mánadagur 14. august 2006síða 19

23 [ Nr. 154 - 14. august 2006 ] Oddabrakið á Mølini endaði við javnleiki, eitt úrslit, sum báðir partar kunnu liva við. Dysturin var rættiliga javnur, men skuldi sigurin koppa annan vegin, hevði tað ikki verið óuppiborið, um tað var til fyrimuns fyri EB/Streym FÓTBÓLTUR Rólant Waag Dam rolant@sosialurin.fo Mølin á Eiði var aftur leyg­ ar­dagin karmur um eitt odda­ brak í Formuladeildini, tá eldra høvuðsstaðarfelagið vitjaði hjá oddaliðnum. Tey vóru mong, ið høvdu roknað við einum jøvnum dysti, og tað var eisini júst tað tað varð, tí dysturin endaði við javnleiki 1-1. Bæði málini komu í fyrra hálvleiki, men hóast fleiri møguleikar í seinna hálvleiki, so samdust liðini um at býta stigini sínamillum. Ynskibyrjan Oddaliðið kundi valla ynskt sær betri byrjan upp á dystin, tí tá bara seks minuttir vóru spældir, legði Rafal Kwi­ec­ inski EB/Streym á odda. Ein langur bóltur varð send­ur niðan í móti HB- brots­teiginum. Verjan skallar burtur, men ikki longur enn í bringuna á Rafal, sum temur bóltin og síðani buldr­ ar hann inn í málið dygst við handaru stong. Eitt vak­urt mál frá vælupplagda pól­ lendinginum. Onkur vildi vera við, at bólturin tók í armin á Rafal, men dómarin metti ikki, at so var. Ein ynskibyrjan fyri EB/ Streym, men leiðslan helt tó ikki meiri enn í tíggju minuttir. HB fer í álop og í einum væl­spældum álopi, har Jákup á Borg nýtir bæði Jóh­an Ejvind Mouritsen og Rógva Jacobsen sum banda áðrenn Jákup sjálvur leggur í millum beinini á René Tór­ garð. Eitt deiliga gjøgnum spælt mál. Eftir hetta hevði HB onkr­ ar møguleikar at leggja seg á odda. Teir royndu seg úti frá og úr stuttari fjarstøðu, og Rógvi Jacobsen royndi eisini at filma seg til eitt brots­spark, men mátti í stað­ in síggja Lassin Isaksen fara í lumman eftir gula kort­inum. Tá smáir tíggju minuttir restaðu í til hálvleik, var EB/ Streymur nær við at skora. Ein bóltur kemur sendandi niðan móti brotsteiginum, og Mortan úr Hørg ger seg til at skalla burtur. Men so er tað, at Bárður Johannesen kemur dekan ov langt út úr málinum, helst fyri at boksa bóltin burtur, men tað einasta hann fekk burtur úr var at órógva Mortan so mikið, at Ronnie Samuelsen í staðin varð hægstur og skallaði móti málinum. Tíbetur fyri HB var Vagnur Mortensen vakin og syrgdi fyri, at bólt­urin ikki slapp inn um mállinjuna. Síðsta møguleikan í fyrra hálvleiki fekk HB. Mortan úr Hørg leggur ein frálíkan bólt niðan í brotsteigin. Jóhan Ejvind Mouritsen kem­ur sera væl upp, men harði skallarin er ikki nóg neyvur, og bólturin fer upp um málið. Kjansir til bæði liðini EB/Streymur var eisini um skora tíðliga í seinna hálv­ leiki. Ein bóltur verður send­ ur niðan eftir vøllinum, sum Rafal Kwiecinski leggur til rættis og síðani buldrar avstað, men skotið fer beint upp um tvørtræið. Og EB/Streymur trýsti eis­ ini øgiligt hesa fyrstu løtuna. Stutt eftir góða skotið frá Rafal er tað Hans Pauli Samuelsen, sum roynir seg úti frá, men frísparksroyndini vardi Bárður Johannesen sera væl fyri. Tjúgu minuttir fyri leiklok fær EB/Streymur størsta kjans­in í øllum dystinum. Eldri Hansen beiggin, Gert, leggur ein langan bólt niðan móti brotsteiginum. Bárður Johannesen ætlar sær helst at fáa fatur í bóltinum, men fer fullkomiliga skeivur av honum, og brádliga dett­­ur bólturin niður beint framm­an fyri yngra Hansen beiggjanum, Arnbjørn. Hes­ in visti helst ikki visti hvussu leysur hann var, og tveitur seg tí fram og roynir at skalla bóltin í netið, í staðin fyri at seta innaru síðuna á. Bólturin fór spakuliga trill­ andi móti málinum, men fór fram­við stongini og út til mál­spark. Gestirnir úr HB høvdu eisini sínar kjansir í seinna hálvleiki, og seinastu tjúgu minuttirnar komu