mikudagur 26. juli 2006síða 12

12 Nr. 142 - 26. juli 2006 Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. nøvn SAMBAND magnus gunnarsson maggi@sosialurin.fo tlf 341800 fax 341801 Mikudagin tann 26. juli fyllir Christian Olsen, leiðari á Norðoya Kunningarstovu í Klaksvík, seksti ár. Christian varð føddur tann 26. juli 1946 í Fuglafirði. Foreldrini vóru Heini Olø­ sen úr Klaksvík (Heini hjá Hans Eriki) og Solby Árna Thomsen ættað úr Fugla­ firði. Christian er elstur av fimm systkjum og vaks upp á Selheyggi í Klaksvík. Tá hann varð liðugur við real- skúlan, fór hann í bankalæru í Føroya Banka. Í 1968 giftist Christian við Sólfríð Svabo Sørensen, dóttir Søren Svabo og Jan­ hild Ulrikku Sørensen. Tey eiga fýra børn, Heini, Jan­ hild, Søren og Solby. Abba­ børnini eru fimm í tali: Jord­ an, Jack, Lily, Petur Martin og Kristian. Miðskeiðis í sjeytiárunum bygdu Christian og Sólfríð hús á Gørðum í Klaksvík, har tey búgva enn. Flestu klaksvíkingar munnu minnast Christian frá tíðini á matvøru- og provi­ ant­handlinum, Segl­hús­ið, har hann arbeiddi í 17 ár, inntil hann í 1984 tók við starvi sum stjóri á Nordafar A/S í Føroyingahavnini í Grønlandi. Í 1989 fór hann í starv hjá Smyril Line um­borð á Norrønu sum goymslu­leið­ ari og seinni sum purs­ari. Sum flest øllum kunnugt var Norrøna eitt tíðarskeið “flóttafólkaskip” og lá við Islandsbrygge í Keyp­ mannahavn vetra­r­hálvurnar, og var Christian eisini ein partur av manningini hesa tíðina. Í land aftur komin tók Christian við starvinum sum leiðari av Norðoya Kunn­ingarstovu, sum varð endurstovnað 1. mars 2001, og røkir hann framvegis hetta starvið. Christian Olsen hevur eis­ ini luttikið nógv innan før­ oyskan fótbólt. Hann bleiv valdur inn í fótbóltsdeild FSF´s í 1976 og var við til at stovna Fótbóltssamband Føroya í 1979, har hann varð fyrsti formaður sambands­ ins. Í politikki hevur Christian altíð verið javnaðarmaður, og hevur hann eisini sit­ið í Klaksvíkar býráði um­boð­ andi flokkin. Hetta gjørdi hann tvær býráðssetur – frá 1980 til 1988. Christian hevur altíð verið ein eldsál, sum brennur fyri tí, hann arbeiðir við. Tað veri seg innan dagliga starvið, politikk ella felagsarbeiði. Tískil eru feløgini og nevnd­ irnar, sum hann hevur verið uppií gjøgnum tíðina, alt ov rúgvismikið at nevna her. At hann eitt skifti varð kallaður Nevndar-Christian sigur allarhelst nógv meira enn ein long ramsa. Christian Olsen verð­ur burturstaddur á føðingar­ degnum. Hjartaliga til lukku við degnum. Ynskja konan, børnini, verbørnini og abbabørnini Christian Olsen fyllir seksti ár Hann vaks upp í einum livandi og altjóðagjørdum umhvørvi. – Har mátti okkurt stórt koma burturúr. Ofta verður sagt, at tú ert “produkt av tíni samtíð”. Tað haldi eg ber til at siga um Oliver Joensen, sum nú hevur, vit kunnu siga við hepnari hond, rikið Norðlýsið nógv longri enn nakar annar blaðstjóri fyrr hevur gjørt, hóast teir í so máta vóru drúgvir. Oliver, sum nú um dag­ arnar fylti 60 ár, vaks upp í spennandi umhvørvi við Dávamonnunum og síðani Petur Juul Samuelsen, Erling Laksáfoss, Peturi á Hædd, Bernhardi Brim nakað longur niðri og Herluf Thomsen. Skamt frá var bilstøðin hjá