mánadagur 31. juli 2006síða 24

24 [ Nr. 144 - 31. juli 2006 ] Tað kostar nógv at skifta fólk Tað er so ofta endurtikið, og hervið verður tað sagt fyri síðstu ferð í hesum róðrarárinum: Tað eru marg­inalirnir, sum gera av, um tað gongur væl, ella um tað gongur minni væl í kappróðri. Staðfesting av sann­leika­ num í omanfyri nevndu út­ søgn hevur verið í kapp­ ingini millum dreingja­ manningarnar tvær tær seinastu ferðirnar. Á Vestanstevnu var Ritan sannførandi vinnari, með­ an Jallurin endaði á triðja plássi. Á Ólavsøku var Jallurin sera sannførandi vinnari, meðan meistararnir á Rituni duttu heilt aftur á fjórða plássið. Manningarliga frágreið­ ingin hjá teimum á Jalli­ num var, at teir á Vestan­ stevnu høvdu róð við óvand­um eykamanni, tí ein av føstu monnunum var skaddur. Á Ólavsøku vóru allir teir væl vandu tøkir aftur. At úrtøkan hjá meistar­ unum var so løk á Ólav­ søku, høvdu teir á Rituni sína frágreiðing um. Ein av teimum, sum hevur verið við til at tryggja teimum so nógvar sigrar í summar, at tað longu á Vestanstevnu rakk til FM heitið, var undan Ólavsøku farin til skips. Harvið noyddist ein, sum bara hevði vant nakrar heilt fáar ferðir, at seta seg millum væl vandu ungling­ arnar, og tað sást aftur. Soleiðis er tað bara. Hjá teimum, sum knúlvast millum teir bestu, ber tað illa til, um ikki allir eru væl trimmaðir og vandir. Tá ið startskotið hevði ljóðað, tóktist tað í fyrstu tøkunum, at Ritan aftur á Ólavsøku skuldi seta dám á róðurin. Men soleiðis tørn­ aði tað ikki út. Tað var Jallurin, sum so rudduliga setti dám á ólavsøku­róð­ur­ in. Startspurturin var ikki meiri enn hálvbardur, tá ið Jallurin hevði lagt seg á odda, og so vísti tað seg bara at vera ein spurningur um, hvussu tryggur sigurin hjá Jallinum fór at verða. Ritan misti heilt nógv. Kollur og Sílið róðu ógvu­ liga væl, og teir vóru báðir undan meistarunum, tá ið teir komu á mál. Jallurin var fullkomuliga suverenur. Á málinum vóru teir leysir av næstu bát­ unum. Harvið tryggjaði Jallur­in sær so rudduliga silvur­merkini í FM kapp­ ingini, og eftir róðurin kendu glaðu høvuðsstaðar dreingirnir seg hava vunnið mest sum eyka FM heitið. Meistaraheitið kundi tó eingin taka frá sunda­ dreingjum. Men tað skerst ikki burtur, at ólavsøku­ róðurin ikki royndist so­ leiðis hjá teimum norðuri í Sundi, sum tað kanska var lagt upp til. Har var eingin, sum skalaði Jallin, tá dreingjaróðurin var á skránni Mynd: Álvur Meistararnir megn­aðu ikki heiðurs­merkja­ pláss á Ólavsøku, tá ið Jallurin, sum aftur var fullmannaður, vant burtur úr øllum hinum kappróður Jóannes Hansen joannes@sosialurin.fo 5-mannafør dreingir – Ólavsøku úrslitið Nr. Bátur Tíð 1 Jallurin 4:40.21 2 Kollur 4:44.08 3 Sílið 4:44.16 4 Ritan 4:45.13 5 Strípan 4:46.20 6 Havfrúgvin 4:50.22 7 Drekin 4:58.06 8 Blikur 5:10.05 Knørrur setti alt upp á pláss Vit settu alt inn upp á at vinna á Ólavsøku. Hóast vit undan Ólavsøkuni høvdu tryggjað okkum meistaraheitið, so var tað einki sum eitur. Tað ber ikki til at damla seg til