fríggjadagur 18. august 2006síða 6

6 Nr. 158 - 18. august 2006 Aftrat sínum eyð­sýndu dygdum, er bókin eisini ný­skap­andi í norður­lendskum barna­bókaskaldskapi, bæði hvat viðvíkur teksti og tekningum. Soleiðis ljóðar partur av grundgevingunum fyri at geva Bárði Oskarsson barna­bóks­ virðisløn Útnorður­ ráðsins í dag BÓKMENTA­ VIRÐISLØN Rólant Waag Dam rolant@sosialurin.fo Í dag fekk Bárður Oskarsson handaða barnabókavirðisløn Útnorðurráðsins fyri bókina „Ein hundur, ein ketta og ein mús“. Aftrat heiðrinum fær Bárður Oskarsson 60.000 krónur. Í grundgevingunum fyri avgerðini verður millum ann­­­að staðfest, at aftrat sín­ um eyðsýndu dygdum, er bók­­in eisini nýskapandi í norðurlendskum barna­bóka­­ skaldskapi - bæði hvat viðvíkur teksti og tekning­um. Bárður Oskarsson hevur sjálvur skrivað og myndprýtt bókina, og sum heitið á bókini eisini boðar frá, so snýr bókin seg um ein hund, ein kettu og eina mús. Dómsnevndin sigur í grundgevingum sínum, at søgan er einkul og gjøgn­ umførd, og tekning­arnar eru einklar men fullar av stuttligum detaljum. Dómsnevnd Útnorður­ ráðsins sigur, at talan er um eina barnavinarliga uppgerð við tann dupultmoralska kor­ rekt­leikan, sum merkir tey ný­tímans heim, ið skýggja ósemjur. Stórur heiður Bárður Oskarsson er bú­sit­ andi í Danmark, men er í Føroyum í løtuni. Hann er errin um at fáa hesa virðis­ lønina. – Hetta er ein stórur heiður, og við hesum eri eg nú komin í eitt fínt selskap, segði Bárður Oskarsson, tá Sosialurin fekk orðið á hann í dag, og sipaði til, at áður hava Andri Snær Magnason, Kristín Steinsdóttir og Halla Sólveig Þorgeirsdóttir fingið sama heiður, sum hann nú hevur fingið. Sambært dómsnevndini hjá Útnorðurráðnum, hevur Bárður Oskarsson megnað at vent tiltikna stríðnum millum hundin og kettuna, og kettuna og músina á høvdið. – Við tað, at eg havi brúkt hesar tríggjar figurarnar, eri eg sloppin undan fortelja so nógv, ið onnur longu hava fortalt framman undan. Harvið havi eg kunna latið søguna arbeitt fyri sær sjálvari, og tað er helst ein partur av orsøkunum til, at so nógv dáma bókina, sigur Bárður Oskarsson. Meiri í umbúna „Ein hundur, ein ketta og ein mús“ er veruliga ein bók, sum er fallin í góða jørð nógva staðni. Hon er umsett til bæði franskt og íslendskt, og á bókamessu í Italia í fjør vakti bókin eisini stóran ans. Bárður Oskarsson heldur, at heiðurin hann nú hevur fingið, kann brúkast til at føra bókina fram aðrastaðni eisini. Men hóast bókin er so vælumtókt, so hevur Bárður Oskarsson ikki í hyggju at gera eina uppfylgjandi bók til „Ein hundur, ein ketta og ein mús“. – Tað er ikki ætlanin at gera nakra uppfylging til bókina, men har er ymiskt annað ávegis, og helst skuldi okkurt komið út eina ferð í mars, sigur Bárður Oskarsson, sum í fjør eisini fekk handaðar 60.000 krónur, sum gávugóðs úr grunni Thorvalds Poulsen fyri júst hesa ­bókina, og hinar hann hevur myndprýtt. tíðindi Bárður Oskarsson hevur skrivað og myndprýtt bestu barnabók og ungdómsbók í útnorði í 2006 Mynd Álvur Haraldsen