hósdagur 24. august 2006síða 9

Nr. 162 - 24. august 2006 9 tíðindi Í komandi viku skuldu havhestaungarnir so smátt farið at flogið úr berginum og á sjógvi. Eitt sindur ymiskt kann vera, nær ungin fl‡gur út av rókini. Hetta veldst um, hvussu búgvin fuglurin er, og hvussu veðrið háttar sær í havhestatíðini Havhestur Vilmund Jacobsen vilmund@sosialurin.fo Líradagur er 26. august, og tá plagdu menn at draga líra í oyggjum, har skrápur reiðrast. Men hetta er eisini tíðin, tá ið teir, sum ætla sær at taka havhest á sjónum, fara at rigga seg til. Glúpurin skal finnast fram­ aftur og eftirhyggjast, og somuleiðis skal gass og salt keypast. Íløt og annað skal verða klárt, tá ið teir fyrstu feitu fuglarnir liggja inni á gólvinum í neystinum ella í skúrinum. Komandi vika Enn er nakað tíðliga at gera ta fyrstu royndina, men seinni í hesi vikuni – ella fyrst í komandi viku - loysa ivaleyst teir fyrstu bátarnir og stevna út á hav. Besta tíðin er vanliga um mánaðarskiftið, august/ september. Havhestatíðin er ein hugna­ lig tíð. Menn sita í neyst­ unum og royta og svíða, og svidnaroykurin sker í næs­ arnar kring um í bygd­ini. Tað eru teir, sum royna at tjena sær nøkur oyru í havhestatíðini – og so eru tað aðrir, sum bara hugsa um at taka sær til húsbrúks. Veðrið hevur alt at siga, hvussu hendan tíðin vignast. Í fjør heyst helt fugla­ maðurin, Jens-Kjeld Jensen, at útlitini fyri havhesti vóru vánalig. Hetta segði hann, eftir at hann saman við øðrum hevði kannað eftir, hvussu støðan við havhestinum var Havhestur Vilmund Jacobsen vilmund@sosialurin.fo – Eg havi ikki sæð nakað líknandi seinastu 15 árini. Er støðan tann sama um alt landið, verður havhestatíðin helst sløk í ár, skrivaði Jens- Kjeld Jensen, fuglamaður, í Dimmalætting í fjør heyst. Hann vísti á, at lundin sveik í fjør summar, og at menn meta orsøkina vera ov lítil føði við landið. Aftur í ár sveik lundin. Jens-Kjeld vísti í greinini á, at eins og lundin svíkur, hevur seinnu árini eisini verið líkt til, at havhesturin er í minking. Sum tann nærlagdi fugla­maðurin, hann er, var Jens-Kjeld Jensen saman við øðrum nólsoyingum í fjør heyst, tá ið teir sigu í Grønadalsrók og Skirisvølli eystantil á Nólsoynni. – Vanligi fongurin plagdi at vera einir 50 havhestaungar, men í ár vóru hesir einans 43 í tali. Talið 43 er ikki einki, men so er eisini alt sagt, helt fuglamaðurin fyri í greinini. Hann vísti á, at í 10 øðrum reiðrum hevði ungi verið, men har var bara nakað av dúni eftir. – Helst eru ungarnir í hesum reiðrum deyðir – av svongd, og síðan hava másar og aðrir fuglar etið teir. At enda segði Jens-Kjeld Jensen seg ikki hava sæð nakað líknandi seinastu 15 árini. – Er støðan hin sama kring alt landið, verður havhestatíðin helst sløk í ár, legði hann aftrat. Vit kunnu leggja aftrat, at ilt er at siga, um havhesturin er í minking ella ikki, men tá ið samanum kom í fjør heyst, var havhestatíðin ikki so miseydnað kortini. Í staðin fingu einstakir bátar meira fugl enn nakrantíð áður. So, spennandi verður at síggja, hvussu heystið fer at vignast hesaferð. Havhestur: Døpru útlitini í fjør hildu ikki Havhestatíðin í fjør vignaðist væl, og bátar fingu nógvan fugl Mynd: Vilmund Jacobsen Nú nærkast havhestatíðin M-kappingum í sjómansskapi leygardagin Mynd: Álvur Haraldsen Hópur av fólki var til tey mongu tiltøkini á stóra pallinum við ferjuleguna Mynd: Álvur Haraldsen