týsdagur 1. august 2006síða 14

14 Nr. 145 - 1. august 2006 tíðindi Í setanarrøðuni tók Her­ álvur Joensen støði í felags upplivingini, sum ólav­søk­ an er fyri allar føroyingar. Helst er tað júst tí, ólav­ søkan er okkara tjóðar­ hátíð, helt herálvur fram. Onkursvegna er ólavsøkan ein ímynd og samanrenning av okkara verðsliga, pol­ itiska og andaliga sam­ leika, har øll kenna seg aftur í onkrum, sum hon umboðar. Kjakið brúk fyri útisetum Men felags upplivingin røkkur longur enn til ólavsøkuna. Herálvur vísti á, at Føroyar eru fáment tjóð, og tí er ikki nóg mik­ ið, at føroyingar í Føroyum eiga samfelagsliga orða­ skiftið einsamallir. Sum dømi nevndi hann kjakið um Visjón 2015, har vit neyvan kunnu vera ósamd um, at tað er gott, at lands­ stýrið setur sær mál, ið røkka longur enn til dags­ ins evni. – Skal ætlanin tó eydnast til fulnar, er umráðandi, at allir føroyingar, eisini teir, ið búleikast uttanlands, taka lut í orðaskiftinum um, hvørji mál Føroyar eiga at seta sær, segði Herálvur og minti á, at nógv samfelags- og ment­ anarlig hugskot hava sæð dagsins ljós millum føroy­ ingar í útlegd, áðrenn tey rúma tíð seinni eru rótfest í orðaskiftinum – og kanska sett í verk heima. – Tað sigst, at føroyingar kunnu vera heldur erk­vis­ nir, og útisetar, sum loyva sær at siga sína hugsan, kunnu rokna við onkrum glepsinum fyri teirra støðu sum útisetar, tá teir leggja seg út í kjakið. Serliga um teir siga onkran sannleik­ an, segði Herálvur, men minti á, at summi evni høvdu helst verið tagd burtur, um ikki onkur framfýsin útiseti hevði tikið tey upp. Herálvur ivaðist tó ikki í, at stóra talið av føroying­ um, sum búleikast og nema sær útbúgving í Danmark, gevur góðar møguleikar fyri, at tað eisini í komandi árum fara at koma spenn­ andi tankar og hugskot frá føroyskum útisetum á hes­ um leiðum. Útisetar – týdning fyri fólkaræðið - Helst høvdu summi evni verið tagd burtur heima í Føroyum, um ikki onkur framfýsin útiseti hevði tikið tey upp, segði Herálvur Joensen, føroyskur sendimaður, í setanarrøðuni á Bryggjuni – Føroyska fólkaræðið hevur altíð notið gott av, at føroyingar, ið búleikast uttanlands, siga sína hjartans meining um evni, ið eru frammi í føroyska kjakinum, segði Herálvur Joensen, føroyskur sendi­maður í Keyp­mannahavn, tá hann setti ólav­søkuna á Bryggjuni Ólavsøka á Bryggjuni Anna V. Ellingsgaard anna@sosialurin.fo Ein minniríkur dagur Nógv kend andlit vóru at síggja á ólavsøkuhaldinum á Bryggjuni í Keyp­manna­ havn. Millum onnur hittu vit býráðslimin og ídnu róðrarkvinnuna, Jórun Høg­nesen, úr Klaksvík. Heilt serlig sjarma 10 mannaróðurin í Havn var júst liðugur, tá vit hittu Jórun, og tað var eisini gott tað sama, tí annars hevði neyvan borið til at fingið orðið á hana. Framvegis nakað pøst av at rópa við lív og sál á “Klaksvíkingin” helt Jórun fyri, at hetta sanniliga gjørdist ein minni­­ríkur dagur. – Eg havi altíð ynskt at sleppa at uppliva eina ólav­ søku í Keypmannahavn. At tað so gjørdist dagurin, har “Klaksvíkingur” vann hendan ótrúliga spennandi 10 mannaróðurin er jú heilt fantastiskt. Eg sá tað ljós­ livandi fyri