hósdagur 17. august 2006síða 26

28 [ Nr. 157 - 17. august 2006 ] Klaus Toppmöller kollgitti alt føroyska liðið undan dystinum, og visti annars alt um føroyska landsliðið, um einstøku leik­ar­ ar­nar og hvar teir standa FÓTBÓLTUR Rólant Waag Dam rolant@sosialurin.fo Tað er munur føroyskari pres­ iss­heit og týskum ordnung must sein. Tað var skjótt at ásanna eftir samrøðu við týska venjaran hjá Georgia, Klaus Toppmöller. At hann ikki er hvør sum helst síggja tit aðrastaðni í síðuni, og at onki av hansara góðu úrslitum er komið av tilvild fara tit at ásanna, eftir at hava lisið hesa grein. Fantastiskt men ikki rættvíst úrslit Tá vit hitta hann uttan fyri B68-húsið eftir dystin í gjár er hann bæði blíður og týður. – Hetta er eitt ótrúligt úrslit. Heima í Georgia eru fólk ovurfegin um sigurin, tí einum hevði roknað við einum slíkum úrslitið, Klaus Toppmöller. – Vit høvdu fimm leikarar skaddar og í veruleikanum var ongin av teimum vanligu miðverjunum við. Tí vórðu vit noyddir at royna nøkur nýggj ting, sigur Klaus Topp­möller og sipar til, at vanliga stillar georgiska lið­ ið upp í eini klassiskari 4- 4-2 uppstilling, meðan teir í gjár eisini spældu 4-4-2, men sum lætt kundi broytast til og forveklast við eina 3- 4-3 skipan. – Vit máttu millum annað manna ein part av miðverjuni við einum framrættaðum mið­vallarleikara, sigur Klaus Toppmöller. Mongu útskiftingarnar á liðnum gjørdu eisini, at georg­iska liðið byrjaði var­ liga og gav føroyingunum pláss. – Vit vóru ógvuliga hepn­ir, at vit ikki komu aftur um bei­ nanvegin í dystinum. Høvdu føroyingarnir lagt seg á odda so tíðliga, hevði dysturin heilt víst verið øðrvísi, staðfestir Klaus Toppmöller. Og sum heild hevur hann ongan hug at undirmeta føroyska liðið. – Hóast úrslitið var talan um ein strævnan dyst hjá okkum. Frammanundan høvdu vit verið nøgdir við at vinna við einum máli, og 6-0 er í hvussu so er ikki nakað rættvíst úrslit, heldur Klaus Toppmöller. – Vit vita, at tað ongantíð er lætt at spæla í móti Før­ oy­um. Tykkara úrslit í móti Týsklandi boðar frá hesum, har teir ikki fáa hol á fyrr enn í 88. minutti, og tí tóku vit uppgávuna í størsta álvara, sigur Klaus Toppmöller. Kollgitti alt liðið At so er kunnu vit bara stað­ festa, eftir at hann hevur greitt frá síni vitan um føroyska liðið. – Tit hava eins og vit sera nógvar skaddar leikarar, og tað er sjálvandi ein missur at tit ikki hava menn sum mr. Olsen (Súni, blðm.) og mr. Fløtum (Andrew, blðm.) við á liðnum, og tí verða tit noyddir at stilla við einum rættiliga ungum liði, greiðir Klaus Toppmöller frá. Vanliga kenna lands­ liðs­venjararnir, ið koma henda vegin ikki tað stóra til føroyskan fótbólt, og í frægasta falli kenna teir úti­ setarnar. Fyri at vita, um hetta eisini er galdandi við Klaus Toppmöller spyrji eg hann, hvat hann annars veit um føroyskan fótbólt. – Alt, svarar hann stutt og flennir hart. Eg haldi at hann skemtar, men finni skjótt út av, at so er ikki. Klaus Toppmöller veit kanska ikki alt men hann veit veruliga nógv um føroyskan fótbólt. – Eg skal siga tær, at eg framman undan dystinum hevði sett meg niður og skriva, hvussu eg væntaði at føroyska liðið fór at síggja út, og eg kollgitti allar sum ein, smílist Klaus Toppmöller. – Tað einasta eg ivaðist í var, um Hans Samuelsen (Hans Pauli, blðm.) møgu­ liga fór at byrja inni, síðani hann gjørdi tað so gott í dyst­ inum í móti Pólandi, men eg setti mr. Jacobsen (Christian Høgna, blðm.) har í staðin, og tað vísti seg at vera rætt, fortelur Klaus Toppmöller. Borg