hósdagur 24. august 2006síða 26

26 Nr. 162 - 24. august 2006 ítróttur SAMBAND Árni Joensen fartekst@mail.dk tlf 341800 Tvey dreymamál reistu oddaliðið á Møl­ini tá toppur og botnur í Formula­ deild­ini brustu sam­ an. EB/Streymur spældi ÍF sundur og saman í fyrra hálv­leiki, men í seinna hálvleiki var ikki sama ferð yvir oddaliðnum, sum kortini ikki loyvdu fuglfirðingum fram at máli sínum FÓTBÓLTUR Rólant Waag Dam rolant@sosialurin.fo Toppur og botnur brustu saman í útsetta dystinum á Mølini mikukvøldið. Nógv hevur verið tosað um møgulig gummibein á Eiði, og at hetta var nakað botnliðið mátti gera sær dælt av í royndinum at sleppa undan niðurflytingini. Men tá fyrri hálvleikur var av á Mølini, hevði EB/ Streymur staðfest munin millum liðini bæði, og hó­ast seinni hálvleikur var lítið áhugaverdur og EB/­Streymur á ongan hátt beit frá sær, so var sigurin ongantíð í vanda. Dreymamál EB/Streymur gjørdi bein­ an­vegin greitt, at tað vóru teir, ið settu treytirnar, tá dysturin skuldi spælast. Tá tíggju minuttir eru spældir vera fuglfirðingar ávaraðir, tá Rafal Kwiecinski buldrar eitt langskot á tvørtræið. EB/Streyma-liðið tóktist at vera vælupplagt, og á ongan hátt nervað av gummi­beins­ tosinum. Stuttir bóltar, langir bóltar, driblingar og fintir. Alt riggaði sum tað skuldi, og fuglfirðingar vórðu púrasta settir úr spæl­inum. Tjúgu minuttir inn í dyst­ in fær EB/Streymur hol á. Bólturin verður fluttur nið­an í vinstru síðu, og tá teir nærkast brotsteiginum, verður bólturin latin Teiti Joensen, sum stendur longur inni á vøllinum. Hann lyftur bóltin út aftur í høgru til Arnbjørn, ið leggur bóltin við bringuni og fluktar bóltin flatt yvir í handara málhorn. Eitt vakurt og vælspælt mál frá EB/Streymi. Løtu seinni er Arnbjørn aftur nær við, tá hann í sam­ band við eitt hornaspark er um at beina bóltin í netið. Alt bendi á, at her var meiri enn tað eina máli frá EB/Streymi í væntu, og tað staðfesti Rafal Kwiecinski, tá hálvur tími var spældur, tá hann enn einaferð rakti tvørtræið við einum kanón­ skoti. Væntaða málið kom so, tá góður hálvur tími var spæld­ ur, og var málið frá Arnbjørn flott, so var málið frá Hans Paula ikki minni gott. Eitt innlegg verður lagt inn í brotsteigin úr vinstru, men bólturin støkkur út aftur í vinstra borð. Har stendur Hans Pauli, og á sjálvum brotsteigarmarkinum heil­ flukt­ar hann bóltin við vinstra bólti upp í handara málhorn. Eitt satt dreymamál frá snurritøppinum úr Vík. Fimm minuttir fyri leik­ lok var Arnbjørn aftur fram­við, tá hann snildisliga við hælinum legði bóltin í netið, men linjuverjin hjá væl­dømandi Dagfinni Olsen veittraði fyri rangstøðu og tí varð málið kolldømt. Seinastu minuttirnar fyri hálvleik vitjaði ÍF í EB/ Streyma-brotsteiginum fyri fyrstu ferð í dystinum, men ongin veruligi vandi stóðst av hesum. Sleptu speedaranum Seinni hálvleikur gjørdist ongin fótbóltsuppliving. Vert­irnir høvdu nú slept speed­aranum, tað var longri millum keturnar og sendingarnar lógu ikki eins væl sum í fyrra hálv­leiki. Óskipað er besta lýs­ing­in av oddaliðnum seinastu trý korterini, har tað heilt sjónligt, at leikar­arnir vóru nøgdir við tvey­máls­ leiðsluna. Fuglfirðingar vóru hin­ vegin lítið frægari enn í fyrra hálvleiki. Hugflogið fram­eftir vøllinum var ógvu­liga avmarkað. Hanus Elia­sen royndi at sprella við­hvørt, men hevði truplar arbeiðsumstøður einsamallur á toppinum móti Egil á Bø og Fróða Clementsen. Fáir møguleikar vóru at hóma, og burtursæð frá tí einu ferðini, har Hans Pauli var rangstaddur, tá hann fekk bóltin í netið, var ongin upplagdur málmøguleiki hjá heimaliðnum. Fuglfirðingar royndu at leggja eitt ávíst trýst, men tað var sjáldan at boð vóru eftir René Tórgarð í EB/Streyma-málinum, og tí komu heldur ongi mál í seinna hálvleiki. Øktu um fjarstøðuna Dysturin millum topp og botn í Formuladeildini endaði har­ við við einum tryggum 2-0 sigri til EB/Streym. Sama úrslit sum í fyrsta dystinum partanna millum í ár, tá teir leiktu á Mølini, men stóri munurin á dystinum nú