fríggjadagur 11. august 2006síða 14

14 Nr. 148 - 4. august 2006 Í dag fyllir Lena í Beiti í Sørvági 90 ár. Lena er ættað úr Klaksvík og vóru foreldur hennara Óla Jákup Jacobsen millum Garðarnar í Klaksvík og Anna Sofía Thomsen úr Svínoy. Lena er næstelst í einum systkinnaflokki av 7. Elstur var Jósef, síðan Lena, Anna Katrina, Lisa, Rasmus, Diana og Kristoffer. Lena giftist vestur til Sørvágs við Hans í Beiti, sum andaðist í 2000. Tey ættleiddu sonin Ólav. Lena hevur frá tí legurnar byrjaðu í Vatnsoyrum í 1967, verið álit í køkinum í Zarepta. Á hvørjum ári hevur hon verið í Zarepta ein stóran part av summarinum. – Tá umvælingararbeiði og nýbygging hevur verið í vetrarhálvuni, hevur Lena eisini verið og gjørt mat til arbeiðsfólkið. Eisini seinnu árini, tá samkomurnar byrjaðu at hava legur í vetrarhálvárinum, hevur Lena altíð verið klár at hjálpa til. Hans í Beiti, maður Lenu var henni ein dyggur stuðul í arbeiðinum, og minnast vit hann við takksemi. Lena hevur hildið trúfast fram í arbeiðinum í Zarepta, til hon fyri fáum árum síðan ikki orkaði meira. Legurnar hava ligið henni tungt á hjarta og er Lena kend av mongum sum omman í Zarepta. Hóast Lena nú er illa gongd, vitjar hon framvegis av og á í Zarepta. Vit takka Lenu fyri ótroyttiliga trúskap hennara í arbeiðinum í Zarepta og heilsa henni á 90 ára degnum við tveimum ørindum úr sanginum, ”Vit ferðast heim”, ið Brynleif Hansen týddi og sum hevur verið nógv sungin í Zarepta: Vit ferðast heim at møta teim, sum synd og sorg ei kenna, tí leiðin ber, har Jesus er, har tár ei meiri renna. Og skjótt vit ná um lívsins á, har Jesus okkum fagnar. Tá lokin er vár pílgrímsferð, og stríðið harða tagnar. Niðurlag: :,: Vit ferðast heim, vit ferðast heim til Jesus. :,: Hjartaliga tillukku! Zareptavinir 90 ára føðingardagur Tøkk Fyri sýndan heiður á 90 ára føðingardegi mínum takki eg hjartaliga. Alfred Magnussen, Vágur Tøkk Eg vil fegin taka høvið, at takka øllum fyri blómur og blíðar heilsanir á mínum 70 ára føðingardegi. Til gamlar kenningar, ið tóku sær tíð til eitt lítið prát í telefonini og tey, ið komu inn á gólvið. Eina serliga heilsan og hjartaliga takk til døtur mínar og sonin, fyri ein minniligan føðingardag. Heilsan Elisabeth Hammerfoss Prógv 28. juni 2006 fekk Marner Nolsøe, Hov, prógv sum djóralækni (cand. med. vet) á Den Kgl. Veterinær- og Landbohøjskole í Keyp­ mannahavn. 80 ára føðingardagur Sunnudagin 13. august fyllir Ebba Joensen, Klaks­­ vík 80 ár. Dagurin verður hildin á Klaksvíkar Sjó­ mansheimi frá kl. 15.00- 20.00. Øll eru hjartaliga vælkomin. Sunnudagin 13. august verð­ur Eleonora Joensen í Oyndarfirði 80 ár. Dagurin verður hildin saman við børnum og barnabørnum á Gjáargarði. Mánadagin 14. august fyll­ ir Hanna Lisberg 80 ár. Føðingardagurin verður hildin á Hafnia fyri innbod­ num. 90 ára føðingardagur Leygardagin 12. august hevur Lena í Beiti í Sørvági 90 ára føðingardag. Dagur­ in verður hildin í Kedron frá kl. 16.00-20.00. Brúdleyp Í dag 11. august kl. 16.30 giftast í Ebenezer, Tórs­ havn, Dora Lómstein, Tórshavn, og Niels Pauli Nónstein, Hvalba. Veitslan verður fyri innbodnum á Hotel Føroyum kl. 19.00. Leygardagin 12. august kl. 16.00 giftast í Dómkirkjuni Beinta Wardum og Ragnar Simonsen. Veitsla verður fyri innbodnum í Havnar Róðrarfelag kl. 18.00. Leygardagin 12. august giftast Anja Petersen Klaks­ vík og Elvin Olsen Hvalba. Vígslan verður í Betesda kl. 15.00. Veitslan verður um kvøldið kl. 19.00 fyri innbodnum í Skálanum í klaksvík. Leygardagin 12. august giftast í Århus Pinsekirke Bjørg Hansen, dóttir Marnu og Adolf Hansen, sála, og Karl Johan Brun Larsen, Varde. Leygardagin 12. august kl. 16.00 giftast í Gøtu kirkju, Birita Jacobsen, Syðrugøta og Henning Jarnskor, Norðra­gøta. Veitslan verð­ur fyri innbodnum í bygdar­hús­in­um í Leirvík kl. 19.00. nøvn