mikudagur 6. september 2006síða 12

12 Nr. 171 - 6. september 2006 Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. nøvn SAMBAND magnus gunnarsson maggi@sosialurin.fo tlf 341800 fax 341801 Í summar hevur Kunningarstovan á Sandi skipað fyri sonevndum Føroyakvøldum í Dali, har bygdarfólkið sýnir fram gamla føroyska mentan Mentan Myndir: Ole Kristian Valle Kunningarstovan á Sandi hevur í summar skipað fyri sonevndum Føroyakvøldum í bygdarhúsinum Eiriksgarði í Dali, har sýnd verður fram gomul føroysk mentan. Tað er Vilhelmina Larsen í Dali, sum saman við bygda­ fólkunum skipar fyri sjálvari kvøldsetuni. Endamálið við hesum kvøldum er at sýna fram - serliga fyri útlendskum ferða­fólkum – hvussu vit livdu í Føroyum fyrr í tíðini. Bygdarfólkið tillagar kvøld­ seturnar til tey, ið koma. Tey karða, nappa ull, binda bul og mangt annað. Meðan arbeitt verður, verður sagt frá søgu, søgnum ella ævintýrum og sungin verður onkur miðaldarvísa ella skjaldur. Jóannes í Dali plagar at spæla urgu ella harmoniku til kvøldseturnar, men hetta kvøldið var hann burtur­ staddur, og Vilhelmina spældi tí á harmonikunu. Eisini verða gomul før­ oysk spøl spæld saman við børnum og ungum í bygdini. Til seinast plaga tey at fara uppá gólv við góðum kvøðarum úr Dali. Borðreitt verður eisini við føroyskum mati. Hesi kvøldini eru sera hugnalig, og útlendsku ferða­ fólkini fáa eina heilt serliga uppliving. Kvøldini kunnu eisini nýtast til føroyingar t.d. ung fólk, skúlabólkar, sum ikki vita nakað serligt um ullaarbeiði, verður sagt frá Kunningarstovuni á Sandi. Føroyakvøld í Dali Vilhelmina Larsen greiður frá um ullaarbeiði, ímeðan tvær dalskonur binda bul Hilmar Larsen í Dali greiður frá, hvussu ein spinnur ullina til tógv Ferðafólkið roynir tann føroyska matin… Vilhelmina Larsen spælir uppá harmonikuna