fríggjadagur 25. august 2006síða 14

16 Nr. 163 - 25. august 2006 tíðindi útlond Fyri átta árum síðani hvarv tann 10 ára gamla Natascha Kampusch í Wien. Nú er hon komin afturíaftur Mikudagin eydnaðist tað Nataschu Kampusch at flýggja frá manninum, sum hevði havt hana sitandi í einum bilhúsi í samfull átta ár. Hon var ein vanlig tíggju ára gomul smágenta, tá hon hvarv. Nú er hon vaksin kvinna. Øll í Eysturríki hoyrdu um ta tíggju ára gomlu gent­ una, tá hon brádliga hvarv tann 2. mars í 1998. Stór løg­reglulið vórðu sett at leita eftir gentuni. Løgreglan steðgaði 700 vøruvognum, men til fánýtis, og at enda kom løgrewglan til ta niður­ støðu, at gentan helst var endað í Ungarn. Millum tey mongu, sum løgreglan avhoyrdi tá, var tann 36 ára gamli Wolfgang Priklopil, men hóast hann hevði ilt við at sannføra løgregluna um, hvar hann hevði verið, tá Natascha hvarv, gjørdi løgreglan av at lata hann sleppa. Øll høvdu mist vónina um at síggja gentuna aftur á lívi, tá hon brádliga bankaði á dyrnar í einum húsum í tí lítla býnum Strashof miku­ dagin. – Hon var sinnilig. Tað týdn­ ingarmesta er nú at sannføra hana um, at hon er sloppin leys, og at henni nýtist ikki at stúra fyri mann­inum, sum burturflutti hana, sigur Erich Zwettler hjá eyst­urríksku løgregluni við DPA. Minur og granatir Pápin var tann fyrsti, sum fekk at vita, at Natascha var komin afturíaftur, og hann var sum vera man skjótur á løgreglustøðina at síggja gentuna aftur. – Hon tók uppaftur og upp­ aftur, at hon elskaði meg, segði hann sinnisrørdur við fjølmiðlarnar. Eysturríkska løgreglan hevur verið sparin við upp­ lýsingum um, hvussu gent­an hevur havt tað øll hesi átta árini, hon hevur hildið til í bilhúsinum hjá Wolfgang Priklopil. Tað er tó komið fram, at hon hevur ikki verið fyri kynsligum ágangi, men at hon skuldi vísa burturflytara síinum virð­ing í gerandisdegnum. Hon hevði bæði útvarp og sjónvarp í bilhúsinum, og hon slapp eisini at lesa bløðini. Men hon kundi ongantíð kenna seg trygga, tí hon hevði fingið at vita, at bæði minur og granatir vóru í bilhúsinum, og at hon tí skuldi ansa sær. Flýddi til grannan Tað var ikki fyrr enn seinni, at Natascha skilti, at tað bar til at flýggja frá Wolfgang. Hann var farin at hugsa um at keypa sær eini onnur hús, og tað vísti seg, at hann læsti ikki bilhúsið, tá hann fór at hyggja eftir húsum. Mikudagin gjørdi Nat­ascha av at flýggja yvir í garðin hjá grannanum. Kvinn­an, sum búði í granna­­húsunum, ringdi til løg­­regluna og boðaði frá, at eitt barn gekk og mól í garði hennara. Løgreglan var skjót á staðið. – Góðan dag. Eg eiti Natascha Kampusch! Løgreglan í Wien held­ ur, at tann 44 ára gamli burturflytarin gjørd­ist bang­ in, tá nakrir løgreglu­menn fóru at leita eftir leivdunum av einum barni uttan fyri ein djóragarð í býnum. Ein fangi hevði greitt myndug­ leikunum frá, at ein av hin­ um fangunum segði seg hava beint fyri Nataschu Kam­pusch og jarðað líkið uttan fyri djóragarðin. Tók lívið av sær Hvussu er og ikki, so bað Wolfgang P. ein vinmann hjálpa sær, tí løgreglan var farin at leita eftir sær. Sam­ bært vinmanninum segði hann, at hann hevði koyrt við kenning, og at løgreglan tí vildi hava fatur á sær. Vinmaðurin fór eftir Wolf­gang P., men tá teir høvdu koyrt eina løtu, bað Wolfgang hin steðga. Løtu seinni fekk løgreglan boð um, at ein maður hevði beint fyri sær við at leypa út fyri eitt tok. Kanningarnar staðfestu skjótt, at talan var um Wolfgang Priklopil. Grannarnir undrast Í dag spyrja grannarnir í Strashof, hvussu í verðini Wolfgang Priklopil kundi fjala Nataschu í bilhúsinum, uttan at nakar teirra varnaðist tað. Millum teirra er fyrr­ verandi løgreglumaðurin Franz Hafergut. Við blaðið Die Presse sigur hann, at síðani mikudagin hevur hann fleiri ferðir spurt seg sjálvan, hvussu tað ber til, at ein so royndur løgreglumaður sum hann ikki skal hava varnast nakað. Franz Hafergut greið­ir frá, at Wolfgang Priklopil var fyri tað mesta fyri seg sjálvan. Av og á plagdi hann at skjóta dúgvur og smáfuglar. – Var tað veruliga Wolf­ gang, sum burturflutti Nat­ aschu, spyr ein annar granni. Tann 66 ára gamli Josef Jants­chek hevur ilt við at trúgva tí. Hann var tann ein­asti av grannunum, sum hevði nakað samband við Wolfgang. Væl var hann eitt sindur egin, men kortini ikki serstakur á nakran hátt. – Eg sá hann mánadagin. Tá var hann í ferð við at umvæla bremsurnar á bilinum, sigur Josef Jant­ schek við Die Presse. Natascha var burturi í átta ár Wolfgang Priklopil var sambært grannunum eitt sindur egin Natascha Kampusch sum tíggju ára gomul