mikudagur 23. august 2006síða 13

14 Nr. 161 - 23. august 2006 Ungi havnarmaðurin Andreas Thomsen bjargaði einum starvs­ felaga, tá ið eldur kom í rækjutrolarinum Havborg, sum teir báðir sigla við. Andreas leyp inn aft­ur í roykhavið og fekk mannin út. Seinni hevur Andreas fingið rós frá norsku bjargingartænastuni fyri bragdið HETJA ORÐ & MYND: Heini S. Kristiansen heinik@sosialurin.fo Rækjutrolarin “Havborg” var beint undan ólavsøku far­in inn í Tromsø, har ið teir landaðu veiðina. Um kvøldið kom eldur í verksmiðjuna umborð á trolarinum. Orsøkin til eld­in er enn ógreið. Um ungi havn­ armaðurin Andreas Thomsen ikki hevði borið skjótt at, kundi eldsbrunin lættliga enda við einari vanlukku. Andreas leyp inn aftur í roykhavið Klokkan var um 22, tá ið roykalarmurin fór frá. Flestu av manningini vóru farnir í land, og einans fýra vóru eftir umborð. Tveir vóru tørnaðir inn, og Andreas var júst komin inn í kamarið, tá ið alarmurin fór frá. Andreas og ein annar lupu upp á kajuna, og lítla løtu seinni kom annar av teimum, sum vóru tørnaðir inn. Teir vistu ikki heilt, hvussu nógvir teir vóru um­­borð, men teir hildu, at ein lá og svav í kamarinum á hæddini uppiyvir verk­ smiðjuni. Andreas Thom­ sen gjørdi skjótt av og leyp niðan á brúnna eftir royk­ ka­varaútgerðini. Hann fór inn aftur eftir mann­in­um við roykmasku og súr­evn­is­ fløskum. Eg sá, at eldurin kom frá verksmiðjuni, og roykurin hevði spreitt seg í gongini. Tað var tjúkt í royki, sigur Andreas. Andreas brast inn á kam­ arið hjá manninum og greiddi honum frá støðuni. Hann lá enn og svav, tá ið eg kom inn. Hann gjørdi sera skjótt av, tá ið eg segði honum, at eldur var í. Hann tók t-skjúrtuna yvir munnin og rann so út saman við mær. Tað kundi lættliga verið gal­ in endi, um Andreas ikki hevði gjørt so skjótt av. Roykurin hevði spreitt seg, og hevði Andreas verið 2 minuttir seinni, hevði mað­urin helst doyð av roykeitran. Norska bjargingar­ tænastan rósti Andreasi Yvirritaði var inni í skipinum og sá, hvar Andreas fann sín arbeiðsfelaga, og hvussu langt teir gingu í tjúkkum royki. Nú er skipið umvælt, og tað sæst ikki so væl, at eldur hevur verið í, men tú luktaði enn roykin. Summi kømur vórðu fullkomiliga oyðiløgd av roykinum. Tað hevur sjálvandi ver­ ið ein ordans hvøkkur hjá viðkomandi at verða vaktur til eitt skip í eldi og at verða noyddur at renna út í náttklæðum. Allir fýra fóru beint á sjúkrahúsið, har ið teir vóru kannaðir, men teir høvdu tíbetur ikki fingið nakrar løstir. Ein tílík hending kann seta seg í minni, men teir eru komnir væl yvir tilburðin. Andreas er sera lítilátin og dámar ikki at gera so nógv burturúr sær sjálvum. Men tá ið hann ikki sjálvur vil reypa um bragdið hjá sær, mugu onnur gera tað fyri hann. Norska bjargingartænastan hevði flott rósandi orð at bera Andreasi. Teir søgdu, at tað var eitt rættiligt bragd, sum Andreas hevði framt. Teir í reiðarínum eru eisini sera ernir av Andreasi. Orsøkin ógreið Havborg liggur nú í Runa­ vík, har ið skaðarnir verða umvældir. Enn er or­søk­ in til eldsbrunnan ógreið. Sum sagt kyknaði eldurin í verksmiðjuni, men eingin dugir at siga hví. Avleiðingarnar kundu lættliga verið verri, um skipið var til havs, ella um eldurin hevði kyknað um náttina. Tá ið sjómenn koma út fyri slíkum støðum, er tað gott, um teir hava tikið trygdarskeiðið. Andreas heldur, at skeiðið er av størsta týdningi. – Eg brúkti tað, sum eg havi lært á trygdarskeiðinum. Vit hava lært okkum at fáast við eldsbrunnar við Áir, og tann førleikin kom væl við, tá ið eldur kom í verksmiðjuna, sigur Andreas. Andreas er umborð á Havborg, har ið teir gera skipið í stand. Hann ætlar sær við aftur, tá ið trolarin fer í fiskislap aftur. Andreas Thomsen stendur í kamarinum, har ið maðurin svav. Andreas leyp innaftur eftir honum, tá ið teir funnu útav, at hann var eftir í tí brennandi skipinum. Hevði Andreas verið 2 minuttir seinni, hevði maðurin doyð av roykeitran Bjargingar­ maður fær rós frá bjargingar­ tænastuni Hotel Norð varð sett til sølu fríggjadagin. Eigarin Jógv­an Heinesen sigur, at onk­ur keypari hevur sýnt hot­ellinum áhuga, men at einki seriøst boð er komið enn. Hann leggur dent á, at hann ikki ætlar sær at selja fyri ein og hvønn prís. Stórur vøkstur hevur verið í virkseminum hjá Hotel Norð tey síðstu fýra árini. Størstan vøkstur hava tey merkt síðan maj mánaða í ár, eftir at Norðoyatunnilin lat upp og virksemið er blivið meira stabilt, enn tað var frammanundan. Tí heldur Jógvan Heinesen, at rætta stundin er komin til at selja hotellið, sum hann hevur átt part í síðan 1998 og sjálvur hevur átt og rikið tey síðstu árini. Jógvan Heinesen hevur nú hug at royna at gera okk­urt annað, eftir at hann hevur arbeitt so nógv við fólki tey síðstu árini. Hann sigur seg vera troyttan av hotelvirkseminum og vil hava meira tíð til familjuna. - ella Selir Hotel Norð