hósdagur 17. august 2006síða 25

Lærutíðin er ikki av »Vit eru við fyri at læra« var ævigi sannleikin, sum før­oyska fótbóltslandsliðið livdi eftir fyrstu árini. Tann lærutíðin hevði sum so eisini ætlaðu effektina. So hvørt, sum spælararnir fingu fleiri altjóða royndir, bún­aðust teir eisini til stóru uppgávurnar, og tó at stig­ ini aloftast hava restað, so hava góðu avrikini verið rættiliga nógv í tali. Tað er kanska nær­liggj­ andi at spyrja, hvørt lærutíðin byrjar av nýggjum, nú so­ mik­ið stórar útskiftingar hava verið á liðnum. At skað­ar samstundis hava sett tríggjar lyklaspælarar uttan fyri gjørdi sjálvandi ikki føroysku kortini betri, og tað kann so væl vera, at úrslitið hevði verið betri, um Jón Rói, Súni og Ingi vóru á liðnum. Hinvegin, so er lítil nytta í at hugsa um teir spælarar, sum ikki vóru tøkir. Og skulu vit hava av­ loysarar við royndum, so er bara ein máti at fáa hesar. Dystir skulu til, og tað er fyrst og fremst í dystum sum tí mikukvøldið, at læru­ peningurin fæst til vega. Bæði soleiðis at mistøkini kunnu minimerast, og so­leiðis at liðið í størri mun lærir at standa rætt. Nakað sum kundi forðað fyri onkr­ um av teimum kontra-álop­ um, sum endaðu í føroyska mál­inum. Boðini frá lands­liðs­venj­ aranum undan dystinum – og eftir dystin eisini frá lið­skiparanum – eru tó greið. Gevið liðnum tíð at menn­ast. Og hóast hvørgin teirra tosar um »við fyri at læra«, so benda útsagnirnar av­gjørt tann vegin. Georgia er sterkt Tað var tó ikki bara tað, at Føroyar ikki spældu sín besta dyst mikukvøldið. Georgia var í fleiri mátar nakað væl sterkari, enn flestu føroyingar høvdu rokn­að við. Hóast truplu umstøður­ nar á rennváta og bleyta vøll­­­­­inum, so megnaðu mót­­­støðumenn okkara fleiri ferðir at flyta bólt­ in skjótt runt við fyrstu- ferðs sendingum. Og bæði send­­ingar og rennibanar í kontrafasuni vóru ein fragd at síggja, hóast tað sveið í føroyska fót­bólts­hjart­a­ num. Tí var málið kanska sett ov høgt, tá tað varð staðfest, at besti møguleiki okkara fyri stigum var júst hesin dyst­urin. Tað er neyvan nakar, sum roknar við teirri heilt stóru sensatiónini móti Italia og Fraklandi. Litava hev­ur áður víst, at teirra fót­bóltur als ikki hóskar til føroyska landsliðið, so kanska er besta vónin í so máta Skotland. Teir hava eisini áður víst, at teir avgjørt eru til at tosa við hjá føroyska liðnum, og við dystinum í Glasgow mest sum beint handan horn­ið, skulu føroysku spæl­ararnir kanska síggja júst tann dystin sum stóra møgu­leik­ an. At talan so í fyrstu syftu er um dyst á útivølli, ger á ongan hátt uppgávuna lætt­ari. Men hópatals ferðir hava vit sæð, at okkara menn er menn fyri at reisa seg, júst sum størstu lús­ ingarnir eru fingnir. Kanska ikki við kravi um sigur, men um eitt avrik, sum enn einaferð kann prógva, at Føroyar ikki eru nøkur walk-over í altjóða fót­bóltsspælinum. 27 [ Nr. 157 - 17. august 2006 ] læra Talan hevur verið um stórar umskiftingar í landsliðshópinum. Eitt nú var Janus M. Joensen á vøllinum í samfullar 90 minuttir mikukvøldið Mynd: Álvur EM-undan­kapp­ingar­ dystur á Svangaskarði 2.114 áskoðarar Føroyar-Georgia 0-6 (0-6) 0-1: Jaba Kankava, 16. 0-2: Alexander Iashvili, 18. 0-3: Shota Arveladze, 36. 0-4: Levan Kobiashvili (pen), 49. 0-5: Shota Arveladze, 59. 0-6: Shota Arveladze, 80. Referees: Michael Thomas Ross (dómari), David Redfern and David Todd (hjálpardómarar) David Malcolm (4. dóm­ ari) Allir úr Norðurírlandi Føroyar: 1. Jákup Mikkkesen – 9. Jákup á Borg – 13. Óli Johannesen – 4. Atli Danielsen – 3. Janus M. Joensen – 10. Christian Høgni Jacobsen – 5. Claus Bech Jørgensen – (2. Pauli G. Hansen, 46.) – 12. Kári Nielsen – 7. Fróði Benjaminsen – 8. Símun Samuelsen – (14. Hans Pauli Samuelsen, 58.) – 6. Rógvi Jacobsen – (11. Jónhard Frederiksberg, 69.) Gult kort: Rógvi Jacobsen, Óli Johannesen Á beinkinum uttan at koma inn: 15. Hanus Thorleifsson, 16. Meinhardt Joensen, 17. Bárður Olsen, 18. Vagnur M. Mortensen Venjari: Jogvan Martin Olsen Hjálparvenjari: John Petersen Georgia: 34. Grigol Chanturia – 6. Kakhaber Aladashvili – (8. Giorgi Gakhokidze, 69.) – 37. Giorge Shashiashvili – 16. Malkhaz Asatiani – 35. Ilia Kandelaki – (5. Dato Kvirkvelia, 65.) – 14. Gogita Gogua – (Giorge Demetradze, 55.) – 22. Jaba Kankava – 10. Levan Kobiashvili – 9. Alexander Iashvili – 20. David Mudjiri – 11. Shota Arveladze Á beinkinum uttan at koma inn: 1. Giorgi Lomaia – 18. Zurab Mentishashvili – 23. Lasha Salukvadze – 24. Zurab Ionanidze Venjari: Klaus Toppmoller Hjálparvenjari: Ralf Minge FAKTA UM DYSTIN Heimsmeistararnir taptu Roberto Donadoni fekk ikki nakran sigur, tá hann fyrstu ferð stóð á odda fyri italsku heimsmeistarunum. Mótstøðuliðið var Kroatia, og á heimavølli eydnaðist teimum at basa Italia. Endaliga úrslitið gjørdist 2-0, og vórðu bæði málini skot­in fyri steðgin. Málskjúttar hjá Kroatia vóru Eduardo da Silva og Luka Modric. -mørk Belgia skelkað Bara tveir aðrir undankappingardystir vórðu spældir í Europa í gjárkvøldi. Mest óvæntaða úrslitið var, at Belgia á heimavølli mátti taka til takkar við 0-0 javnleiki móti Kazakhstan. Hin dysturin var í Estlandi, har Makedonia vann tepran 1-0 sigur á Estlandi. Í aðrar mátar var talan um hópin av venjingardystum, áðrenn veruligur skjøtul verður settur á undankappikngina um tvær vikur. 2. september eru ikki færri enn 19 dystir á skránni. Teirra millum tann hjá Føroyum í Skotlandi. -mørk