hósdagur 3. august 2006síða 15

Nr. 147 - 3. august 2006 15 tíðindi Sjáldan hava so nógv fólk savnast í gjónni í Elduvík, sum tað vóru mikukvøld­ ið, tá hjúnini Brattaberg, Susanne og Rúni, sungu har. Eini 300 mundu tey vera, sum vóru komin at lýða á sang og var gjógvin millum klokkan sjey og átta í gjárkvøldið stúgv­ andi full av fólki og sangi. Løtan byrjaði við felags­ sangi, og fleiri hundrað raddir tóku væl undir við »Nú nemur náttin við smær­ ur«. Síðani tóku tey bæði Rúni og Susanne yvir, og við fylgispæli frá Crist­op­ her Arpin sungu tey fýra verk hvør. Talan var um verk eftir Jules Massenet, Mozart, Georges Bizet, Richard Wagner, Giuseppe Verdi og Otto Nicolai. Blandingin av djúpum og høgum tónum skaptu saman við gjónni og teim mongu áhoyrarunum eina minniliga og søguliga løtu, tí neyvan hava so mong fólk verið savnað í gjónni í Elduvík. Síðani sluppu áhoyrar­ arnir aftur at syngja, og hesaferð var tað »Einki er sum summarkvøld við strendur«, sum var felags­ sangurin. Tiltakið vardi ein tíma og endaði við, at øll fingu sær súpan , og meðan sopið varð, minkaði manna­ múgvan í gjónni spaku­ liga. Gjógvin í Elduvík var full av sangi og fólkum mikukvøldið. Hjúnini Brattaberg sungu og hugtóku á forkunnugari konsert, har 300 fólk vóru komin at lýða á KONSERT Rólant Waag Dam rolant@sosialurin.fo Sjáldsamur og søguligur sangur 300 fólk vóru í gjónni í Elduvík í lýddu á meðan Rúni og Susanne Brattaberg sungu Hepni Sudoko vinnarin funnin Á middegi í dag hevur Sosialurin funnið ein hep­ nan Sudoku vinnara. Vinn­ arin varð Hanna Joensen úr Signabø. Hon hevur ognað sær heili fýra at­ gongumerki til Summar­ festivalin – tvey til vaksin og tvey til børn. Somuleið­ is fær Hanna eitt gávukort á 1000 krónur. Summar­ festivalurin byrjar sum flestum kunnugt í dag, so tað er bara at skunda sær eftir atgongumerkjunum. Birita Christiansen fann hepna Sudoko vinnaran í rúgvuni.