fríggjadagur 4. august 2006síða 7

Nr. 148 - 4. august 2006 7 tíðindi Faroe Petroleum heldur fram við at keypa seg inn í olju- og gassloyvi í Norðsjónum og hevur júst keypt seg inn í fýra loyvi á bretskum og hálendskum øki. Felagið hevur nú 21 loyvi, og eru staðfest olja ella gas á 5 av loyvunum. Felagið er við í boringini á landgrunninum og fer í 2008 at bora leitibrunn sam­an við ENI á land­ grunninum. Olja Jan Müller jan@sosialurin.fo Faroe Petroleum heldur fram við at víðka um sítt virksemi. Nils Sørensen, stjóri í felagnum sigur við Portalin í morgun, at felagið hevur frá ConocoPhilips keypt (5,89%) í 4 loyvum, sum øll liggja í syðra parti av Norðsjónum. 2 av loyvunum eru á bretskum øki og 2 eru á hálendskum øki. Trý av hesum loyvum eru gasfund: Minke Main, sum væntandi framleiðir frá apríl 2007, Minke Graben og Orca har avgerð um fram­leiðslu verður tikin seinni í 2007. Tað 4. loyvið er eitt leiti­ loyvi í hálendskum øki, har Faroe Petroleum hevur 2.5%. Hini oljufeløgini í loyv­ inum eru: E.ON Ruhrgas, RWE Dea, Gaz de France og Wintershall. Góðtaka mynduleikarnir útbyggingarætlanina verður nettoparturin hjá Faroe Petroleum frá Minke Main 2.45 milliardir kubikføtur av gassi. Kostnaðurin av útbyggingini verður mett­ ur til umleið kr. 500 mill., og parturin hjá Faroe Petroleum av hesum er mett­ ur til umleið kr. 30 mill. sigur Nils Sørensen, stjóri í Faroe Petroleum. 6. juni í ár keypti felagið eisini 10% í gass­ fundinum Breagh frá Ster­ ling Resources (UK), sum eisini liggur í syðra parti av Norðsjónum. Ein ætl­ an um at bora ein av­mark­ ingarbrunn á loyvinum verð­ ur viðgjørd av pørtunum. Við hesum keypum hevur Faroe Petroleum nú 21 loyvi, og eru staðfest olja ella gas á 5 av loyvunum. Faroe Peroleum hevur einini latið umsóknir inn til 24. bretsku rundu, og arbeiðir nú við 2006 út­bjóðingarrunduni í Noregi upp­lýsir Nils Sørensen. Atlantic Petroleum hevur keypt part í fýra loyvum í Norðsjónum Faroe Petroleum keypir gassfund Oyndarfjørður: Leygar­ dag­in 12. august verður summ­arhugni í Oyndarfirði. Til­takið er bæði fyri børn og vaksin. Á skránni verður millum annað undirhald, grill, fe­lags­sangur, hugleiðing og dansur. Byrjað verður kl. 17. og hildið verður áfram út á náttina. Hetta er fyrstu ferð at eitt tílíkt tiltak verður hildið í bygdini. Tað er nevndin fyri ítróttarfelagið í bygdini, sum hevur tikið stig til tiltakið. Ætlanin er at summ­ar­ tiltakið skal verða aftur­vend­ andi, og bygdarfólkið vónar tí, at nógv fólk kemur á vitjan í Oyndarfirði hendan dagin. sb. Vágur: Leygarkvøldið fáa vágbingar og suðringar eitt forvitnisligt høvi at sleppa til operakonsert undir opn­ um himli. Hetta hendir tá Susanne og Rúni Brattaberg enn eina­ferð fara á “pall” leyg­ arkvøldið kl. 19 í Kleivini á Vágseiði, saman við ameri­kanska pianistinum Christopher Arpen. Miku­ kvøldið høvdu tey nevniliga konsert í gjónni í Elduvík. Rúni byrjaði sína sang­ karrieru í kirkju­kórinum Ljómi fyri eini 20 árum síðani. Hann hevur áður sagt, at lærutíðin í kórinum var høgt í metum, og var eitt gott grundarlag fyri tí, sum hann nú fæst við. Á skránni á konsertini eru tónlistarligar perlur frá kendu operaverðini. Ágóð­in av konsertini fer til nýggja Ljómhúsið, sum kirkjukórið Ljómur keypti fyrr í summar. Endamálið við hesum húsinum er at verða savn­ingar­stað til fe­lags­­til­tøk, um­framt at lista­ fólk sum vitja Suðuroynna kunnu gista her. Atgongumerki til kon­ sertina kosta 100 kr., írokn­ að ábit og kaffi. Skuldi tað ikki viðrað, verður kon­ sertin í kirkjuni í Vági. sb. Summarhugni í bygdini Operakonsert í heimbýnum Djúpa røddin hjá Rúna Brattaberg verður nú at hoyra á Vágseiði