sigur. Tí góvu vit alt, sum var í okkum. Vit vunnu, og tá ið tú vinnur, kanst tú ikki klaga um nakað sum helst, og tað gera vit heldur ikki, søgdu fegnu vinnararnir av FM heiti­ num og ólavsøku­róðri­ num. Knørrur hevur tríggjar ferðir áður vunnið FM. Fyrsta ferðin var í 1985, og so vann Knørrur aftur í 1989 og í 1990. Hetta var bara onnur ferðin, at Knørrur bæði vann FM og ólavsøkuróðurin. Fyrra ferðin var í 1985. Ørvur fekk besta startin og var fremstur, inntil bátarnir komu á Molan. So var tað, at Knørrur rættu­liga fór undir upp­ vísningin. Fram við Mola­ num og harvið framman­ fyri áskoðarafjøldini munaðu tøkini sera nógv, og tað var eingin ivi um, at hetta var rætti meistarin og ólavsøkuvinnarin. Ørvur misti framvið Molanum. Argjabáturin tók akkurát Ørv, og hvørgin teirra kundi gera nakað við Knørr, sum var tað mesta av einari bátslongd undan teimum næstu. Tað hevur leingi verið roknað við, at Nevið Reyða fór at gera um seg í síðstu kappingunum, men tað vísti seg ikki at verða soleiðis. Aftur hesa ferð var Nevið Reyða aftanfyri hinar tríggjar. Nú er stóri spurningur­ in, hvussu tað næsta ár fer at verða við kappingini millum 8-mannaførini. Lut­takaratalið hevur neyv­an verið so lágt áður, sum tað hevur verið tað í ár. Tað hevði verið framúr, um fleiri høvdu tikið lut, og um fleiri høvdu verið við í kappingini um fremsta plássið. Kvívíkingur hevur oft­ ast verið ógvuliga drúgv­ ur, men í ár var hann bara við á Fjarðastevnuni í Vestmanna. Ólavsøkusigurin roknaðu teir umborð á Knørri at vera sera týdningarmiklan fyri fagnaðin um FM heitið kappróður Jóannes Hansen joannes@sosialurin.fo 8-mannafør – Ólavsøku úrslitið Nr. Bátur Tíð 1 Knørrur 4:19.04 2 Argjabáturin 4:21.05 3 Ørvur 4:21.15 4 Nevið Reyða 4:24.04 Holst byrjaði málskjótingina Christian Lamhauge Holst skeyt fyrsta málið, tá Lyngby legði fyri í donsku fyrstu deild við tryggum 3-0 sigri á Aarhus Fremad. Talan var um uppibornan sigur, og eftir at Holst hevði skorað eftir 23 minuttum, var eingin ivi um, hvør skuldi vinna dystin. Við sigrinum kom Lyngby væl ígongd í næst fremstu donsku deildini, har felagið nú hevur vunnið seg fram eftir húsagangin, sum fyri nøkrum árum síðani sendi felagið langt niður í donsku røðina. -mørk Nenad aftur á Skála Heimasíðan hjá Skála Ítróttarfelag hevur boðað frá, at Nenad Stankovic fer at spæla við Skála tað, sum er eftir av hesum kappingarárinum. Ætlanin hjá Skála var alla tíðina, at Nenad skuldi spæla við í ár. Men í januar gjørdist tað greitt, at uppihaldsloyvið ikki fór at verða longt. Í juni varð farið undir nýggja roynd at fáa Nenad aftur til Skála. Í síðstu viku komu endalig boð frá myndugleikunum um, at nú var alt í lagi, og í morgin fer Nenad aftur at seta fótin á land í Føroyum. Um hann er eins væl fyri, sum hann var tað í fjør, so er tað eingin ivi um, at Nenad væl og virðiliga fer at styrkja Skála liðið, sum fyrst fer at ríva seg leyst úr botnstríðnum, og síðani fer at royna at klatra so langt upp eftir talvuni, sum tað ber til. -mørk