og Benjaminsen Spurdur um, hvørjar leikarar á føroyska liðnum hann hevur hug at taka fram, ið hann heldur vera góðar, nevn­ ir Klaus Toppmöller tveir. – Eg haldi at Borg og Benjaminsen vera tveir góðar leikarar, men eg væntaði mær eitt sindur meiri av mr. Samuelsen, sum spælir so sera væl í Keflavík í løtuni, sigur Klaus Toppmöller, og heldur áfram: – Jú vit eru ovurfegnir um úrslitið, men vit hava eisini fyrireikað okkum væl. Til dømis hava vit eisini hugt væl at, hvussu stórir ymsu leikararnir eru og hvar teir standa í deyðbóltsstøðum, soleiðis at tit ikki skuldu fáa nøkur bílig mál, fortelur Klaus Toppmöller, áðrenn hann fór inn aftur í georgiska umklæðingarrúmið, har hvør einstakur georgiskur leikarari helst fekk at vita niður í minsta staklut, hvussu hann stóð seg á vøllinum í gjár. Jú, her er skjótt at staðfesta, at ordnung must sein gevur úrslit. Í hvussu so er í móti føroyskari presissheit... Føroysk og týskt ordnung must sein: Klaus Toppmöller visti ALT um føroyska landsliðið United-stjørna ræðist Føroyar Skotski miðvall­ar­ in Darren Fletcher stúrir ikki mest fyri dystunum ímóti Italia og Frak­landi. Hann ræð­ist hin­ vegin føroyska liðið Fótbóltur Eyðun Klakstein eydun@sosialurin.fo Føroyska fótbólts­lands­ liðið kann framvegis skapa ristingar og stúran í skotskum fótbólti. Eftir tveir javnleikir ímóti Før­ oyum, vita skotar, at tað er ikki nøkur løtt uppgáva hjá teimum at koma til Føroya at spæla. Ein tann kendasti skotski landsliðsspælarin, Darren Fletcher úr Man­ chester United, við­ur­ kennir, at hann ræðist mest før­oyska liðið í næstu EM-undankappingini, har heimsins sterkastu landslið annars eru við í bólkinum hjá Skotlandi. – Eg stúri meira fyri Føroyum enn øll hinum liðunum í bólkinum. Dyst­irnir ímóti teimum eru teir truplastu, tí øll krevja, at vit skulu vinna 3-0 ella 4-0. Men øll lið hava tað trupult ímóti Føroyum, og eg havi eis­ini tosað við onkrar av írunum, og teir siga tað sama. Tað er sera trupult at spæla ímóti Føroyum, sigur Darren Fletcher við Teamtalk. – Hyggur tú eftir lond­ unum í okkara bólki, so er nakað ser­ligt við Før­ oyum. Tað kemst sjálv­ andi av javn­leik­unum, teir hava fingið ímóti okkum, og tað kann henda aftur. Vit eru í einari støðu, har vit einki hava at vinna, og vit vita eisini, hvussu trupult tað er, um tú ikki gevur títt allarbesta frá byrjan og gjøgnum allan dystin ímóti Føroyum. Føroyar og Skotland skulu spæla tvær ferðir ímóti hvørjum øðrum næsta árið. Fyrri dyst­ ur­in verður longu 2. sept., tá ið londini bresta saman í Glasgow. Federer tapti Skotski teenagarin, Andy Murray, gjørdist púrasta óvæntað maðurin, sum steðgaði sigursrøðini hjá heimsins besta tenn­ is-spælara, Roger Federer. Undan dystinum í øðrum umfari av Cincinnati Masters hevði Federer vunnið seg fram til 17 finalur á rað. Men við 7-5 og 6-4 í settúrslitum fekk Murry fínasta tennis-skalpin í heiminum. Tapið hjá Federer bar eisini við sær, at hann ikki røkkur metinum hjá Ivan Lendl í hesum umfarinum. Kekkin, sum í drúgt áramál var eittari á styrkislistanum, var fyri 25 árum síðani í 18 ATP-finalum á rað. -mørk Ullrich í rættin Sveisiska súkklusambandið fyrireikar nú rættarmál móti týska Jan Ullrich, sum eisini er drigin upp í alsamt vaksandi dopin-gølurnar innan súkkluítróttin. Verður Ullrich dømdur, kann hann fáa bann, sum verður millum tvey ár og lívstíð. Ullrich hevur eina ferð áður verið dømdur fyri nýtslu av ólógligum evnum. Hetta tá hann eftir venjing varð testaður positivur fyri nýtslu av amfetamin. -mørk