sunnudagur 30. juli 2006síða 7

Nr. 143 - 27. juli 2006  tíðindi Fiskiloyvini skulu kunna keypast á uppboðsølu og nýtast í eitt avmarkað tíðarskeið, áðrenn tey skulu bjóðast út av nýggjum. Sambært Tjóðveldis– flokkinum er uppskotið um nýggju skipanina bæði sjálvregulerandi og rættvís UPPSKOT Orð & myndir Rólant Waag Dam rolant@sosialurin.fo Tjóðveldisflokkurin hevði í morgun boðið til tíðinda– fund á Gamla apoteki, har uppskotið um at selja fiskiloyvi á uppboðið varð lagt fram. Í stuttum snýr uppskotið seg um, at verandi fiskida– gaskipan skal avtakast, og í staðin skulu fiskiloyvini seljast á uppsølu - eini Tilfeingisbúð, sum Tjóð– veldisflokkurin rópar tað. At siga seljast er kanska at taka munnin ov fullan, tí uppskotið hjá Tjóðveldis– flokkinum er, at fiskiloyv– ini skulu kunna keypast í eitt avmarkað tíðarskeið. Tá tað tíðarskeiðið er runnið verða loyvini tikin aftur og bjóðaði út av nýggjum. Sambært Tjóðveldis– flokkinum verður henda skipanin rættvís, sjálv– regulerandi, trygg og varðandi fyri vinnuna. Høgni Hoydal, formaður Tjóðveldisfloksins, segði enn tá, at uppskotið um nýggju skipanina er ge– nialt. Við nýggja uppskotinum førir tú tilfeingið aftur til fólkið, samstundis sum tú liberaliserar vinnuna, staðfesti Tórbjørn Jac– obsen, framsøgumaður Tjóðveldisfloksins. Útjaðarin styrkjast Atfinningarsamar rød–dir hava fyrr í vikuni verið frammi og funnist at uppskotinum frá Tjóð– veldisflokkinum. Millum annað Henrik Old úr Javnaðarflokkinum hevur sagt, at ein uppboðssøla av loyvunum fór at føra til miðsavnan og at tað fór at taka grundarlagið undan teimum smáu. Men sambært Tjóðveldis– flokkinum, so er tað ongin vandi fyri at so verður: - Tað er verandi skipan, sum fer illa við útjaðaran– um, men hetta uppskotið fer at skapa javnvág og tryggjar, at øll kunnu bjóða á jøvnum føti, segði framsøgumaður Tjóðveldisfloksins. Stóri spurningurin er so, um uppboðsølan fer at hava við sær, at tað bara verður tann hægst bjóðandi, sum fer at strúka avstað við øllum loyvunum? - Nei, soleiðis fer tað ikki at vera. Øll boðini, sum koma inn verða viðgjørd á sama hátt. Tey verða øll tald saman, og tey, sum so hava eitt boð, ið er omanfyri miðal fáa fiskiloyvi útflýggjað, greiddi Høgni Hoydal frá. Sambært Tjóðveldis– flokkinum verður tað í nýggju skipanini vinnan sjálv, sum tryggjar prísin, og at fiskiloyvini ikki verða seld fyri ovurhonds stórar prísir, sum vit hava sæð seinastu tíðina. Allir føroyingar skulu kunna bjóða upp á fiskiloyvini, og harvið verða tað mark– naðarkreftirnar, sum aftur tryggja prísin á loyvunum. Uppskotið hjá Tjóð– veldisflokkinum leggur upp til, at vit varðveita somu bólkar, sum vit hava í dag. Bólkur 1 og 2 skulu tó hava møguleika at bjóða upp á somu dagar, meðan bólkur 5 verður hildin uttanfyri. Loyvini, sum bjóðað verður uppá, verða bara givin í eitt avmarkað tíðar– skeið, men hvør er orsøkin til hetta? - Tíðarskeiðini loyvini vara er treytað av, hvør bólkurin er, men felags– endamálið við loyvunum má vera at hava so stutt tíðarskeið sum møguligt, tí so verða tey oftari bjóðað út, og harvið verður dynamikkurin størri, segði Høgni Hoydal á Gamla apoteki í morgun. 10 ára skiftistíð Tjóðveldisflokkurin ætlar sær at leggja uppskotið fram fyri tingið á ólavsøku. Men longu áðrenn uppskotið var almanna kunngjørt í morgun, høvdu umboð fyri allar samgonguflokkarnar ført fram, at teir ikki fara at taka undir við einum uppskotið um uppboðsølu av loyvum. Og Tjóðveldisflokkurin ásannar eisini, at tað ikki ber til at innføra nýggju skipanina frá degi til dags. Tí er tað teirra uppskot, at verandi skipan skal avtakast og nýggja skipanin skal innførast yvir eitt tíggju ára tíðarskeið. - Sambært lóggávuni kunnu loyvini takast aftur, uttan nakað endurgjald, men vit eru greið yvir, at nógv feløg hava gjørt stórar íløgur og tí er tað, at vit skjóta upp at taka 10% av fiskirættindunum aftur ár– liga í eitt 10 ára tíðarskeið, vísti Tjóðveldisflokkurin á. Afturtiknu fiskirættind– ini eru so tey, sum allir føroyingar kunnu bjóða uppá. - Longdin á tíðarskeiðunum á loyvunum er treytað av bólkinum, men høvuðsendamálið er at geva so stutt tíðarskeið sum gjørligt, sigur Høgni Hoydal Fiskiloyvini leigast í avmarkaða tíð Broytingaruppskot um fiskilóggávuna: Samstundis sum vit føra tilfeingið aftur til fólkið, so liberalisera vit vinnuna, sigur Tórbjørn Jacobsen um nýggja uppskotið um fiskilóggávuna Tilfeingisbúðin er navnið á uppsøluni, sum skal taka sær av søluni av fiskiloyvunum. Verandi fiskidagaskipan skal avtakast og nýggja skipanin skal innførast yvir eitt 10 ára tíðarskeið, har tíggju prosent av verandi fiskirættindum verða tikin aftur árliga, soleiðis at um 10 ár eru onki eftir av verandi skipan. Í nýggju skipanini varðveita vit somu bólkar sum í dag, men bólkur 1 og 2 kunnu bjóða upp á somu dagar. Allir føroyingar skulu kunna bjóða upp á fiskiloyvini, og sambært Tjóðveldisflokkinum er nýggja skipanin rættvís og sjálvregulerandi. Uppskotið verður lagt fyri tingið á ólavsøku. Í Stuttum