Bárður Oskarsson fingið barnabókavirðisløn Útnorðurráðsins Tríggir av gransk­ar­­ unum, sum skulu vera við á rann­ sóknarferðini Gal­ at­hea 3, greiddu í Norð­urlandahúsinum í gjár frá sínum gransk­ ingarvirksemi umborð á Vædderen GALATHEA 3 Orð & mynd Rólant Waag Dam rolant@sosialurin.fo Í gjár skipaði Galathea 3 fyri almennum tiltaki í Norð­ urlandahúsinum, har greitt var frá søguni hjá Galathea 3 og tríggir av granskarunum umborð á Vædderen greiddu frá sínum virksemi. Teir tríggir fyrilestrar­ haldararnir høvdu 20 minuttir hvør at greiða frá sínum virksemi, og Lone Gram var tann fyrsti, sum fekk orðið. Hon greiddi frá, at tað hon serliga er áhugað í tí, tey nevna Roseobacter-bakteri­ ur, og hví tann bólkurin er so sterkur. Lone Gram greiddi frá, at tey fara at gera royndir av vatni, á slangum, fiski, skjaldbøkum og hval­ spýggjum. Úr teimum royndunum ætla og vóna tey at finna evni, ið kunnu brúkast at menna antibiotika, konserv­er­ingsevni ella probiotika til fisk. Stig Markager var annar fyrilestrarhaldarin og hann greiddi frá, at hann granskaði í tí, sum vit kunnu kalla havsins mold, ella tað sum á fakmáli eitur upployst organisk evni. Teirra royndir verða gjørdar út frá vatni, ið verður tikið upp í bátin ymsa staðni á leiðini. Seinasti fyrilestrarhaldarin var Nikolaj Blom, og hann granskar í tí, ið hann kallaði polarhavsins DNA. Hann vónaði at finna evni, ið møguliga kunnu brúkast sum partur av læknaevnum. Amboðið, sum allir gransk­­ararnir brúka á rann­ sóknarferðini er ein sokallaður vatnheintari. Síðani er ymiskt hvussu og hvat vatnið verður brúkt til, og fyriliggur heilt stóra arbeiðið ikki fyrr enn granskararnir koma í land, og fara at viðgera royndirnar. Granskarar í Norðurlandahúsinum Tá ið fiskikapp ingin var av, fóru børn­ ini við línuskip­ in­um, Ågot, út í Kalsoyarfjørð at kasta fløskupostar Sjómannadagur Vilmund Jacobsen vilmund@sosialurin.fo Hóskvøldið varð skipað fyri fiskikapping fyri børnum á Kósabrúnni í Klaksvík. Fiskikappingin, sum varð skipað í sambandi við Føroya Sjómannadag, fekk stóra undirtøku. Nógv børn og foreldur vóru á Kósabrúnni hesa løtu, meðan kappingin fór fram, og lagið var gott. Børnini vóru ágrýtin, og tá ið fongurin skuldi vigast, høvdu tey Finn Baldvinsson til hjálpar, sum vigaði fiskin fyri tey. Fløskupostar Tá ið fiskikappingin var av, og fongurin vigaður, fóru børnini út í Kalsoyarfjørð við línuskipinum, Ågot, at kasta fløskupostar. Stórur áhugi var fyri fiskikapp ingini Fongurin verður vigaður, og nú hava tey Finn Baldvinsson at hjálpa sær Mynd: Anton K. Højgaard Fakta um Vestnordisk Råds Børne- og ungdomslitteraturpris 2006: Í dómsnevndini sita: Helena Dam á Neystabø Silja Aðalsteinsdóttir, Ísland Vera-Lise Olsen, Grønland Virðislønin verður latin annaðhvørt ár, og varð ein bók frá Grønlandi, Íslandi og Føroyum innstillað til heiðurin í desember í 2005. 30. juni í ár varð avgjørt, at vinnarin varð „Ein hundur, ein ketta og ein mús“ eftir Bárð Oskarsson, og tað varð kunngjørt á Hotel Føroyum í dag. FAKTA