hósdagur 3. august 2006síða 7

Nr. 147 - 3. august 2006  tíðindi Yvirtøka av kirkjuni og aðalorðaskifti um skúlan Jógvan á Lakjuni, Mentamálaráðið • Uppskot til løgtingslóg um at seta úr gildi løgtingslóg um skúlafyrisiting Við teimum lógum, sum lýstar eru síðan yvirtøkuna av skúlaverkinum, er innihaldið í lógini stigvíst avtikið, og tí verður lógin sett úr gildi. • Uppskot til løgtingslóg um filmseftirlit Endamálið er at umskipa Filmseftirlitið til ein eftirlits-, ráðgevingar- og kunningarstovn. • Uppskot til løgtingslóg um stuðul til ítróttaranlegg Endamálið er at skipa studningin til ítróttaranlegg við lóg. • Uppskot til verklagslóg um at víðka útvarpshúsið til kringvarpshús Endamálið er at savna virksemi Kringvarpsins undir einari lon. • Uppskot til løgtingslóg um limaskap í kirkjuni og at loysa sóknarband Lógaruppskotið er um, hvussu ein verður tikin upp sum limur í fólkakirkjuni og hoyrir til kirkjusókn, um hvussu ein loysir sóknarband til prest í aðrari kirkjusókn, og hvussu limaskapur endar. • Uppskot til løgtingslóg um at brúka kirkjur, kirkjuráð og próstadømisráð Lógaruppskotið er um reglur fyri, hvussu kirkjur kunnu verða nýttar, og hvør hevur ræði á teimum, og um hvussu kirkjuráð og próstadømisráð skipa seg og virka. • Uppskot til løgtingslóg um kirkjulig val Lógaruppskotið er um, hvussu kirkjuráð og próstadømisráð verða vald. • Uppskot til løgtingslóg um hægstu stjórn kirkjunnar Lógaruppskotið er yvirskipað um, hvussu viðurskiftini eru millum kirkjumyndugleikarnar, og um, hvussu hægstu embætini í kirkjuni verða mannað. • Uppskot til løgtingslóg um kirkjubygningar Lógaruppskotið er um, hvussu kirkjubygningar verða umsitnir og vardir, og hvussu farið verður fram, verður kirkja bygd ella avtikin. • Uppskot til løgtingslóg um fíggjarviðurskifti kirkjunnar Lógaruppskotið er um, hvussu kirkjan verður fíggjað: hvussu kirkjuskattur verður ásettur og líknaður, meginreglur fyri stuðulin úr landskassanum, og hvussu tikið verður móti gávum. Harafturat snýr uppskotið seg um, hvussu kirkjuráð, próstadømisráð og stiftsstjórn sita fyri ognum og rakstri kirkjunnar. • Uppskot til løgtingslóg um størv í kirkjuni Lógaruppskotið er um, hvussu prestur verður kallaður og settur, hvørji størv kirkjuráðið annars kann seta, og hvussu kirkjuráðið kann samsýna teimum, sum ikki eru í starvi, men røkja størri uppgávur í kirkjuni. • Uppskot til løgtingslóg um útbúgvingarstuðulsskipan Endamálið er m.a. at gera eina barnsburðarfarloyvisskipan og at betra um korini hjá forsyrgjarum. • Aðalorðaskifti um fólkaskúlan Endamálið við orðaskiftinum er at fáa at vita, hvørjar hugsanir tingmenn hava um, hvussu skúli okkara skal verða skipaður í framtíðini. PISA-undankanningin og tilráðingarnar frá einum PISA-átaksbólki verða partar av hesum orðaskifti. Aðalorðaskifti um heilsuverkið og minking av tubbaksnýtsluni Hans P. Strøm, Almanna- og heilsumálaráðið • Uppskot til løgtingslóg um at broyta løgtingslóg um kommunulæknaskipan Ætlanin er at nútímansgera starvssetanina av kommunu­læknum við at leggja hana beinleiðis undir setanarmyndugleikan, sum er landsstýrismaðurin í almanna- og heilsumálum. Í hesum sambandi missir Ráðið fyri kommunulæknaskipanina einastu eftir­ verandi formellu uppgávu sína. Landsstýrismaðurin heldur, at neyðugt er ikki við slíkum ráði til at tryggja samskiftið við feløgini, ið har eru umboðað, t.e. Kommunu­ læknafelag Føroya, Meginfelag sjúkrakassa Føroya og bæði kommunufeløgini. Landsstýrismaðurin hevur tí ætlan um at fáa undirtøku fyri at taka av Ráðið fyri kommunulæknaskipanina. • Uppskot til løgtingslóg um at broyta løgtingslóg um kærunevnd í almannamálum Sum er, viðger kærunevndin í almannamálum allar kærur um upptøku til eldra­ bústovnar í Sandoynni. Almanna- og heilsumálaráðið er kærumyndugleiki í málum, sum viðvíkja restini av landinum. Landsstýrismaðurin ætlar tí at fáa undirtøku fyri at leggja øll slík kærumál til kærunevndina í almannamálum. • Uppskot til løgtingslóg um at broyta løgtingslóg um áseting og javning av almannaveitingum Inntøkuloftið hjá hægstu og