hósdagur 3. august 2006síða 6

6 Nr. 147 - 3. august 2006 tíðindi Tað politiska heystið er byrjað Ólavsøkan er farin aftur um bak, og løgmaður hev­ur stungið út í kortið, hvørja leið hann heldur, tjóðin skal ganga. Í løglistanum, sum er partur av frágreiðing løg­mans á ólavsøku, sæst, hvørji mál okkara lands­ stýrismenn - har eru bara menn - og teirra ráð arbeiða við. Hesi mál skulu eftir ætlan verða løgd fyri tingið í hesi setu, sum júst er byrjað. Samstundis er fjørðurin hjá verandi samgongu hálvrógvin, sum løgmaður sjálvur tók til í røðu síni á ólavsøku, tí hetta er sein­asta heila tingsetan í hes­um valskeiði. Løgtingsval skal nevni­ liga verða hildið í seinasta lagi 20. januar 2008. Nøkur av hesum málum verða eftir ætlan løgd fyri tingið í heyst, og onnur mál verða løgd fram í vár. Her varpa vit ljós á, hvørji mál verða á dagsskránni í heyst, og hvat býr aftan fyri eina løgmansrøðu. Hvat okkara mið­ fyrisiting skal takast við í heyst, og ikki minst hvat okkara løg­ tingsmenn skulu taka støðu til, eftir at tey ymsu ráðini hava gjørt tey búgvin at leggja fyri tingið í heyst. Edmund Joensen, løg­tings­for­ maður, segði her­fyri við So­si­ alin, at nógv stórmál verða løgd fyri tingið í heyst. Nevnast kunnu m.a. viðgerðirnar av møguligari broyting av lóg um vinnuligum fiski­skapi, møguliga yvirtøku av fólkakirkjuni, sum Men­ta­mála­ ráðið hevur arbeitt við síðan 1998, ein­skiljing av Føroya tele og aðal­orðaskifti um fólka­ skúlan. So kann ein siga, at góð ráð eru dýr. Her síggja vit, hvat ráðini hjá teimum ymsu landsstýris­ monn­un­um arbeiða við. Metið sjálv! Hvat ger Landsstýrið? Vit hava hugt eftir, hvørji mál okkara landsstýrismenn ætla at leggja fyri tingið í heyst, nú farið er undir ta síðstu heilu tingsetuna í hesum valskeiðnum POLITIKKUR Theodor E. D. Olsen theodor@sosialurin.fo Frágreiðing um uttanríkispolitikk Jóannes Eidesgaard, Løgmansskrivstovan • Frágreiðing løgmans um uttanríkismál Árliga frágreiðing løgmans um uttanríkismál verður nú uppafturtikin. Frágreiðingin hevur sum endamál at kunna Løgtingið um árliga virksemi Føroya á uttanríkispolitiska økinum, umframt at boða frá áleikandi átøkum í framtíðini. Skattalætti og tillaging av mvg til bústaðarpolitikkin Bárður Nielsen, Fíggjarmálaráðið • Uppskot til løgtingslóg um Landsbanka Føroya Ætlanin er at leggja uppskot um nýggja lóg um Landsbanka Føroya fyri Løgtingið. • Uppskot til løgtingslóg um Hagstovu Føroya Ætlanin er at leggja uppskot um nýggja lóg um Hagstovu Føroya fyri Løgtingið. • Uppskot til løgtingslóg um at broyta løgtingslóg um landsskatt og kommunuskatt (Skattalógin) Ætlanin er at fremja ymiskar tillagingar og broytingar í skattalógini. • Uppskot til løgtingslóg um at broyta løgtingslóg um áseting av skatti (Ásetingarlógin) Ætlanin er at halda fram við at veita skattalætta, soleiðis sum semjan millum samgonguflokkarnar sigur. Ymiskar tillagingar verða eisini gjørdar í lógunum. • Uppskot til løgtingslóg um at broyta løgtingslóg um meirvirðisgjald og løgtingslóg um framleiðslu og innflutning Ætlanin er at gera tillagingar í punktgjøldunum og í meirvirðisgjaldslógini. Ætlanin er eisini at tillaga mvg-lógina til bústaðarpolitikkin hjá samgonguni. Fyri at styrkja