fríggjadagur 4. august 2006síða 18

18 Nr. 148 - 4. august 2006 tíðindi The Story Ends var fyrsti bólkur at fara á pallin í Virkishúsinum í Klaksvík í gjárkvøldið og hetta var eina framførsla ið eg trúgvi eg, bæði bólkur og áskoð­ arar kundu eins væl verið fyri uttan. Bólkurin skuldi eftir skránni byrja kl. 18, men klokkan var nærri 19, tá The Story Ends komu til Klaksvíkar. Fólk var komið og farið og nýtt var komið til. Hvør eigur feilin, veit eg ikki, men avtalan var eftir øllum at døma, at bólkurin skuldi byrja kl. 19, meðan skráin fyri Summarfestivalin segði 18. Hetta er óheppið og irri­ terandi. Tá klokkan var nakrar minuttir yvir sjey, byrjaði bólkurin endiliga at spæla. Men ljóðið var and­skræ­mi­ ligt. Tey ljóðkønu stríddust eitt hart stríð, men klokkan nærkaðist 19.30, áðrenn ljóðið gjørdist nøkulund­að. Tá hevði bólkurin mist pippið, og tyktist mest sum uppgevandi. Hetta klæddi illa teirra eitt sindur fan­ denivoldska tónleiki. Tað var ikki fyrr enn í allar síðsta lagnum, at eitt sindur av gleðini kom aftur. Bólkurin byrjaði at jamma og fjasa eitt sindur, og tyktist at hava tað stuttligt, men hetta var tíanverri stuttligari hjá teimum enn áskoðarunum. Samanumtikið kann kon­ sertin ikki ummælast, ljóð­ ið var stutt sagt ov ringt. Bólkurin kann tó í ávísan mun lastast fyri ljóðið, teir hava spælt í hølunum áður, og áttu at verið komnir í betri tíð um tað var neyðugt. Her skein manglandi rut­ inan ígjøgnum, og vísti hvussu ungur og óroyndur hesin bólkur í veruleika­ num er, hóast umstøðurnar vóru tær somu hjá hinum bólkunum, ið spældu í somu hølum, so hevði hvørki Isadora ella Budam nakrar trupulleikar. Her er annars talan um ein tann mest lovandi unga bólkin í Føroyum. Við miðvísari venjing og arbeiði við tón­ leikinum, kann The Story Ends við tíðini gerast ein sera góður bólkur. The Story Ends mistu pippið, tá stórir trupulleikar við ljóðinum oyðiløgdu konsertina í Virkishúsinum Summarfestivalurin Niels Uni Dam nielsuni@sosialurin.fo Eftir eina heldur treka byrjan á upphitingina til Summarfestivalin við The Story Ends, blásti Isadora and The Rebels Virkishúsið í Klaksvík um koll. Eg mangli lýsingarorð at lýsa framførsluna, sum stutt sagt var frálík. Eg havi ongantíð uppliva Isadoru og rebellarnar áður, og hóast eg bert havi hoyrt jalig viðmælir, so varð eg fullkomiliga tikin av bóli. Isadora and the Rebels er ein framúr­skar­ andi bólkur. At songkvinn­ an Guðrið Hansen er frálík visti eg væl, men í hesum bólkinum er hon veruliga í essinum. Talan er um teirra heilt egna sera gjøgn­um­ førda tónleikabland, sum vevur m.a. spæli­mans­tón­ leik, vísusang, 70’ára tung málm, 90’ára rokk, indi rokk og alt møguligt ann­að saman í ein dýra­bæran vavstur. Eg haldi á onkran hátt, at hetta er líka føroyskt sum Týr og líka altjóða sum Portishead. Eg havi ikki hoyrt tílíkan tónleik áður, men hann er berg­ takandi. Ljóðumstøðurnar eru ikki verðins best í Virkis­húsinum, men Isa­ dora and the Rebels megn­ aði at spæla uppum um­ støðurnar, og við eini sera dedikeraðari framførslu lev­eraðu tey vøruna 200%. Tað var serliga stuttligt at síggja hvussu Guðrið er á pallinum, hon er mið­dep­ ilin í bólkinum, og stýrir