hósdagur 10. august 2006síða 8

Nr. 152 - 10. august 2006 13 Olaf Johan Olsen á Lava, andaðist miku­ dagin 9. august, 95 ára gamal. Kistan fer av ellisheiminum í morgin fríggjadagin kl. 17.00. Jarðarferðin verður kunn­gjørd seinni. Andrias Jensen, Sør­ vágur, vanliga nevndur Andrias á Túvala, ætt­ aður úr Mykinsesi, and­ aðist í heiminum hós­ dagin 10. august, 88 ára gamal. Jarðarferðin verður kunngjørd seinni. Ebba Klein, Havn, ættað av Argjum, and­ að­ist í heiminum miku­ dagin 9. august, 81 ára gomul. Jarðarferðin verð­ur kunngjørd seinni. Andlát og jarðarferðir Maja og Sigvald í Morskranesi Nú er tómligt í Nesinum Tit eru farin Tit, sum fyrst løgdu okkara kós Og eg sakni so sárliga Tykkara røddir Blíðu eygnabrá, brosini ljós Her var mamma ein miðdepil Bankandi hjarta Lívgaði um okkum øll Hon var bjartskygd sum fáur Sá tað góða í øllum Hennar trúgv flutti lættliga fjøll Her var pápi hin frælslynti Gløggur og speiskur Onki av fótum hann tók Til eitt prát altíð fúsur Fylgdi gjølla við øllum Leikti talv, spældi kort, las í bók Tit ei fordómar høvdu Onki trongskygni ráddi Tí var hiti og trivnaður her Her var rúm fyri øllum Her var høgt undir lofti Mær eitt friðskjól var tykkara verð Og tit gleddust um lívið Áttu løturnar ríkar Tóku dagarnar bert ein í senn So um vit kunnu liva Eftir tykkara leisti Ja, so liva tit við okkum enn Inger Fríggjadagin 11. august fyll­ ir Albin Petersen í Vest­ manna, vanliga nevndur Albin hjá Gundu, 80 ár. Albin er sonur Hans Jacob og Gundu Petersen, og er hann nr. seks av nýggju systkjum. Nú eru bert fýra eftir á lívi, og av teimum er Albin elstur. Pápin og elsti beiggin gingu burtur, tá Albin var bert sjey ára gamal. Hann giftist í 1953 við Klaru Gaardbo av Nesi, og búsettust tey í Vestmanna. Tey fingu eina dóttir, hon er gift, og eiga tey tríggjar synir, sum abbin er sera stoltur av. Sum ungur var Albin eitt skifti til skips, og var síðani við til at byggja SEV byrgingarnar í Vestmanna, áðrenn hann fór at ar­beiða hjá Vestmanna Timbur­ handli, har hann arbeiddi í næstan 30 ár. Hann hevur verið sera trúgvur í missiónshúsinum, har hann m.a. sat í stýrinum fyri húsið í mong ár, og hevur havt sunnudagsskúla til fyri fáum árum síðani. Eisini plagar hann at hava andakt í Eldrasambýlinum í Vestmanna av og á. Eitt skifti sat hann í kirkjuráðnum, og tað munnu vera fáir sunnudagar, har hann ikki hevur sitið á sínum fasta plássi í kirkjuni. Albin er blíður og fyri­ komandi og dámar væl at práta við fólk hann hittir. Hann gongur dagliga ein túr oman á kaiina, og fylgir væl við hvussu tað gongur hjá skipunum, og fær hann mangan eitt gott prát við manningarnar. Eisini dámar honum væl at fara inn á gólvið at vitja nøkur av teimum, sum ikki orka so væl at koma út longur. Hann hevur havt eitt frið­ arligt og gott lív, sum hann nú kann hyggja aftur á við gleði og takksemi. Albin er burturstaddur føðingardagin. Góði pápi, verpápi og abbi, vit vilja við hesum ynskja tær hjartaliga til­ lukku við teimum 80 árun­ um og takka tykkum fyri tað, tit hava verið fyri okk­ um. Vit gleða okkum til at halda dagin saman við tykkum. Vit í Kollafirði Albin Petersen 80 ár Dagurin í morgin 11. august. Hermann. Einki kent halgimansnavn, men er komið í álmanakkan ístaðin fyri Tiburtius, sum summármáladagur – 14. apríl – eisini eitur. Týskt navn, hermaður. Nógv fólk hava longu teknað seg til stóru 50 ára veitsl­ una, sum verður í Sjónleikarhúsinum. Men enn vanta nøkur teirra, sum hoyra til árgang 1956. Millum annað tey, sum komu í Kommunuskúlan seinni, eitt nú av bygd ella úr øðrum skúlum. Fólkalív Rigmor Dam rigmor@sosialurin.fo Tórshavnar Kommunuskúli verður 50 ár í ár, og í tí sambandinum hevur ein bólk­ur av fyrrverandi næm­ ingum, sum byrjaði í 1. flokki í 1956, tikið stig til eina rimmar nostalgi- veitslu fyri árgangi ‘56 í Sjónleikarhúsinum leyg­ar­ dagin 26. august. Nógv hava longu teknað seg, men sagt verður, at tey sakna nøkur av teimum mongu, sum gjørdust partur av árganginum sidenhen, eitt nú úr Nonnuskúlanum, av Argjum ella av Hvítanesi. Summi komu í flokkin í yngri árunum, meðan onn­ ur ikki komu fyrr enn farið varð í real. – Men kortini eru tey so avgjørt partur av ár­gang­ inum, og vit heita inni­liga á tey um at tekna seg, siga fyri­ reikararnir av tiltakinum. Tiltakið byrjar leygar­dag­ in 26. august kl. 17.00 við “morg­un­sangi” í auluni í Komm­unu­skúl­an­um. Hag­ ani gong­ur leiðin yvir í Sjón­ leikarhúsið, har Oddvør Skarðhamar borðreiðir við trimum rættum, umframt morgunmati. Orkestrið Anno ’56 spælir upp til dans, og eru limirnir í hesum nýstovnaða orkestri, sum hevur vant hvønn sunnu­dag í seinastuni, teir navnframu: Frants Marius Olsen, Heri Krakesteen, Heri Nolsøe, Steingrím Abra­hamsen, Óli Petersen, Hans Christian Clementsen og Harald Kjeld. Fyrireikararnir heita har­ umframt á fólk um at finna fram lutir og myndir frá skúlatíðini, og at leggja tað inn til Kirstin í Wrangler Shop á Niels Finsensgøtu, tí ætlanin er at skipa fyri einari framsýning í forhøllini í Sjónleikarhúsinum. Tekning fer fram á tann hátt, at fólk rinda 450,- kr. inn á konto 9181 – 152.263.0 í Føroya Spari­ kassa í seinasta lagi 19. august. Viðmerkið “anno ‘56”. Samband fæst við fyri­ reikararnar Jórunn Dánials­ dóttir á 31.6024 / 22.6024 ella Kirstin á 31.4710. EFTIRLÝSING: Árgangur ’56 úr Kommunuskúlanum