mánadagur 31. juli 2006síða 6

6 Nr. 144 - 31. juli 2006 tíðindi Ongin ólavsøka uttan kappróður – heldur ikki í Keypmannahavn, har føroyski kappróðurin setti sín heilt serliga dám á Kanalina ólavsøkudag Ólavsøka á Bryggj­uni Anna V. Ellingsgaard anna@sosialurin.fo Eitt av hædd­arpunktinum á ólav­søku­hald­i­n­um í Keyp­ man­na­havn er kappróðurin millum bátar hjá føroysku róð­rarfeløgunum í Dan­ mark. Í ár luttóku heilar nígg­ju báts­manningar úr fimm feløgum, og er hetta tað mesta til nak­að ólavsøkuhald í Keyp­man­na­ havn. Forvitnislig sjón Stigtakararnir stúrdu eitt sind­ur fyri, hvussu tað fór at gangast at leggja róð­ rarbátarnar, tí so nógv báta­ ferðs­la vanliga er á leiðini, har róð varð. Men so skjótt, tað gekk upp fyri fólki, hvat var í ferð við at henda, tóku bát­arnir atlit í allar mátar, so róðurin kundi fara fram uttan trupulleikar. Onkrir av teimum fylgdu enntá við róðarbátunum fyri at síggja róð­urin tætt at. Tað var eisini týði­liga ein óvæntað og sera forvitnislig sjón, sum møtti mongu ferðafólkabátunum á Kanalin, tá flaggskrýddu før­oysku bátarnir komu skúm­­andi inn móti Ný­­havn­ ini, og tað mundu vera fá ferðafólk, sum ikki høvdu mynda­tólið frammi hesa løtu­na. Sum á ólavsøku ... Bæði á Bryggjuni og í Ný­ havn­ini stóðu spentir á­skoða­ r­ar og róptu av fullum huga á “sínar” bátar. Í so má­ta minti stemningurin mest um ólavsøkuróðurin í Havn. - Sjálvt um tað jú ikki er heilt tað sama, er ongin ivi um, at manningarnar ganga upp í hendan róðurin við lív og sál. Vit vilja jú hava okkurt at venja fram ímóti, so hesin róðurin og Ishøj Regat­ta hava stóran týdning fyri áhugan og drívmegina í róðrarfeløgunum, sig­ ur Kristvør Hansen, for­ mað­ur í róðrarfelagnum Neys­t­ið. Hon dylur ikki yvir, at bátarnir hava vant dú­liga til júst hendan ólav­ søkuróðurin, og at spenn­ ing­urin hevur verið stórur. Róð varð 600 metra teinin frá Knippelsbro inn til Ný­havnina, og gjørdust úrs­ lit­ini hesi: 6. mannafør, Kvinnur: 1. Gongurálvur 3.10.24 2. Knørrur 3.21.56 3. Vesturskinið 4.01.96 6 mannafør, Menn: 1. Skarvur 3.00.26 2. Knørrur 3.01.93 3. Gongurálvur 3.02.84 10. mannafør: 1. Tvørábáturin 2.42.63 2. Vábingur 2.43.69 Vinnandi manningarnar fingu handað steyp frá formanninum í róðrarfelagnum Neystið, Kristvør Hansen, ið eisini er limur í stýrisbólkinum fyri ólavsøkuhaldið í Keypmannahavn. Sum nakað rættiliga forvitnisligt varð nýinnsettið føroyski báturin í Keypmannahavnar havn, Norðbúgvin, dómsbátur í róðrunum. Ólavsøkuróður í Keypmannavnar havn Best vitjaða ólavsøkan nakrantíð Triðja ólavsøkuhaldið á Bryggjuni í Keypmannahavn gjørdist tað mest vitjaða higartil. Mett var at eini 2000 fólk stukku inn á økið hesar dagarnar til okkurt av mongu tiltøkunum, ið vóru á skránni Ólavsøka á Bryggjuni Anna V. Ellingsgaard anna@sosialurin.fo Lítil ivi mundi vera um, at ólavsøkuhaldið í ár eisini var tað best eydnaða, og alla­staðni hoyrdust fólk hava á orði, hvussu væl fyriskipað til­­takið var. Sum ein av gestunum tók til - Her hendir allatíðina okk­urt, men tú fært verið við í øll­um allíkavæl. Okkurt fyri øll Fyri líkasum at hita upp og skapa rætta ólavsøkudámin, byrj­aði tiltakið við at kapp­róð­urin í Havn var at hoyra úr stórum hátalarum, ið vóru settir upp uttanfyri á Brygg­j­uni. Runt um sótu fólk við borð­ini og lurtaðu altrá eftir, hvussu leikur og róður fór har heima. Uttan iva høvdu tey øll sínar favorittar, men tað er neyvan ov nógv sagt, at spenningurin illa fekk verið størri, tá slagið stóð hjá 10 mannaførunum mill­um Klaksvíking og Eysturoying. Eftir kappróðurin úr Havn ólav­­søkuaftan var farið undir restina av skránni fyri ólav­søkuhaldið á Bryggjuni. Við síni setanarrøðu hug­leid­di Herálvur Joensen, før­oyskur sendimaður í Keypmannahavn, við nøk­r­um væl valdum orðum um serstøku støðuna hjá før­oyskum útisetum og týd­n­ingin av