mánadagur 14. august 2006síða 17

21 [ Nr. 154 - 14. august 2006 ] Russar sita á trúnuni Tíðin við USA sum maktfaktori í tungvektsflokkinum í nevaleiki tykist nú endaliga av. Ístaðin staðfesti Oleg Maskaev, at tað nú er Russland, sum situr á somu trúnu. Hann vann nevnliga dystin móti Hasim Rahman upp á tekniskt knock-out, tá dómarin metti amerikumannin hava fingið nóg mikið. Sigurin ber við sær, at russar nú eiga heimsmeistaran í tungvekt hjá øllum fýra altjóða nevaleikasambondunum. -mørk Solskjær aftur á landsliðnum Hóast hann hevur verið burturi við skaða í tvey ár, so ivaðaist Åge Hareide ikki, tá hann skuldi taka sín landsliðshóp út til komandi avbjóðingina móti Brasil. Ole Gunnar Solskjær skuldi við í hópin. Hetta var venjarin í Manchester United, Sir Alex Ferguson, alt annað enn fegin um. Hann vísti á, at Solskjær meira enn nakað hevur tørv á hvíld, men Hareide vildi hava áleyparan við kortini. Og tað fekk hann eisini. Solskjær segði alt fyri eitt, at hann fegin vildi við landsliðnum, og so kann norskur fótbóltur fegnast um, at ein av bestu spælarunum í fótbóltssøguni hjá landinum nú aftur kann tørna út fyri tjóðina. Skála punkteraði alt fyri eitt dystin á Svangaskarði leygardagin. Eftir fyrsta korterið stóð 0-3 á talvuni, og so kundi heimaliðið bara royna at pynta um úrslitið Fótbóltur Jákup Mørk jakup@sosialurin.fo Tað gongur við fullari ferð framá hjá Skála. Sigurin á Toftum var tann triði upp í slag hjá liðnum, og í øllum førum er niðurflytingin nú fingin í trygga fjarstøðu. Sjálvir søgdu Skálamenn undan dystinum á Toftum, at talan var um lykladyst, sum skuldi takast í størsta álvara, og tað tóktust gest­ irnir so sanniliga eisini at gera. Trý skjót mál Tað tók gestunum bara níggju minuttir, áðrenn teir høvdu lagt seg á odda, tá Alexandur Johansen sendi bóltin í kassan. Tríggjar min­uttir var sami maður aftur upp á spæl, og tá Jón­ hard Frederiksberg í næsta álopinum økti til 3-0, var leyst og liðugt. Sjálvandi kom B68 betri við eftir hetta, nú Skála slepti takið á speedaranum nakað, men spenningu varð ongan tíð talan um. Kanska var ein lítil vón at hóma hjá vertunum, eftir at Súni Fríði Barbá minkaði um munin, men tá aftur landsliðsaktuelli Jónhard síðani økti til 4-1, varð yvirvágin staðfest. Álit á Anderson Skuldi nøkur troyst finn­ ast í úrslitinum hjá B68, so mundi tað vera, at bras­ ilski Anderson nú aftur er á liðnum. Pappírini hjá hon­um komu í rættlag í farnu viku, og hóast tap­ ið, so takkaði hann við at senda bóltin í mesk­ar­ nar til 2-4. Í hesum før­ in­um bara eitt mál, sum pyntaði um úrslitið, men samstundis eitt tekin um, at Anderson væl kann vera maðurin, sum álitið skal setast á, um B68 skal bumba seg úr botninum. Her verða dystirnir móti VB/Sumba og ÍF uttan iva lyklauppgerðir, men áðr­ enn nakar slíkur kemur á skránna, er talan tríggjar ferðir á rað um dyst móti ovari støddum liðum. Og tað fer at seta stór krøv til toftamenninar. Kaga uppeftir Hjá Skáal er lagið øðr­vísi betri. Teir hava nú prógv­ að, at laka byrjanin var ein stórur kiksari, sum kanska eisini var tengd at skaðum og aðrari fráveru. Nú eru skaðarnir burtur. Nenad Stankovic er aftur á miðvøllinum, og so er spurningurin, hvørt Skála longu hevur mist ov nógv, ella um liðið møguliga kann stríða seg enn longur upp enn sætta plássið, sum teir nú hava sett seg rættiliga tungt á. B68-Skála 2-4 (1-3): Skjót staðfesting Skála B68 16 ára gamli Helgi Dam Ziska vann sær sín triðja altjóða talv­norm í kapping í Hol­landi. Um Helgi skal kalla seg altjóða meistari, skal hann hava 2400 í rating Talv Carl Eli Nolsøe Samuelsen carl_eli@hotmail.com So gjørdi ungi havnarmaðurin aftur bart! Helgi hevur sein­asta árið ment seg við óhoyrdari ferð. Í Politiken Cup í 2005 vann hann sær sín fyrsta norm. Í Reykjavík Open í mars leyp hann upp um fleiri forðingar (var sjúk­ ur) og vann sær sín næsta norm. Bert eitt ár aftan á fyrsta IM-normin, hevur Helgi nú ognað sær sín triðja og seinasta norm í Vlissingen Open í Hollandi. Beinhørð venjing, umframt talent og vilji, hevur hjálpt Helga á mál. Helgi hevur nú umleið 2360 ratingstig, og so skjótt sum hann røkkur 2400, verður hann kosin al­tjóða meistari. Í Vlissingen møtti Helgi tveimum stórmeistarum og trimum altjóða meistarum umframt fýra telvarum við umleið 2000-2100 rating­ stigum. 