mær, segði ovurfegna róðrarkvinnan. Jórun helt annars sum­ mar­frí á Bornholm, men hevði sett hendan dagin av til ólavsøkuhaldið á Bryggjuni. Hon var rætti­ liga tikin av fótum av fram­ úr góðu og stórslignu um­ støðunum, og ikki minst av, hvussu væl fyriskipað alt tiltakið var. Serliga at tað allatíðina hendi okkurt forvitnisligt, men tú allíkavæl hevði tíð til at práta við fólk. – Eg elski at hitta før­ oyingar, tá eg eri uttan­ lands. Tað hevur sína heilt serligu sjarmu, tí ofta er tað jú fólk, tú ikki hevur sæð í mong harrans ár, segði Jórun, sum helt stig­ takararnar eiga stóra tøkk uppbornað. - Tey hava skapað nakað her á Bryggjuni, sum veru­ liga er vert at savnast um. Góðar røður, tiltøk, tón­ leikur og ikki at gloyma vøkru sjónina, at síggja flaggskrýddar føroyskar bátar sigla aftur og fram her í Kanalini – eg njóti hvørja løtu. Tað má eg siga, hetta hevur í meir enn ríkiligt mát livað upp til allar mínar væntanir, smíltist Jórun. - Eg hevði sett mær fyri, at eg fyrr ella seinni skuldi upp liva eina ólavsøku í Keyp­ mannahavn. Men at hetta skuldi gerast so stórsligið og minni­ ríkt, hevði eg nú ikki væntað, helt Jórun Høgnesen, býráðs­ limur í Klaksvík, fyri, tá við fingu orðið á hana á Bryggjuni Ólavsøka á Bryggjuni Anna V. Ellingsgaard anna@sosialurin.fo Jórun Høgnesen, býráðslimur og róðrarkvinna úr Klaksvík, helt tað vera nakað heilt serligt at sleppa at uppliva ólavsøkuna á Bryggjuni í Keypmannahavn Føroyskur dansur í 30 hitastigum Kroppar gerast sum kunn­ ugt ofta heitir í føroyskum dansi – ovurheitir meir at kalla í dansinum á Bryggj­ uni í Keypmannahavn á ólavsøku. Men hóast 30 hita­stig og ikki eitt lot var í luftini, vóru ólavsøku­gest­ irnir skjótir at nýta at sláa ring, og dansað varð bæði væl og leingi. Og dansurin gekk ... Hóast hann er farin um tey 80, stóð tað ikki á hjá Sveini Sørensen at skipa fleiri kvæði á tamb. Tað var ikki minst honum fyri at takka, at dansurin gekk so fyrimyndarliga væl, hóast øll ikki vóru royndir dansarar, og onkur kanska als ikki hevði roynt tað fyrr. Sum alt annað á ólav­ søku­haldinum á Bryggj­ uni, var føroyski dansurin sera væl fyriskipaður. Eitt nú høvdu fyrireikararnir syrgt fyri, at eitt serligt gólv varð lagt á brúgv­ arsteinarnar, har dansað varð, ið fjaðraði og gav eftir á hóskandi hátt. Føroyski dansurin ólav­ søkuaftan var partur av al­ mennu skránni ólavsøku­ dagarnar á Bryggjuni. Hetta forðaði tó ikki ólav­ søkugestunum í at halda á, og út á kvøldið og ólav­ søkudag hendi tað seg meir enn so, at ein spontanur dansiringur tók skap, og trivið varð í eitt kvæði ella bæði tvey. Í 30 hitastigum, sandalum, stuttum buksum og sól­topp­ um trein ein litfagur skari dansin seinna­ partin ólavsøkuaftan á Bryggjuni í Keyp­ mannahavn Ólavsøka á Bryggjuni Anna V. Ellingsgaard anna@sosialurin.fo Sveinur Sørensen, ið hevur búð niðri í meir enn 50 ár, tryggjaði, at føroyski dansurin á Bryggjuni gekk fyrimyndarliga væl. 30 hitastig forðaðu ikki ólavsøkugestunum á Bryggjuni at trína dansin og kvøða fleiri kvæði á tamb Bæði børn og vaksin hugnaðu sær óført á ólavsøkuhaldinum á Bryggjuni.