lægstu fyritíðarpensjónistum er í dag hitt sama. Hetta vil landsstýrismaðurin broyta, so at inntøkuloftið frá 1. januar 2007 hækkar hjá lægstu fyritíðarpensjónistum og lækkar hjá hægstu fyritíðarpenjónistum. Hvussu nógv er enn ikki avgjørt. • Uppskot til broyting í løgtingslóg um almannapensjónir Ætlanin er at betra um tilskundanina at arbeiða við at lækka mótrokningina í fyritíðarpensjónini av aðrari inntøku úr 60% niður í 30%. • Uppskot løgtingslóg um at broyta løgtingslóg um dagstovnar og dagrøkt Broytingin í dagstovnalógini skal heimila landsstýrismanninum at áseta gjaldsreglur á dagstovnaøkinum. Heimild var í barnaforsorgarlógini, sum fór út gildi 1. januar 2006, men henda heimild er ikki í dagstovnalógini. • Uppskot til løgtingslóg um at broyta løgtingslóg um almenna forsorg Ætlanin er at gera nakrar broytingar í forsorgarlógini. Ein broyting er, at brúkari av stuðulsskipanini fyri vaksin kann varðveita persónliga stuðulin, hóast hann er vorðin 67 ár. Treytin er, at brúkarin fær gagn av stuðlinum, at hann við øðrum orðum framvegis kann liva eitt virkið lív. Onnur broyting er at fáa greiðari ásetingar um, hvat hjálparráð fevnir um. Eitt nú hevur Kærunevndin í almanna- og heilsumálum víst á, at siðvenjan at játta bústaðarbroytingar ikki hevur greiða lógarheimild, og umráðandi er at fáa slíka heimild. Ein triðja broyting skal áseta rættin til bútilboð við lóg. Við uppskotinum verður m.a. ábyrgdin fyri bútilboðum til heimleys løgd til kommunurnar. • Uppskot til løgtingslóg um at broyta løgtingslóg um tiltøk at minka um tubbaksnýtsluna (tubbakslógin) Endamálið við hesi lóg er at tryggja øllum rættin til at liva og virka í roykfríum umhvørvi. Hetta verður gjørt við støðugt at víðka um økið, har ikki er loyvt at roykja. Í lógaruppskotinum verður serliga hugsað um børnini og tey ungu, og dentur verður lagdur á at forða fyri, at tey fara at roykja. • Aðalorðaskifti um framtíðar heilsuverk Nýggja vallóg og sjálvbodnar kommunusamanleggingar Jacob Vestergaard, Innlendismálaráðið • Uppskot til løgtingslóg um fólkayvirlit Í sambandi við at nýggjur norðurlendskur sáttmáli um fólkaskráseting kemur í gildi í heyst, er neyðugt at dagføra lógina um fólkayvirlit, bæði fyri at tryggja, at upplýsingarnar í skipanini eru rættar, og fyri at nýmótans tøkni skal kunna nýtast at skráseta og veita upplýsingar úr skránni hjá fólkayvirlitinum. Lógin kemur í staðin fyri løgtingslógina um fólkayvirlit frá 1982. • Uppskot til løgtingslóg um at broyta løgtingslóg um fólkanøvn Endamálið er at tillaga ásetingarnar í lógini um at kalla upp í ættini. Harnæst skal ásetast, nær tilknýti til eitt bústaðar- ella húsanavn er so tætt, at ein kann fáa loyvi til navnið. • Uppskot til løgtingslóg um at broyta løgtingslóg um val til Føroya løgting Endamálið við uppskotinum er at broyta útrokningarháttin, tá ið løgtingsval verða uppgjørd. • Uppskot til løgtingslóg um at broyta løgtingslóg um sjálvbodnar kommunusamanleggingar Endamálið við uppskotinum er at áseta kommunueindir, ið kunnu samstarva ella leggja saman, og at heimila fólkaatkvøðum um samanleggingar. • Uppskot til løgtingslóg um at broyta løgtingslóg um einnýtisíløt Endamálið við uppskotinum er at taka av forboðið um at flyta inn til Føroya einnýtisíløt og at staðfesta reglur um innsavningarskipan. • Uppskot til ríkislógartilmæli um at broyta »Lov om pas til danske statsborgere m.v.« Endamálið við broytingini er at minka um passgjaldið hjá børnum, av tí at børn ikki longur kunnu verða innskrivað í passið hjá foreldrunum, men skulu hava egið pass. • Uppskot til ríkislógartilmæli um »Lov om voldgift« Endamálið við uppskotinum er at dagføra galdandi »lov om voldgift,« sum varð sett í gildi í Føroyum við kongligari fyriskipan í 1975. • Uppskot til ríkislógartilmæli um »Lov om forældremyndighed og samvær« Endamálið er at seta donsku lógina um foreldramyndugleika og samveru í gildi í Føroyum við kongligari fyriskipan. • Uppskot til ríkislógartilmæli um »Værgemålsloven« Endamálið er at seta donsku »værgemålsloven« í gildi í Føroyum við kongligari fyriskipan.