fríggjadagur 1. september 2006síða 6

6 Nr. 168 - 1. september 2006 tíðindi Stutt sagt Eivør Pálsdóttir er, saman við tveimum øðrum nøvnum, vald sum oddafiskur í danskari verkætlan, sum hevur til endamáls at fremja útflutingsfremjandi arbeiði innan danskan fólkatónleik Tónleikur Dagfinn Olsen dagfinn@sosialurin.fo “Danish Roots” eitur til­ tak, ið hevur undir­heitið; “Bringing danish folk and roots music to the world”. Eivør Pálsdóttir er vald sum oddafiskur í donsku ætlanini, saman við donsku nøvnunum Haugaard & Højrup og bólk­ inum Instinkt. Umframt tey 3 odda­ nøvnini í ætlanini, fáa aðrir bólkar eisini stuðul, og teir eru Henrik Jansberg Band, Afengin, Trio Mio, Zar og Tumult. Aftan fyri ætlanina standa Folke­­­musik­­kens Fæl­les­råd, Tønder Festival, DJBFA, og Kopifon, skrivar Jyllandsposten. Danskir fólkatónleikarar hava havt vaksandi virksemi uttanlands seinnu árini og Danish Roots hevur til endamáls at stimbra hesi gongd. Eivør fær danskan útflutningsstuðul Áskoðarnir í Tønder geva so nógv aftur til tey, ið standa á pallinum, sigur Eivør, ið tí elskar at spæla í lítla suðurjútska býnum, á heimasíðuni hjá Tønder Festivalinum ber nú til at uppliva hesa spæligleði. Tónleikur Niels Uni Dam nielsuni@sosialurin.fo Framførslan hjá Eivør og Sebastian á Tønder Festi­ valinum fekk øgiliga jaligt ummæli í Jyllands­posten, nú ber til hjá teimum, ið ikki vóru í Tønder hetta vikuskiftið at uppliva eitt brot av konsertini, eins og tey, ið vilja enduruppliva løtuna sleppa tað. Á heimasíðuni hjá festivalinum liggur film­ klipp av framførsluni. Á tf.dk/pages/video.php liggur filmrapport av ársins festivali, í filmklippinum Eivør og Sebastian, greiður Eivør frá, hví tað er ein serlig uppliving at spæla í Tønder. - Eg elski at syngja í Tønder, tí at áskoðararnir eru so deiligir, teir geva so nógv aftur til tey, ið standa á pallinum, man fær so nógva orku, greiðir Eivør frá í stuttari samrøðu í filmklippinum. Filmklippið er rættiliga langt, fyrst kann man uppliva Eivør við bólki syngja Just a Friend of Mine, her er talan um eina Eivør í hopla, og framførslan er sera livandi. Tað hoyrist væl, hvussu væl fólkið syngur við. Síðan er lítla prátið við Eivør, áðrenn eitt lag av framførsluni hjá Sebastian og Eivør kemur. Hetta er ein ómetaliga vøkur framførsla, sum vit nú kunnu uppliva á alnetinum. Eivør og Sebastian kunnu upplivast á alnetinum Tey av Kamarinum fyltu í fjør fimti ár, og systkini Eybjørn og Nicolina, ið eru tey einastu, ið hava verið við óbrotið hesi fimti árini hátíðarhildu runda føðingar­ dagin við eini fløgu­útgávu, og nógvum konsertum, eitt nú eini sera væleydnaðari á Summarfestivalinum. Hetta vikuskiftið fara tey aftur á pall, tá tey spæla til dans í Tórshøll. Tey av Kamarinum byrj­ aðu í 1955 at framføra tónleik av tí lættara slagnum. Síðan tá hevur manningin verið skiftandi. Umframt hini 5 systk­ ini, Hjørleif, Áslakk, Margrethu, Ingolf og Jákup, hava mangir av fremstu tón­ leikarum okkara í styttri ella longri tíð spælt saman við Teimum av Kamarinum. Á G!Festivalinum í ár vóru Nicolina og Eybjørn við á felagssanginum, har serliga Nicolina vísti, at hon enn er ein sonn stjørna. Tað ber til at lesa meira um klassiska bólkin á heima­­­síðuni www. teyavkamarinum.com nud Føroya elsti bólkur fer aftur á pall Konsertin hjá Madonnu í Horsens sæst nú aftur á donsku hittlistunum, á almenna sølulistanum í Danmark hevur Madonna ikki óvæntað mest seldu fløguna í farnu viku, talan er um Confessions On A Dancefloor, meira forkunnugt er, at Madonna hevur 8 fløgur millum tær 31 mest seldu. Á 10 plássi liggur I’m Going To Tell You A Secret, á einum deildum 14. plássi liggja Like A Virgin, Ray Of Light og Music. Like A Prayer liggur á 26. plássi, True Blue á 29. plássi og The Immaculate Collection liggur á 31. plássi. Alt í alt sera sannførandi søla av Madonnu. nud Madonna hevur 8 fløgur á danska sølulistanum Norska løgreglan kunn­ gjørdi á tíðindafundi ígjár, at málningarnir hjá Edward Munch Skríggið og Madonna eru komnir aftur í aftur tvey ár eftir, at málningarnir vórðu stolnir á alljósum degi. Talan er um tveir av best umtóktu málningunum hjá Munch og hetta eru sera dýrar málningar, eitt nú er Skríggið mett at hava ein kostnað umleið hálva milliard kr, skrivar Berlingske Tidende. Málningarnir eru í góðum standi, men fjøl­ miðl­ar­nir sluppu ikki at síggja málningarnir, løgreglan var sera fámælt á tíðindafundinum. Hon vildi ikki avdúka hvar málningarnir vóru funnir, ella hvussu hetta var fari fram. Men segði, at eingin var handtikin í málinum. Risaupphæddin, ið er lova í finningarløn, verður heldur ikki útgoldin, skrivar Berlingske Tidende. Løgreglan segði somu­ leiðis, at hon var sannførd um, at málningarnir hava verið í Noregi, síðan teir vóru stolnir, hóast søgur hava verið frammi um, at onkur fanatiskur listasavnari uttanlands hevði keypt teir. nud Skríggið og Madonna eru aftur funnin Konsertferðin hjá Týr byrjar í dag, Tað var longu kunngjørt at bólkurin skuldi spæla 24 konsertir saman við við finska bólkinum Let Me Dream og týsku bólkunum Apokalyptischen Reiter og Hämatom, men nú eru 4 konsertir komnar á skránna, m.a. ein í Danmark. Týr spælir enn 24 konsertir saman við omanfyri nevndu bólkum, men leggja sjálvir fyri og enda somuleiðis konsertferðina við konsertum har einans Týr spælir. Fyrsta konsertin er í kvøld, hon er á the Pagan & Viking Festival í Het Kasteel, Alphen a/d Rijn. Í annað kvøld spælir Týr í Club Hagalaz í Elterlein í Týsklandi, síðan verður farið til Póland at spæla á einum Open-air knighthood Gathering í Byczyna sunnukvøldið og mánakvøldið í Club Kontrasty í Szczecin í Pólandi. Konsertferðirnar eru partar av sølufremjandi átaki­ num í sambandi við, at Týr gevur út fløguna Ragnarok 22. september. Í sambandi við útgávuna, fer Týr at spæla eina útgávukonsert í Danmark. Hetta verður tá konsertferðin saman við finska og týsku bólkunum er av. Hetta verður 4. oktober á The Rock í Keypmannahavn. nud Konsertferðin hjá Týr byrjar í dag