og tá var, at hesaferð hálaði EB/­Streymur sigurin í hús í fyrra hálvleiki, meðan tá komu tey trý stigini ikki til hølvdar fyrr enn í seinastu minuttunum av dystinum. Eftir tveir dystir uttan ein sigur, reisti oddaliðið seg aftur og fjarstøðan til næstu liðini er nú fimm stig. Hjá fuglfirðingum sær tað hinvegin trupult út. ÍF liggur aftast, og er eitt stig aftanfyri B68. Tað kunnu teir tó ikki brúka til so nógv, tí seks stig eru upp til VB/ Sumba, sum liggur omanfyri niðurflytingarmarkið. Egil á Bø, sum fekk ein skaða í dystinum móti ÍF, og ikki verð­ur við í móti NSÍ sunnu­dagin, vísir aft­ur, at talan var um gummibein hjá felagsliðnum undan dystinum í gjár FÓTBÓLTUR Rólant Waag Dam rolant@sosialurin.fo Tíggju minuttir fyri leiklok varð liðformaðurin hjá EB/­Streymi styðjaður av vøllinum og síðani skiftur út. Tað sá onki serligt út hjá Egil, og tá vit fingu orðið á hann eftir dystin greiddi hann soleiðis frá: – Eg og ein fuglfirðingur hoppaðu upp eftir einum bólti. Bein okkara fløktust saman, og eg lendi so mik­ ið skeivt, at eg beklaði. Eitt hendiligt óhapp, men beini sær onki serliga gott út nú. Tað er fótliðurin, ið er meiddur og eg haldi tað eru liðbondini, sum ikki hava tað so gott. Fóturin er so rættiliga hovin og eri verið heilt víst ikki við sunnu­dag­in móti NSÍ, sigur Egil á Bø, liðformaður hjá EB/Streymi. Hetta er ein svárur miss­ ur hjá EB/Streymi, tí van­ ligi partamaðurin hjá Egil í miðverjuni, Marni Djur­ huus, er eisini úti við skaða, og óvist er nær hann kemur fyri seg. Men hóast skaðan, sum Egil á Bø júst hevur fingið, er lagið gott á honum. – Vit spældu ein fínan fyrra hálvleik, har vit vóru rættiliga ágrýtnir. Seinni hálv­leikur var merktur av óruddiligum spæli, men eg haldi, at vit høvdu tamarhald á støðuni alla tíðina og sig­ ur­in var ongantíð í vanda. Tvørt­ur ímóti var hann fult uppiborin og helst átti hann at verið størri, staðfestir Egil á Bø. Ongi gummibein Eftir tapið fyri B36 byrj­aði tosið um møgulig gummi­ bein á Mølini, men hesum vísir liðformaðurin hjá EB/ Streymi aftur. – Nei, her eru als ongi gummi­bein. Vit byrjaðu seinnu hálvu við nøkrum strævnum dystum, har vit fyrst vinna á KÍ í Klaksvík, síð­ani spæla javnt í móti HB á Mølini og so tapa fyri B36 í Havn. Hetta eru alt truplir dystir, og undan dystinum móti B36 høvdu vit fyrr í ár verið tríggjar ferðir í Gundadali og vunnið hvønn dyst. So at vit tapa ein av fýra dystum í Gundadali, haldi eg ikki vera so galið. – Vit hava alla tíðina trúð upp á okkum sjálvar, og tað gera vit framvegis nú vit hyggja fram ímóti dystinum móti NSÍ sunnudagin, sigur skaddi liðformaðurin hjá EB/Streymi, Egil á Bø. Egil úti móti NSÍ – Egil á Bø verður heilt víst ikki við sunnudagin móti NSÍ, eftir skaðan hann fekk í fótin í gjárkvøldið ~ Mynd Sofus D. Johannesen EB/Streymur – ÍF 2-0 (2-0) Dreymamál reistu oddaliðið ÍF EB/Streym EB/Streymur – ÍF 2-0 (2-0) 1-0: Arnbjørn Hansen, 19. 2-0: Hans Pauli Samuelsen, 32. EB/Streymur: René Tórgarð – Gert Hansen, Egil á Bø (Esmar Eiðisgarð, 81.), Fróði Clementsen, John Heri Dam – Teitur Joensen (Leif Niclasen, 63.), Rafal Kwiecinski, Bárður Olsen, Sorin Anghel, Hans Pauli Samuelsen – Arnbjørn Hansen (Brian Olsen, 88.). Gul kort: Egil á Bø, Bárður Olsen ÍF: Andras Gango – Áki Petersen, Árni Petersen, Símin Eliasen, Frank Poulsen – Dánjal Pauli Højgaard (Amin Fallah, 75.), Høgni Zachariassen, Christian Solberg, Alexander Jovevic (Tòrður Lervig, 46.), Nenad Carich – Hanus Eliasen (Hjalmar Dalbú, 86.). Gul kort: Dánjal Pauli Højgaard, Christian Solberg, Tórður Lervig. Dómari: Dagfinn Olsen. FAKTA Sí annars kykmyndir á www.portal.fo har mál, hæddarpunt og samrøður eru at síggja – Nei her eru als ongin gummibein...Vit hava alla tíðina trúð upp á okkum sjálvar, og tað gera vit framvegis nú vit hyggja fram ímóti dystinum móti NSÍ sunnudagin Egil á Bø, liðformaður hjá EB/Streymi – Fuglfirðingar royndu at fylgja við EB/Streymi, men munurin millum topp og botn var staðfestur á Mølini í gjár Mynd Sofus D. Johannesen