eftirlitið við vørum og tænastum er ætlanin at gera tillagingar í tolllógini. • Hjálpisáttmálar Ætlanin er, at Føroyar skulu gerast partur av OECD-hjálparavtaluni í sambandi við skattamál. • Uppskot til lóg um skrásetingargjald á motorakførum Ætlanin er at broyta skrásetingargjaldið til eitt umhvørvisgjald. • Uppskot til løgtingslóg um at broyta løgtingslóg um ferðagjald Ætlanin er at gera tillagingar í lógini. • Uppskot til ríkislógartilmæli um at gera dagføringar í »anordning nr. 86 af 10. februar 2006 om ikrafttræden for Færøerne af lov om finansiel virksomhed« Ætlanin er at dagføra lóggávuna. • Uppskot til ríkislógartilmæli um at gera dagføringar í anordning nr. 87 af 10. februar 2006 om ikrafttræden for Færøerne af lov om værdipapirhandel m.v. Ætlanin er at dagføra lóggávuna, soleiðis at hon er í samsvar við donsku lóggávuna. Nýggja lóg um vinnuligan fiskiskap og endurskoða brunatrygdina Bjørn Kalsø, Fiskimálaráðið • Uppskot til løgtingslóg um áseting av fiskidøgum Endamálið er at taka partin um áseting av fiskidøgum úr lógini um vinnuligan fiskiskap og seta hann í serstaka løgtingslóg, sum síðan kann verða tillagað á hvørjum ári. Á henda hátt slepst undan at leggja uppskot um at broyta løgtingslóg um vinnuligan fiskiskap fyri tingið á hvørjum ári. • Uppskot til løgtingslóg um vinnuligan fiskiskap Endamálið er at leggja fram nýtt og endurskoðað uppskot til løgtingslóg um vinnuligan fiskiskap. • Uppskot til løgtingslóg um fiskileiðir og friðingar o.a. Endamálið er at taka partarnar um áseting av fiskileiðum og friðingum úr lógini um vinnuligan fiskiskap og seta teir í serstaka løgtingslóg, tí hesir partar venda sær ikki beinleiðis til vinnuna, men eru at meta sum ytri karmar. Reglurnar verða samstundis endurskoðaðar. • Uppskot til løgtingslóg um fiskiskap í áum, vøtnum, ósum og løkum Endamálið er at fáa betri hóskandi reglur á økinum. Verandi lóg um vinnuligan fiskiskap heimilar landsstýrismanninum í fiskivinnumálum at gera reglur fyri fiskiskapi eftir laksi og sílum, hóast talan er ikki um vinnuligan fiskiskap. • Uppskot til løgtingslóg um at broyta løgtingslóg um brunatrygd Endamálið er at endurskoða og dagføra reglurnar um brunatrygd, m.a. í sambandi við at fáa ment tilbúgvingina í Føroyum. Einskiljing av Føroya tele og trygging mótvegis avleiðingum av arbeiðsskaða Bjarni Djurholm, Vinnumálaráðið • Uppskot til løgtingslóg um talgildar undirskriftir Lógaruppskotið hevur sum endamál at fremja trygga nýtslu av talgildum undirskriftum. • Uppskot til løgtingslóg um heimild at einskilja P/F Føroya tele Lógaruppskotið hevur sum endamál at heimila landsstýrismanninum at selja partar av Føroya tele ella alt felagið. • Uppskot til løgtingslóg um kapping Lógaruppskotið hevur sum endamál at skapa karmar fyri einari virknari kapping og einum virknum eftirliti. • Uppskot til ríkislógartilmælir um ársroknskap, partafeløg, smápartafeløg og vinnurekandi grunnar Ríkislógartilmælini hava til endamáls at dagføra og tillaga galdandi lógir til altjóða reglur. • Uppskot til løgtingslóg um trygging móti avleiðingum av arbeiðsskaða Ætlanin við lógaruppskotinum er at dagføra og tillaga reglurnar á økinum, so at tær eru í samsvari við lóggávuna í øðrum Norðurlondum.