mánadagur 28. august 2006síða 4

Nr. 164 - 28. august 2006 7 tíðindi Tað er hóskvøld og vit, 85.000 spentar popp­sálir, standa á miðjútskum fløt­­um í Horsens - Popp­ heims­ins mið­stað­ur í eitt kvøld. Klokkan 21.22 byrjar showið – hin kongaliga popp­ í­­mynd­in Madonna trín­­ur á pallin úr eini silv­urglitrandi disk­o­ kúlu – 120 minuttir seinni, kl. 23.22, endar showið KONSERTUMMÆLI Johan Jacobsen johan@sosialurin.fo Tað er næstan – men bara næstan – óhugnaligt at hugsa sær, hvussu væl smurd hendan framførslan var. Madonna er eitt sentr­ um í poppheiminum, eitt ikon, sum øll, ið hava nak­ að við hendan heimin at gera hava lagt til merkis. Í august mán­aði hevur hon spælt fyri fleiri øðrum evr­ o­pe­rarum, ja fleiri – okkurt sum nærkast 1.000.000. Alt hetta er partur av kon­sert­ ferð­ini Confessions Tour 2006. Í Evropa er talan um 20 konsertir, sum allar eru útseldar, t. d. heili átta á Wembly Arena í London. Á veg inn á konsertøkið, gjøgnum gøtur í Horsens, hoyr­­ir ein fleiri ymisk tung­ u­­­­mál­um, svenskt, týskt, norskt, okkurt eyst­u­r­ev­rop­ iskt, arabiskt, danskt og sjálv­andi er føroyskt eisini at hoyra millum tey 85'. Seks ungar havnadamur, sum vanliga búgva í Århus hava tikið túrin suður til Horsens. Og tað var eisini stórt í Horsens. Sjey fótbóltsvøllir skuldu til fyri at leggja grund­ina undir hetta risa­ stóra konserttiltak. Undan, und­ir og eftir konsertina vóru 4.500 hjálparfólk í sving. 1.000 2-manstjøld vóru sett upp á Madonna Camp til gestir, sum høvdu brúk fyri at gista. 85.000 upplivdu Madonnu gera tað, sum hon skuldi og tað, sum hon er kend fyri. Og sum tað hóskar eini poppdrotning væl, so kom hon á pallinum úr eini silv­ ur­­glitr­andi diskokúlu, sum varð hivað upp á pallin. Á pallinum sjálvum hevði dansurin ein stóran leik­lut, instrumentini vóru fá og lítið sjónlig. Dansur hev­ur verið ein megintáttur í framførsluni hjá Madonnu gjøg­num øll árini. Teir flestu sang­ir­nir hava innflættað dans­in í tónleikin, soleiðis at dansurin er partur av út­trykk­inum og stuðlar ein­ um ávísum huglagi. Eini 15 dans­arar vóru í gongd og sjálv­andi hon sjálv eisini. Og sjálvt um hon nærkast teim­um 50, so vóru tey 48 ár­ini næstan ikki til at síggja aft­ur. Pallframførslan var týð­u­liga topp-professionel og imponerandi at síggja, hó­ast ein stóð einar 300- 500 metrar burturfrá. Trígg­ir stórskíggjar hjálptu til við at varpa tað sum hendi á pallinum út til øll á leikvøllunum í Horsens. Hetta var eitt kon­sert­ upp­liv­ilsi av teimum stóru. Men stórt er neyðturviliga ikki tað sama sum gott – ein­um nýtist ikki at uppliva tað sum gott ella minniligt. Sum eg upplivdi konsertina, so var hon ikki so feit. Heilt ein­falt av teirri orsøk, at tón­leikurin, sum Madonna hevði valt sær ikki var júst tann, sum eg hevði ynskt mær. Men viðvíkjandi tí log­istiska var einki at koma eft­ir. Poppmaskinan var væl smurd og framførslan var sann­førandi. Ongir steðgir ella nakað sum minti um, komu fyri – undirhald í heims­klassa. Løgini streym­ aðu út í einum jøvnum stima við góðari ljóðgóðsku. Tað var bæði sannførandi og hugtakandi at hoyra, hvussu løgini viku frá útsetingunum á fløg­u­út­ gávu. Hetta var galdandi fyri endabrestin, og av­gjørt eitt hæddarpunkt á konsertini, »Hung Up«. Lag­ið Hung Up, hvørs nið­ ur­lag er lænt/keypt frá ein­ um kendum ABBA-hitti, riggaði ótrúliga væl við ráum kassagittara-spæl­ið, ið tónaði týðuliga burt­ur­úr tí annars ráðandi elek­tron­ isk­a landskapinum. Á kvøld­ i­num vóru nakrar skín­andi sang­perlur á skránni, men tað var mest sum ov nógv disco yvir tí mesta, soleiðis at tað var meiri enn nokk fyri yvirritaða. Men lagið Drowned World/Substitute for Love, í akkustiskari út­set­ ing, var sera væl eydnað og bleiv ein hesa løtuna mintur á ta ótrúligu røddina, sum popp/dansi-drotningin jú eis­ini livir av. Presist tveir tímar eftir at tað byrjaði, endaði showið, og meðan tey 85.000 gingu av vøllunum stóð á stór­ skíggj­unum »Have you con­ fes­sed?«. Fólk virkaðu at vera væl mettaði, eing­in stórvegis róp eftir eyk­a­løg­ um. Beinanvegin var byrjað at taka útgerð, hátalarar og ann­að niður. Næsta staðið á Confessions-konsertferðini er Paris. Um tú var ein av teimum 85 túsund, so hevði tú hoyrt hesi løgini: 1. Future Lovers/I Feel Love. 2. Get Together. 3. Like A Virgin. 4. Jump. 5. Live To Tell. 6. Forbidden Love. 7. Isaac. 8. Sorry. 9. Like It Or Not. 10. I Love New York. 11. Ray Of Light. 12. Let It Will Be. 13. Drowned World/Substitute For Love. 14. Paradise (Not For Me). 15. Music Inferno. 16. Erotica. 17. La Isla Bonita. 18. Lucky Star. 19. Hung Up. FAKTA Poppdrotningin í tí miðjútska Hetta var eitt kon­sert­upp­liv­ilsi av teimum stóru. Men stórt er neyðturviliga ikki tað sama sum gott – ein­um nýtist ikki at uppliva tað sum gott ella minn iligt.