6,5 stig av 9 varð úrtøkan hjá Helga, og tað rakk til eitt deilt 12. pláss í sterku opnu kappingini, ið taldi 250 telvarar. Faðir Helga, Andrias Ziska, fekk 4,5 stig, sum eis­ini var eitt gott úrslit. Sterki polski stórmeistarin Michal Krasenkow vann við 8 stigum. Hóraði undan og tók møguleikan Helgi var sum heild nøgdur við telvingina, tá ið vit tos­aðu við hann stutt aftan á kapp­ ingina. Hann segði seg vera í vandasjógvi miðskeiðis í kappingini. – 4. og 5. umfar vóru sera kritisk hjá mær. Eg møtti tveimum lægri rataðum telv­arum, men var í stórum trupul­leikum. Tíbetur vann eg hesi talv, og tá kendi eg meg hava møguleikan at røkka norminum, sigur Helgi. Í 8. umfari hevði Helgi hvítt móti sterkum IM´ara við 2470 ratingstigum. – Hetta var helst mítt besta talv í kappingini, og tað mest umráðandi, leggur Helgi aftrat. Aftan á vakra sigurin skuldi Helgi í seinasta um­farinum hitta 13 ára gamla stórtalentið úr India, Parimarjan Negi, sum um tveir mánaðir verður kosin stórmeistari(!) á FIDE- kongressini. Fekk Helgi javnt, var triði normurin í skjáttuni. Og so varð. Helgi telvaði orkuríkt, djarvt og sera væl. Spennandi var at fylgja talvinum, ið varð varpað beinleiðis út í heim á netinum. Helgi var í roynd og veru ongantíð í vanda og fekk ein væl uppibornan javnleik. Ikki ráð at halda steðg Í vár gjørdi Kaupthing sam­ starvssáttmála við Helga. Við sterkum stuðli í rygginum er og verður tað gjørligt hjá Helga at ferðast víða til sterkar talvkappingar, umframt at peningur kann nýtast til talvvenjarar. – Eg eri ótrúliga nøgdur við samstarvið við Kaupthing. Eg fái nú møguleikan at menna meg og sleppa at gera tað, ið eg vil. Nevnliga at royna at blíva stórmeistari og verða fulltíðartelvari, sigur Helgi. Helgi er júst farin í 10. flokk, og tí kann tað verða eitt sindur avmarkað, hvussu nógv hann kann telva kom­ andi tíðina. – Eg kann ikki loyva mær at hvíla í framgongdini, tí havi eg sett mær fyri at telva aftur í septembur og oktobur. Mín fyrsta kapping aftan á summarfrítíðina verður helst 5th Klaksvík International, sigur Helgi. Næsta málið Viðvíkjandi ætlanini at ogna sær stórmeistaranormar vænt­ar Helgi, at hann í fyrstu atløgu fer at halda fram á sama hátt, sum hann hevur gjørt fyri at vinna sær IM-normarnar. Helgi trýr nevniliga nógv á egin evni og sigur óbeinleiðis, at hann metir seg hava góð­ ar møguleikar at blíva stór­ meistari við at telva nógv og arbeiða miðvíst. Spurdur um hann metir seg vera føroya besti telvari, er Helgi meira varin. – Nei. Eg eri noyddur at koma upp á minst 2400 í rating, tí John Arni Nilssen hevur verið omanfyri 2400, umframt at hann longu er kosin altjóða meistari, sigur ein fegin ungur maður at enda. Ungi talvmeistarin á veg ímóti tindinum Bara 16 ára gamal vann Helgi Dam Ziska sín triðja IM-norm. Her tekur hann móti virðislønini fyri flotta avrikið Ziska, Helgi Dam (2333) - Delemarre, Jop (2471) HZ Open Vlissingen (8), 11.08.2006 1.e4 e6 2.d3 (Helgi telvar varliga í fronsku byrjanini) 2...d5 3.Rid2 Rif6 4.Rigf3 b6 5.c3 Be7 6.e5 Rifd7 7.d4 (Nú líkist støðan einari vanligari støðu í fronskum) 7...c5 8.Bb5 a6 9.Bd3 b5 10.Rif1 (Rættiliga original og áhugaverd telving) 10... Ric6 11.Rig3 b4 12.Rih5 g6 13.Rif4 Fb6 14.Be3 bxc3 15.bxc3 cxd4 16.cxd4 Fa5+ 17.Kf1 Rib6 18.h4 Bd7 19.a3 Fa4 20.Bc2 Fb5+ 21.Rid3 Ric4 22.Bc1 Fb6 23.Rb1 Fa7 24.Rib4 (Hvítur hevur sambært telduforritinum Fritz 9 lítlan fyrimun (+0.26) ) 24... Rixb4 25.axb4 h5 26.Rh3! (Rókurin fer í hernað) 26... Rb8 27.Rig5 Rxb4 28.Rxb4 Bxb4 29.Rf3 Bb5 30.Kg1 0–0 31.Rg3 Kh8? 32.Ff3 (Rixe6 er sterkari, men Ff3 er eisini vinnandi) 32...Fe7 TALVDIAGRAM Støðumynd eftir 32…Fe7 33.Rih7!! (Helgi í essinum!) Rc8 [33...Kxh7 34.Fxh5+ Kg7 35.Bxg6 og svartur verður skák og mátaður eftir fáar leikir)] 34.Bg5 Rid2 35.Bf6+ 1–0 Talvið hesa vikuna