týsdagur 5. september 2006síða 22

22 [ Nr. 170 - 5. september 2006 ] Svenskar stjørnur tveittar heim Tríggjar av heilt stóru stjørnunum á svenska landsliðnum, Zlatan Ibrahimovic, Olof Mellberg og Christian Wilhelmsson, vera ikki partur av liðnum, sum mikudagin skal spæla í móti Liktinstein. Hetta boðar svenska fótbóltssambandi í einum tíðindaskrivi í morgun. - Sunnudagin fingu spælararnir frí seinnapartin og um kvøldið, og avtalan var, at savnast aftur á hotellinum klokkan ellivu. Hesa avtalu hildu allir leikararnir, men seinni fóru tríggir av leikarunum út aftur, og vóru ikki heima fyrr enn klokkan 01.15. Landsliðsleiðslan metir, at teir hava brotið eina greiða avtalu, og tí hava vit tikið avgerð um, at teir tríggir vera koyrdir úr hópinum umgangandi. Leikarar og leiðsla vilja ikki gera fleiri viðmerkingar til málið í vikuni. MB fingið nýggja heimasíðu Miðvágs Bóltfelag hevur fingið nýggja heimasíðu. Teir seinastu mánaðarnar hava nevndarlimir í MB arbeitt í tøttum samstarvi við starvsfólkið á Stephanssons Hús, við tí fyri eyga, at fáa eina nýggja heimasíðu upp at koyra. Ikki kann sigast annað, enn at hetta samstarvið hevur riggað sera væl og at úrslitið eisini er hareftir. Felagið fegnast um síðuna, og skrivar í einum tíðindaskrivi, at øll sum hava havt við menningina av heimasíðuni skulu hava stóra tøkk! Heimasíðan er at síggja á www.mb1905.fo. U19 flogbóltslands­ liðini hjá gentum og dreingjum vóru um vikuskiftið við NM- kapping í Danmark. Genturnar spældu bronsudyst, men taptu. Dreingirnir taptu allar sínar dystir Flogbóltur Eyðun Klakstein eydun@sosialurin.fo Nevza Cup varð hildin í Ikast um vikuskiftið, og før­ oysku U19 landsliðini hjá bæði gentum og dreingjum vóru við í kappingini, sum er NM-kapping. Tað gekk heldur betur hjá gentunum enn dreingjunum, sum taptu allar sínar dystir. Genturnar vunnu onkrar dystir og komu í hálvfinaluna, sum tær taptu. Mótstøðan hjá dreingj­un­um var sera hørð, og tað var lítið at gera ímóti teimum sterkastu liðunum í kappingini. Føroyar spældu tó ein góðan dyst ímóti Ong­land og taptu hann tepurt 3-2. Føroyska liðið endaði aftast í kappingini. Genturnar løgdu fyri við at vinna 3-0 á Íslandi, men taptu so fyri 3-1 fyri Svøríki. Føroyar vunnu eisini á Ong­landi dagin eftir, men mátti so lúta fyri Noregi í hálvfinaluni. Sunnudagin var spældu Føroyar dyst um bronsuna ímóti Danmark, og hóast før­oyska liðið vann fyrsta settið, endaði dysturin við 3-1 tapi. Føroyar endaðu sostatt numm­ar fýra í kappingini frammanfyri bæði Ongland og Ísland. U19 genturnar taptu bronsudystin Føroyska U19 gentulandsliðið í flogbólti stóð seg væl í NM í Ikast um vikuskiftið. Liðið endaði sum nummar fýra í kappingini Leygardagin var kappast í FM í sprint triathlon, og her var Gudmundur Joensen nógv tann skjótasti Triathlon Tíðindaskriv Føroya Triathlon Felag skip­aði sunnudagin fyri sprint triathlon. Kappingin var í Havn, og kappast var á hesum teinum: 750 m svimjing, 20 km súkkling og 5 km renning. Hetta er væl styttri enn vanliga triathlon, og av tí kemur heitið sprint triathlon. Fyrst var svomið í Svimji­høllini í Gundadali. Liðugur at svimja, skuldi íðk­arin skunda sær út á súkkl­una og súkkla frá Svimjihøllini eftir Norðara Ringvegi, fram við Strond til rundkoyringina við Skansan og aftur til rundkoyringina R.C.Effersøesgøta/Norðari Ringvegur 3 ferðir, og so oman til Skógrøkt Landsins. Her var skift til renning, og runnið var frá Skógrøkt Lands­ins niðan eftir Hvítanesvegnum til høgru eftir Skraddaragøtu, inn á gøtuna kring Skógrøktina og aftur til málið við Skógrøkt Landsins. Teinurin var runnin 6 ferðir. Gudmundur á odda beinanvegin Gudmundur Joensen var fyrst úr hylinum, síðani kom Súsanna Skylv og uml. 2 minutt aftaná komu so Evald Rasmussen, Beinir Rasmussen og Andrass Joen­ sen. Nakað aftanfyri teir komu so Kári Simonsen og Áslakkur Nesá. Gudmundur var eisini fyrstur út á súkkluna, við Súsonnu í hølunum. Evald, sum var triðjur upp úr hyl­in­ um, skifti skjótast og fekk skjótt fatur á Súsonnu, men Andras, sum var eitt sindur seinni úr hylinum, vísti hesa­ ferð, at hann er ein góður súkklari og megnaði at fáa Evald aftur, so báðir fóru út á renniteinin í senn. Gudmundur var tá komin hálva leið runt fyrstu ferð, og eingin fekk hann aftur, hann bara økti og kom fyrstur um málstrikuna. Andrass og Súsanna runnu bæði væl, og komu á mál sum nr 2 og 3. Evald kom fjórður um strik­una, við Áslaki í høl­ unum. Áslakur, sum var seinastur úr hylinum, vann seg skjótt fram í súkklingini, yvirhálaði bæði Beinir og Kára, og var í renningini við at fáa fatur í Evaldi, sum tó varnaðist vandan og setti ferðini so frægt upp, at hann kom á mál ½ minutt framanfyri Áslak. Beinir Rasmussen, sum bleiv lokkaður við í síðstu løtu, legði út sum eitt óløgi í svimjingini, men mátti ásanna, at venjingin ikki er tað, hon einaferð var. Kári vann seg alla tíðina inn á hann, og á frysta renni­umganginum fár hahh fram um Beinir, sum sostatt endaði aftastur. Eisini var kappast í 1/12 triathlon. Í 1/12 triathlon var bara tann eini íðkarin. Rannvá Djurholm hevði hesaferð lænt sæt eina kappingarsúkklu, og ikki kan sigast annað enn at væl gekst. Samanlagt var hon uml. 6 minuttir skjótari samanborið við í fjør, tað mesta í súkklingini, men ½ minuttur fór eisini av í svimjingini 16. sept verður aftur kapp­ast, tá er tað FM á OL- tein­inum í triathlon, sum sær soleiðis út: 1500 m svimj­ing, 40 km súkkling og 10 km renning. Kappast verður tá eisini eisini í 1/12 triathlon. Gudmundur vann FM í sprint triathlon Hesir íðkararnir vóru við í FM í sprint triathlon leygardagin