hósdagur 10. august 2006síða 4

4 Nr. 152 - 10. august 2006 tíðindi Tað verður Hildur Eyðunsdóttir, býráðs­ limur í Tórshavnar kommunu, sum fer at seta ovastevnuna, og leygarkvøldið spæla bæði Hjarnar og Dansiorkestrið til dans í Nólsoy Ovastevna Vilmund Jacobsen vilmund@sosialurin.fo At ovastevna er komin fyri at vera, er eingin ivi vera um. Hóast stevnan liggur seint á summarinum, savnar hon á hvørjum ári ein hóp av fólki. Undanfarin ár hava strand­faraskipini siglt um Nólsoyarfjørð við útvið 3000 fólkum eitt slíkt viku­ skifti. Aftrat hesum kemur vanliga ein rúgva av fólki út um fjørðin í bátum, bæði regattabátum og øðr­ um bátum, sum stevna út um fjørðin úr ymiskum heraðshornum. Ove Joensen Hóast stevnan longu hevur fleiri ár á baki, kenna øll tilkomin upprunan til hesa stevnu. Navnið hevur hon eftir Ova Joensen, sála, sum í 1986 framdi ta bragd at rógva úr Nólsoy heilt niður til Keypmannahavnar. Hetta tók honum meira enn 40 dagar og nætur, og mangan mundi leikað hart á hjá honum á troystarleysu ferðini. Móttøkan var stórfingin, tá ið Ove Joensen útlúgvaður umsíðir legði at við Lítlu Havfrúnna á Longu Linju í Keypmannahavn. Við før­ oyska flagginum í húnar­ hátt, tók hann um hálsin á havfrúnni og kysti hana, meðan stór mannfjøld fagn­ aði honum. Ove royndi tríggjar ferðir at fremja hesa ætlan sína í verki og treiskur, sum hann var, eydnaðist honum triðju ferð at vinna upp land. Tær báðar fyrru ferðirnar endaði ferðin í Hetlandi. Doyði í logn Í bók síni, Aftur og Fram, skrivaði Finnbogi Ísakson, sáli, í yvirskrift síni um Ova: ”Livdi í ódn, doyði í logn”. Meira einfalt og beinrak­ ið kann lívið hjá Ova, sum árið eftir bragdið druknaði í báti sínum á Skálafjørðinum eitt góðveðurskvøld, neyvan lýsast. Sum ungur, sigldi Ove við donskum skúlaskipi, og lítið man vera at ivast í, at tað var í hesi sigling, at hann lærdi góðan sjómansskap, sum eisini var fyritreytin fyri tí bragdi, hann seinni útinti í Dianu Victoriu mill­ um lond. Ove var ein blíður og vinarligur maður, og hann var hin sami við øll – lágan sum høgan. Tað er stuðulsnevndin fyri svimjihyli í Nólsoy, sum er samskipari av ovastevnu, og endamálið hjá nevndini er at byggja ein svimjihyl í Nólsoy, sum eisini var ynski hjá Ova Joensen. Enn er arbeiði at byggja svimjihyl eystanfyri skúlan komið stutt áleiðis, men málið er framvegis at fremja hesa ætlan í verki. Fjølbroytt skrá Skráin fyri ovastevnuna, sum verður um vikuskifti, er rættiliga fjølbroytt og áhuga­verd. Tað verður Hildur Eyð­ unsdóttir, býráðslimur í Tórs­havnar kommunu, sum fer at seta stevnuna leygar­ dagin klokkan 14. Við seta­ nina fer Nólsoyar Sangkór at syngja, og vinningar fyri køku-kapping verða hand­ aðir. Fríggjakvøldið spæla Vága­verk til dans í stóra tjaldinum úti á Klivum, og leygarkvøldið fara Hjarnar og Dansiorkestrið at spæla, ávikavist í tjaldinum og í Royndarhúsinum. Hetta kvøldið verður eisini dansinátt í Avhalds­ hús­inum, har Slái Ring lut­ tekur. Á skránni fyri ovastevnu í ár er mangt og hvat, og millum mongu tiltøkini – bæði fyri ung og tilkomin, er eisini vælumtókta og aft­urvendandi kabarettin, sum verður sýnd í Royndar­ húsinum fleiri ferðir um stevnuna – og seinastu ferð mánakvøldið klokkan 20. Skráin fyri ovastevnuna er annars í blaðnum í dag. Nólsoyingar bjóða til ovastevnu við fjølbroyttari skrá Nógv fólk plaga at vera til setanina í Geilini, har børnini eisini seta sín dám á løtuna. Myndin er tikin á ovastevnu fyri tveimum árum síðan Mynd: Vilmund Jacobsen Um vikuskiftið skipa nólsoyingar aftur fyri ovastevnu, og hesaferð er skráin enn meira áhugaverd og fjølbroytt enn áður. Á myndini er Heðin Mortensen, sum nú eisini er borgarstjóri í Nólsoy Mynd: Vilmund Jacobsen NOREG · ÍSLAND HETLAND · DANMARK CRUISE WWW.SMYRIL-LINE.FO TLF 34 59 00 Sigið gerandisdegnum farvæl og njóti 3 fan tastiskar dagar við harmoniku tónleiki, frá líkum mati, góðum sel skapi og dansi frá morgni til myrkurs. Føroya bestu harmoniku- tónleikarar luttaka. Prísur fyri hvønn úr bert kr. Íroknað kostnaðin er ferð fram og aftur við Norrönu í 4 koyggju kamari innv. við wc/bað. Olju- og avgreiðslugjald er íroknað kostnaðin. 1.110,- 28. – 30. AUGUST 2006 AVMARKAÐ PLÁSS VEGNA GÓÐA UNDIRTØKU