mánadagur 7. august 2006síða 19

Konsertin hjá Saruh Brendel var ikki millum størstu upplivingarnar á Summar­festi­val­inum, men týska song­ kvinnan var sera sjar­mer­ andi. Niels Uni Dam nielsuni@sosialurin.fo Tað var týska Sarah Brendel, ið fekk heið­urin at lata stóra pallin á Summ­ar­­festi­ valinum upp. Ein stór uppgáva. Konsertin gjørdist ongantíð meira enn miðal hampað, og eg siti eftir við tankanum, kanska er Sarah Brendel bara ikki betur enn tað sama. Løgini sum Sarah framførdi við bólki sínum kunnu, um man ynskir at vera heilt fýrkantaður býtast í tveir bólkar, eitt sindur bygdaslig­ ur amerikanskur rokkur og eitt slag av friðarligum ballad­ um. Balladurnar vóru hvørki sterka síðan hjá bólkinum ella hjá Saruh, og vóru hesar dekan ov nógvar í tali, tað var bara ikki feitt. Bólkurin megnaði ongantíð at kína ljóðførunum nóg yndisliga til at hetta riggaði, meðan Sarah onkursvegna ikki megnaði at syngja hetta nóg yndisligt. Hin vegin vóru rokk­­løg­ini munandi meira sjarmerandi, klæddu rætti­liga væl fitt­ligu Saruh, ið sjálv var sera sjar­mer­andi. Hesi løg vóru bygd­aslig uppá tann góða mátan. Bólkurin hjá Saruh er rætti­ liga nýggjur, og teir spældu ikki heilt best, har var dekan ov óruddiligt í ljóðmyndini í støð­um. Ljóðið var sum heild rættiliga ringt á kon­sert­ ini, Sarah hevði ikki egnan ljóðmann við, og føroyski ljóð­mað­urin megnaði ikki uppgávuna at fáa risa stóra anleggið at ljóða so væl sum tað átti. 5 Høvuðsnavnið á Summ­ arfesti­val­in­um fríggja­ kvøld­ið, finski The Rasmus, spældi eina fína konsert, ið veruliga fekk økið frammanfyri pallin á kók. Niels Uni Dam nielsuni@sosialurin.fo Finski rokkbólkurin The Rasmus kom rættiliga væl frá framførsluni fríggjakvøldið á Vágs—bøi. Alla konsertina hevði The Rasmus væl fatur á fremstu áskoðarunum, men av tí at annleggið als ikki maktaði stóra økið, og ljóðið tí var ov spakuligt frá, rokkaði allur Vágsbøur ongantíð veruliga, fyrr enn hittið In the Shadows fekk lív í øll. Ljóðið var annars rættiliga gott hjá bólkinum. Her er talan um ein væl samanspældan og toppproduseraðan bólk, ið longu hevur spælt eina langa konsertferð, og við egnum dugnaligum ljóðmanni ljóðaði alt flott, men tað gjørdist ongantíð veruliga fantastiskt. Tónleikurin er melidiøsur rokkur, rættiliga poppkent tó við greiðum ávísingum til 80’ára rokkin, har serliga gittarspæli var dekan ov 80’ára kent. Hæddarpunktini vóru hittini Sail Away, No Fear og In The Shadows, meðan eisini løg sum Bullets og Keep Your Heart Broken, eisini riggaðu serliga væl. The Rasmus spældi væl, og hóast sangar­in ikki telist mill­um heimsins bestu, so hevði hann jaliga út­­strál­ ing, og fekk gott lív í fólk. Haldi tó, at sang­skriv­ ing­in var eitt sindur ivasom í støðum. Nógv av løgunum tyktust stutt sagt ikki nóg sterk, tó vóru nógv undantøk. Føroyska veðrið er ringt fyri umdømið Føroyska veðrið ávirkaði Summarfestivalin, men mjørkin í Vágum órógvaði eisini á annan hátt. The Rasmus skuldi leygardagin spæla á Ankkarock festivalin í Vantaa í Finnlandi, men bólkurin slapp ikki úr Føroyum fyrr enn út móti sunnumorgni. Tí var konsertin leygarkvøldið fyrst avlýst og síðan flutt til sunnudag seinnapart. Á heimasíðuni hjá Ankkarock fekk umtalan av føroyska mjørkanum nógv pláss, og hevur tí uttan iva vakt ans millum nógvu gestirnir, fjølmiðlarnir og hinar bólkarnir, ið luttóku á festivalinum. Heldur ikki Maggie Reilly, FR David og Sar­ ah Brendel sluppu úr Føroyum til tíðina. Tað er ikki óhugsandi, at tað er óheppið fyri umdømið hjá Føroyum sum festivalland, at so nógv fólk verða noydd at bíða eaftir floglíkindum. Hetta er triði stóri festivalurin, sum verður raktur av trup­ ulleikum við flogviðurskiftunum í summar, og við heimsnøvnum, ið vitja Føroyar mitt á eini konsertferð, kunnu flogviðurskiftini í framtíðini gerast avgerandi, um bólkurin vil okkara fjarskotnu klettar. nud The Rasmus kavaði á Viðareiði Tá útlendskir tónleikagestir vitja her á klettunum í sambandi við festivalar verð­ur ofta gjørt nógv burturúr, fyri at teir kenna seg væl, og fyri hædd verður tikin fyri teirra serstøku ynski. Finski bólkur­in The Rasmus, hevði eitt serstakt ynski á ferð síni í Føroyum, og tað var at sleppa at kava í føroyskum sjógvi. Fríggjadagin skipaðu fyrireikararnir av Summarfestivalinum saman við Faroe Dive fyri kaving norðuri á Viðareiði niðanfyri kirkjuna. Kavingin gekk væl, og tónleikararnir vóru væl nøgdir við kavingina. Hóast hetta var fyrstu ferð at lim­irnir í The Rasmus kavaðu so norðalaga og í køldum sjógvi vóru kavaraleiðarnir hug­tiknir av, hvussu væl kavararnir kláraðu seg. nud Sjarmerandi Sarah legði fyri Fremsti partur av ásko›arunum á Vágsbøi kóka›i, tá The Rasmus spældi Mynd: Álvur Haraldsen Sarah Brendel gjørdist ongantí› betur enn mi›alhampa Mynd: Álvur Haraldsen The Rasmus kava›i saman vi› kavarum frá Faroe Dive Mynd:Faroe Dive