honum við eini sterkari hond, hon er ikki bangin fyri at taka ábyrgd av framførsluni. Hetta kom t. d. til sjóndar, tá trupulleikar vóru við gittaranum hjá gittarleikaranum Bartali. Í staðin fyri langan og keði­ ligan steðg, skar Guðrið ígjøgnum og spældi saman við restini av bólkinum pausutónleik, hetta hóast onkur tónleikari tyktist at hava hug til at muta ímóti. Hetta vísti innlit í tað, at ein framførsla leggur ábyrgd á herðarnar hjá teimum í standa á pallinum, at undirhalda tey, ið lurta, eitt innlit sum forbiðið nógv føroysk listafólk ikki hava. Tað er eisini heilt ótrúliga lekkurt at hoyra blokk­ floytu í rokktónleiki, takk fyri tað Guðrið. Isadora and The Rebels spældi ein frá­ líka konsert í Virkis­ húsinum, bólkurin er líka føroyskur sum Týr og líka altjóða sum Portishead. Summarfestivalurin Niels Uni Dam nielsuni@sosialurin.fo Tað gongur betur enn nakr­antíð við at selja at­ gongumerki til Summar Festivalin, sum verður í Klaksvík um vikuskiftið. Eini 8.000 fólk hava nú tryggjað sær atgongu­ merki til festivalin, og fyriskipararnir boða nú frá, at bert 1.000 atgongu­ merk verða seld afturat í forsølu. Fyrireikararnir siga, at tað er umráðandi, at øll fólkini, sum koma á festi­ valin, fáa eitt gott upp­liv­ ilsi, og tí verða ikki seld meira enn 9.000 atgongu­ merki til festivalin í ár. So tey, sum vilja sleppa inn at hoyra bólkar sum The Rasmus, Shu-Bi-Dua, Johnny DeLuxe, David Phelps og allar hinar, skulu bera skjótt at fyri at fyri at tryggja sær at­ gongumerki. -mørk Trek byrjan The Story Ends sangarin bað áskoðararnar um umbering fyri ringu konsertina mynd: nud Isadora blásti alt um koll Selja fløgur til eingin vil keypa tær 1.000 atgongu­ merki eftir til Summar Festivalin Sólarn Solmunde dagligur leiðari í Leika­ lund hevur longt upplatingartíðina í fløgu­ handlinum, og er til reiðar at leingja hana uppaftur meira um tørvur verður á tí. Fløguhandilin í Klaksvík, Leikalund hevur spent seg út til allar festivalarnar í summar, og nú Summar­ festivalurin er har í bý­ num, hevur handilin opið til kl. 23 bæði kvøldini, sigur Sólarn Solmunde dagligur leiðari, men sigur samstundis, at hetta veg­ leiðandi afturlatingartíð, og at um fólk eru í handli­ num, ið ætla sær at keypa, tá klokkan er farin av 23, so verður upplatingartíðin longd. Leikalund hevði ein bás á G!Festivalinum, men hevur ikki bás á Summar­ festivalinum. Sólarn sigur orsøkina til hetta vera einfalda, í Klaksvík kenna øll handilin, meðan støðan er ein onnur í Eysturoynni. Við at luttaka á G! fekk handilin víst andlit og so­ leiðis marknaðarført seg fyri einum nýggjum mál­ bólki. Hann letur eisini sera væl at søluni á G! og sigur, at Leikalund seldi hasar 3 dagarnar líka nógvar fløgur, sum tey vanliga selja ein heilan mánað. Fleiri fløgur vóru útseldar t.d. Animal Alpha og Kaizers Orchestra. Festivalnøvnini hava selt væl í Leikalund sum­ mar, men seinastu dagar­ nar eru tað serliga fløgur­ nar hjá The Rasmus, Johnny Deluxe og David Phelps sum hava gingið sum heitt breyð. Tónleikur Niels Uni Dam nielsuni@sosialurin.fo Sólarn Solmunde er dagligur leiðari í Leikalund mynd: nud Isadora hevur tikið blokkfloytuna inn í rokktónleikin mynd: nud