einum slíkum ólav­søkuhaldi. Síðani kom helt serliga løtan, tá føroyski seksæringurin Norð­búgvin alment fekk handað føroyska flaggið og sigl­ingarloyvi í havnini í Keyp­­mannahavn, sum tann fyrsti føroyski báturin, ið fær slík rættindi. Út á dagin var føroyskur dansur, matur, undirhald og tónleikur at uppliva bæði úti og inni á Bryggjuni. Á loftshæddini spældu Vest­menn upp til dans út á kvøldið, og skjótt var dansi­gólvið á tremur av væl­hýrd­um fólki, sum dansaðu til tann ljósa morgun. Ikki eitt eygað turt Ólavsøkudag varð byrj­að við gudstænastu í Christ­i­ans­ kirken, har Bergur Jacob­sen prædikaði. Sum eitt serligt innslag sungu Anna Maria Olsen og Agnar Lam­hauge solo, meðan Sta­m­en Stantchev spældi undir. Síðani var farið oman á Bryggjuna at hyggja at kappróðri millum bátar hjá føroysku róðarfeløgunum. Beint áðrenn midnátt hoyrd­ist brádliga røddin hjá Heðini Mortensen úr há­talararnum. Eins og í fjør hevði hann eina heilsan at bera ólavsøkugestunum á Bryggjuni beint undan mid­náttarsanginum. Manna­ múgv­an á Bryggjuni var nú serliga tøtt, og við Heina Davidsen á odda var midnáttarsangur á skrá­nni, har somu sangir vórðu sung­nir samstundis á Bryggj­uni í Keypmannahavn og á Vag­lin­um í Havn. Til­tik­nað fýrverkið á Bryggj­u­ni livdi í allar mátar upp til vænt­aninar, tá tað mest sum lýs­t­i upp allan himmalin yvir Keypmannahavn. Tá so tríg­g­jar rakettir til seinast fingu himmalin at lýsa í teimum føroysku litunum, var ikki eitt eygað turt, sum ein av mongu áskoðararnum tók til. - Endamálið við ólav­søkuhaldinum í Keyp­mannahavn er ikki minst at lata Føroyar upp fyri um­heiminum. Við frálíku um­støðunum á Bryggjuni hava vit av sonnum flutt okka­ra ólavsøku út um bygdagarðin, sigur Niels Sal­mony, formaður í stýris­ bólkinum Ólavsøka á Bryggjuni Anna V. Ellingsgaard anna@sosialurin.fo Triðja árið á rað fór ólavsøkuhaldið á Bryggjuni í Keypmannahavn av bakka­ stokki seinnapartin ólav­ søkuaftan. Við nýggju um­støðunum á Bryggjuni er ein gamal dreymur hjá fyrireikararnum vorð­ in veruleiki, og kann møguleikin at røkka endamálinum við til­tak­in­ um nú neyvan gerast betri. Opin­leiki virkar báðar vegir - Vit hava hildið ólavsøku í Føroyahúsinum í nógv ár. Tað hevur eisini verið hugnaligt, men dreymurin hev­ur allatíðina verið at lata meginpartin av skránni gan­ga fyri seg uttandura. Bæði fyri at skapa rætta ólav­søkudámin, men avgjørt eisini fyri breiða kunn­leikan til Føroyar og tað føroyska út til so nógv fólk, sum gjørligt, sigur Niels. Hann leggur afturat, tað ikki er nøkur loyna, at myndin, danir og aðrir útlendingar hava av Føroyum, ofta hevur verið nakað einsháttað. Hin­ vegin hava føroyingar kanska ikki altíð dugað líka væl at lata sítt land og mentan upp fyri øðrum. - Vit hava jú nakað, vit eru sera glað fyri, og tað vilja vit fegin vísa øðrum við ólav­søkuhaldinum. Reyði tráð­urin í tiltakinum er at koma út um bygdagarðin og lata Føroyar upp fyri um­heiminum. Opinleiki virk­ar jú báðar vegir. Vilt tú integrerast í eitt nýtt um­hvørvi, mást tú lata teg upp fyri øðrum á ein hátt, so tú samstundis fært givið nýggja umhvørvinum nakað frá tær sjálvum , sigur Niels og leggur afturat, at opinleiki eisini er fyrsta treytin, um tú vilt markera teg sum við­ leik­a­ra í einum nútímans, alt­ jóðagjørdum heimi. Ólavsøka á Bryggjuni: Út um bygdagarðin - Ongin ivi er um, at róðarfeløgini her niðri ganga upp í hendan ólavsøkuróðurin við lív og sál, sigur Kristvør Hansen, formaður í róðrarfelagnum Neystið í Keypmannahavn Tað var ein óvæntað og forvitnislig sjón, ið møtti mongu ferðafólkabátunum, tá flaggskrýddu føroysku bát­ar­nir komu skúmandi inn móti Nýhavnini Mynd: Kristvør hansen - Við frálíku umstøðunum á Bryggjuni er ein dreymur hjá okkum, sum skipa fyri ólavsøkuni í Keypmannahavn, vorðin veruleiki, sigur Niels Salmony, formaður í stýrisbólkinum