðindi, saman við einum fallandi oljuprísi fingu eisini partabrøv, sum seinastu tíðina eru lækkaði av spentu støðuni í miðeystri og høgum oljuprísi, at hækk­ að aftur. Lánsbrævarentur lækkaðar eitt sindur Lánsbrævarenturnar lækk­ aðu eitt sindur í farnu viku. Orsøkin eru útlitini til minkandi búskapar- og prísvøkstur í USA. 10 ára rentan er nú 3,98% ið er 0,07% lægri enn fyri viku síðan tá hon var 4,05%. Betri roknskaparúrslit enn væntað Roknskapirnir hjá Nokia og Nordea gjørdust betri enn væntað. Prísurin á Nordea, hækkaði 4,9%. Tí­skil kann væntast at hinir norð­ur­ lendsku bankarnir, sum kunn­gerða sínar roknskapir í næstum, eisini kunnu standa seg væl. Apple, Google og Microsoft kunngjørdi góðar roknskapir, meðal Dell niður­ metti síni útlit. Nú 158 fyri­tøkur av teimum 500 í S&P 500-vísitalinum hava kunngjørt roknskap, sæst at 104 hava størri vinning enn væntað. 27 fyritøkur hava verri, meðan restin var sum væntað. Tær 158 fyri­tøkurnar hava í miðal 10% meira í vinningi í mun til í fjør. Um roknskapirnir framhaldandi vísa góð úrslit, kann tað stuðla undir, at gongd aftur kemur á jaligur partabrævagondina. Hesa vikuna Roknskaparkunn­gerðirnar halda áfram. Hesa vikuna standa m.a. oljufeløgini Ex­xon Mobil, Shell og Norsk Hydro fyri tørni. Umframt roknskapirnar kann serliga gongdin í miðeystri ávirka marknaðirnar. Eisini brúk- ara­álitistøl úr USA og Evropa hesa vikuna kunnu ávir­ka. Rentuhækkingarnar um at vera av í USA Donsk 10-ára renta Vísital fyri norrøn partabrøv Gjaldoyru Íløgufeløg Kursur +/- % Kursur +/- % USD 590,51 -0,9% Lánsbrøv í DKK 97,60 0,1% JPY 5,06 -0,4% GBP 1.093,12 0,9% Norrøn Partabrøv 106,84 2,6% NOK 93,74 -0,5% Broytingar eru útroknaðar í mun til fyri viku síðan. Myndirnar vísa gongdina seinastu 3 mánaðirnar. 3,9% 4,0% 4,1% 4,2% 18/04 19/05 19/06 1020 1060 1100 1140 1180 1220 18/04 19/05 19/06 Talan er um eina tí hugnaligastu hugnaløtuna, tá felagssangurin er ólavsøkudag. Vónandi við eini 10.000 sangarum sum luttakarum Vika 30