tveir heilt stórir málmøguleikar til teir reyð/svørtu. Fyrst skallar Rógvi Jac­ obsen eitt innlegg úr høgru móti málinum, men René Tór­ garð stórbjargar í mál­inum. Løtu seinni er Jákup á Borg um at fáa bóltin í málið, men staddur við handaru stong, er hann ikki nóg neyvur, og skotið fer við síðuna av. Fantasileys lið Hóast fleiri kjansir til hvørt liði komu ikki fleiri mál í dystinum. Hóast talan var um oddadyst, so var tað ikki nógv sum bendi á, at tað var ein dystur millum odda­ liðið og nummar trý, sum áskoðararnir vóru vitni til. Spennandi var tað, og fleiri møguleikar vóru til hvørt liðið, men so var heldur ikki meiri at koma eftir. EB/Streymaliðið tóktiskt ikki serliga vælupplagt. Teir vanliga so vælspælandi Bárður Olsen og Hans Pauli Samuelsen komu ongantíð fyri seg, og so var tað so sum so við tí, sum EB/Streymur megnaði at borðreiða við. Heldur ikki HB kláraði at toga tað flotta fótbóltsspælið fram. Teir hava fyrr í ár spælt fínan fótbólt, men leyg­ardagin skuldi HB fáa kjansirnar við at lossa langar bóltar niðan í høvdið á Rógva Jacobsen. EB/Streymur fekk teir størru møguleikarnar í dyst­ in­um, og var tað soleiðis, at dysturin neyðturviliga skuldi koppa annan vegin, hevði tað ikki verið óuppiborið, um tað var til fyrimuns fyri EB/Streym. EB/Streymur – HB 1-1 (1-1) Oddabrakið endaði við javnleiki Enn einaferð var Jákup á Borg eyðsýndur hjá HB. Og eftir kanska vakrasta álopið í dystinum var hann maðurin, sum helt HB við í oddastríðnum Mynd: Sofus D. Johannesen HB EB/Streymur Dramat­ iskur endi Dysturin á Eiði fekk ein dramatiskan enda, tá Marni Djurhuus varð borin av vøllinum og beint inn sjúkrabilin, sum stóð við vøllin. Hann varð koyrdur bein­leiðis suður á sjúkra­húsið, har hann var lagdur inn undir observatión til sunnu­ dagin, tá hann varð út­skrivaður. Marni Djurhuus skuldi temja bóltin, tá eitt innlegg kom. Jákup á Borg sær ikki Marna og ætlar at flukta bóltin, men rakar í staðin kollfirðingin í bringuna. Marni Djurhuus small niður í svørin, og tað sást við tað sama, at her var talan um ein álvar­saman stoyt. Marni Djurhuus fekk illa anda og hostaði blóð. Á sjúkrahúsinum varð staðfest, at talan var um eina lungakonfektión – eitt ógvusligt slag á høgra lunga, og tað var tað, sum gjørdi, at hann hostaði blóð. Myndir vóru tiknar av bringuni, men enn er ikki greitt, um Marni Djurhuus hevur brotið ella brákað eitt riv. Sunnudagin á miðdegi varð Marni Djurhuus út­skrivaður við boð­un­ um um at binda frið næstu dagarnar. -rwd Mál og hæddarpunkt frá dystinum kunnu síggj­ast á www.portal.fo Næsti EB/Streymarin á landsliðnum Eftir dystirnar í Formuladeildini í dag, er landsliðshópurin til dystin í móti Georgia mikudagin nakað broyttur. Bergur Midjord hevur givið avboð vegna skaða, og í hansara stað er komin Bárður Olsen. Hetta er næsti EB/Streymaleikarin, sum fær landsliðsboð. Hin er Hans Pauli Samuelsen, og saman eru teir báðir fyrstu EB/ Streymarnir á landsliðnum nakrantíð. Bergur Midjord fór av vøllinum leygardagin við skaða, og tí hevur hann givið avboð. -rwd Jónhard fyri Andrew Andrew av Fløtum noyddist hóskvøldið at geva Jógvani Martin Olsen avboð til landsdystin móti Georgia Andrew hevur drigist við ein skaða, og tí hevur hann ikki møguleika at taka eina hond við, nú Jógvan Martin fyri fyrstu ferð skal senda landsliðið í undankappingardyst. Ístaðin hevur landsliðsvenjarin tikið út Jónhard Frederiks­berg úr Skála. Jónhard hevur verið mest sum fastur fúsur á landsliðnum seinastu 3 árini, men hesa ferð var hann ikki partur av upprunaliga hópinum. Seinastu vikuna hevur hann tó veruliga gjørt um seg í Formula-deildini, og tí var tað hampiliga nærliggjandi, at hann var maðurin, sum varð innkallaður fyir Andrew. -mørk