Hjørleif Waag Høgnesen, har lív var í. – Sum næsta granna hevði hann Haldur Holm, sum byrjaði bakarí uppi í kjallaranum hjá Oluffu Joensen og so Niels Michael Knudsen. At hann gjørdist okkara Maxwell og Murdoch var einki at siga til í tílík­ um livandi og altjóða, spenn­andi og mennandi um­hvørvi. Hann mátti gerast víðskygdur, hóast lokalur. Tað skal ikki lítið til, at geva lokalblað út viku eftir viku, mánað eftir mánað og ár eftir ár. Tað hevur hann evna, gløggur sum hann er. Útbygdi tíðindatænastuna Samstundis skal sigast, at seinastu tíðina er blaðið komið út ikki færri enn tvær ferðir um vikuna, samstundis sum heimasíðan er ein hin mest upplýsandi og ein tann mest vitjaða í landinum. Verður tíðum endurgivin av Útvarpi Føroya, Rás 2 og av øðrum fjølmiðlum. Mong eru lokalbløðíni, sum hava sæð dagsins ljós, men eru givin á hendur, tá ein tíð er fráliðin. Soleiðs var eisini fyrr, áðrenn Oliver tók við sum blaðstjóri og ognaði sær blaðið, tá vóru í fleiri umførum uppiløgur, men hann hevur verið áhald­in. Tað var ofta tikið til, at: “Norðlýsið kemur altíð aftur”. Fyri Klaksvík, hevur Norð­ lýsið havt stóran týdning, hevur styrkt um samanhaldi bæði í vinnu, mentan, á pol­itiska pallinum og so sum serstakur táttur verður skrivað nógv um ítrótt. Eina tíð helt Rás 2 til á Norðlýsinum, haðani mang­ ar áhugaverdar sendingar komu Av og á havi eg sagt við Oliver, at kiloprísurin á Norð­ lýsinum er nakað hægri enn á New York Times, men fyri lokalsamfelagið í Klaksvík, hevur tað sanniliga eisini havt so mikið størri týdning. Eisini er nokk so nógv stutt­ligt, sum er komið fyri í blaðnum. Eitt dømi, ta Norðoyastevnuna, út móti hægstu summartíð, tá Norðlýsið setti eina heilsíðulýsing av misgávum í hjá JFK – Heilsølu, har Heilsølan ynskti øllum eini gleðilig jól og eitt gott nýggjár. Tílíkt kann altíð koma fyri, tá ferðin er nógv. Hugsar nátúrliga nýtt Olivur elskar at vera úti í náttúruni, er innløgumaður bæði við byrsu og snøri. Møgu­­liga var tað hetta, sum fekk hann at taka stig til, tað sum allar Føroyar tos­ aðu um, nevniliga at halda Sjó­mannadag. Hann legði lunnar undir henda fyri før­ oy­­ingin viðkomandi dag í fjør og fekk aðrar at hjálpa sær soleiðis, at hetta í ár gerst ein upp aftur størri og meiri upplivingarríkur dagur í august mánað. – Heilt nát­ úr­liga liggur hesin dagur í Klaksvík. Góða familju Oliver fekk eina góða konu, Elsu, sum er dóttir Jancy og Jacob Biskopstø. Tey eiga fýra børn, John William, Jastrid, Jacobina og Hannefía, sum øll hava áhuga fyri grafiska- og fjøl­­miðla­øki, og tvey hava fyribils halga sær henda tátt. Umframt at kenna seg heima her, hava tey veruliga gjørt vart við seg á hesum øki. Lat meg bert til seinast siga – tað er ikki lætt at skriva um ein so úthaldandi blaðstjóra – at vit, Klaksvík, tað veri seg politiska skipanin her, vinnan, mentanin, hand­ ils­skapurin og ikki minst ítrótturin hevur so nógv at takka tykkum fyri. Hjartaliga tillukku við 60 ára føðingardegnum og mong góð ár á knøttunum og eina hjartaliga tøkk fyri tann týdning tú og tíni hava havt fyri Klaksvík og Norðoyggjum. Tit siga sannleikan “vit eru lokalir”. Jógvan við Keldu Oliver Joensen 60 ár