hósdagur 7. september 2006síða 13

Nr. 172 - 7. september 2006 13 - Slíkt er keðiligt, men eg havi fult álit á teimum, sum manna flúgvaran og teimum, sum standa fyri tí teknisku røktini, sigur Magni Arge, stjóri í Atlantsflogi Atlantsflog Áki Bertholdsen aki@sosialurin.fo – Sjálvandi órógvar tað fólk, tá ið vit fáa tvey líknandi tekniskt brek í eina lítla viku. Men eg eri sannførdur um, at her er talan um eina røð av serstakliga óhepnum umstøðum, sum hevur rakt okkum upp á nakrar fáar dagar. Magni Arge, stjóri í Atlants­ flogi, hevur fult álit á, at tað er ikki ein svíkur í teknisku deildini hjá Atlantsflogi, sum hevur ført til, at sami flúgvari fyri aður ferð í gjárkvøldið mátti til Bergen at trygdarlenda, tí at brek var í luftbremsuskipanini. – Okkara flogfør verða røkt eftir forskriftunum og betri enn tað og tí er tað stak óheppið, at slíkt kemur fyri. Men eg eri sannførdur um, at tað hevur onki við røktina at gera. Hetta er rætt og slætt eitt keðiligt óhapp, sum nú hevur rakt okkum tvær ferðir í eina lítla viku, har tað annars vanliga eru nógv ár ímillum slíkar hendingar Men fyri at tryggja okk­ um til fulnar, senda vit nú flúgvaran til Svøríki, har luftbremsuskipanin verður tikin í botn, so at trupulleikin kann loysast einaferð fyri allar. Annars hevur stjórin í At­lantsflogi eisini hug at taka tað positiva burturúr hendingini og tað er, at eins og leygardagin, fær manningin, sum var við í gjárkvøldið, sera góð skoðsmál frá ferða­ fólkunum. – Tað er jugaligt at vita, at tað er dygd arbeiðnum, sum manningin stendur fyri, eisini tá ið serligar støður taka seg upp. Eftir hendingina leygar­ dagin, tá ið fúgvarin mátti til Bergen, varð tað ein ferða­ maður, sum helt, at mann­ ingin átti at fingið tilboð um kreppuhjálp, tá ið tey komu í land. Hetta er ein atfinning, sum Atlantsflog tók til sín og tá ið ferðafólkið kom í Vágar, stóð sálarfrøðingur fyri teimum, skuldi onki havt brúk fyri at tosa við hann. Tað var ongin, sum tók av. Eitt, sum fólk finnast at í gjárkvøldið, er, at fólk, sum komu at taka ímóti ferða­ fólki, onki fingu at vita. Men hesum er Magni Arge ikki samdur í. – Eg havi fingið at vita, at fólk fingu at vita, at flog­ farið mátti til Bergen av tekniskum áðum. Tey, sum onki hava fingið at vita, hava so onkusvegna ikki hoyrt boð­ini, leggur hann afturat. Men onkur vildi kanska hava fleiri upplýsingar, men tað hevði starvsfólkið so ikki. - Vit eru undir støðugum eftirliti og var tað tekniska støðið ikki fult nøktandi, slapp Atlantsflog ikki at flúgva, sigur Remi Hansen, tekniskur leiðari Atlantsflog Áki Bertholdsen aki@sosialurin.fo – Var tekniska støði hjá Atlantsflogi ikki fult út nøktandi, slapp felagið ikki at flúgva. – So einfalt er tað, sigur Remi Hansen, tekniskur leiðari hjá Atlantsflogi. Nú sami flúgvari hjá At­lants­flogi tvær ferðir í fimm dagar hevur verið noyddur at fara til Bergen at trygdarlenda fyri tekniskt brek, eru leysasøgur farnar at ganga um, at tekniska støðið hjá føroyska flogfelagnum ikki er á nøktandi støði. Men tað avsannar tekniski leiðarin, Remi Hansen. Hann staðfestir, at flúgv­ ar­arnir hjá Atlantsflogi verða til fulnar røktir eft­ir forskriftunum hjá fram­ leiðaranum. – Men fyri alla tíðina at vera eitt stig frammanfyri, hava vit eisini eina skipan, har vit hava betri eftirlit við ávísum pørtum í flogfarinum enn tað, sum framleiðarin ásetir. Atlantsflog undir støðugum eftirliti Tekniski leiðarin vísir eisini á, at Statens Luftfartsvæsen, sum er ein óheftur, almennur eftirlitsmyndugleiki und­ ir statinum, hevur eis­ ini støðugt eftirlit við At­lants­flogi, akkurát, sum felagsskapurin hevur eftir­ lit við øllum øðrum flog­ feløgum í ríkinum. – Umboð fyri Statens Luft­artsvæsen eru hjá Atlants­flogi tvær ferðir um árið og her felagið verður gjøgnumgingið. – Umframt at kanna manna­ gongdir og skipanir, kannar Statens Luftfartsvæsen eisini tey einstøku flogførini beinleiðis. Men her hevur onki verið at finnast at. – Og so seint sum týsdagin kannaði umboð fyri Statens Luftfartsvæsen akkurát hendan flúgvaran, sum mátti til Bergen at trygdarlenda í gjárkvøldið og heldur ikki har var nakað at finnast at. Men Remi Hansen stað­ festir, at ein flúgvari er ikki øðrvísi enn allur annar teknikkur: Tað henda brek viðhvørt. – Men var tekniska eftir­ litið hjá Atlantsflogi ikki á høgum støði, sluppu vit rætt og slætt ikki at flúgva, leggur hann afturat. Í Atlantsflogi vita tey væl, hvussu stóran týdning álit millum manna hevur og tí verður ikki slakað á hesum øki. Annars sigur hann, at tað er ómøguligt at siga, akk­ urát, hvat tað er fyri ólag, sum kom á hendan flúgv­ aran, sum mátti til Bergen í gjárkvøldið. Tí ber heldur ikki til, at siga, um tað er akkurát sama brek í luftbremsunum, sum spøkir aftur, ella um talan er um eitt annað brek. Men fyri at binda um heilan fing­ur, hevur Atlantsflog gjørt av at senda flúgvaran til tekniska samstarvsfelagan Malmø Aviation í Svøríki. Hagar skuldi flúgvarin eftir ætlan fara seinnapartin í dag. – Í Svøríki er ætlanin er gera tað eftirlitið, sum ann­ ars vanliga verður gjørt eina­ferð um árið og ein part­ ur av tí verður so at taka luft­bremsuskipanina í botn fyri at tryggja, at alt nú er í lagi. – Men at brek er í luft­ brems­unum, er ikki eitt ókent fyribrigdi. Tað er bara sjáldan, at nakað hoyr­ ist um tað, tí tað er ikki so dramatiskt, sigur Remi Hansen. Hava onki at havt at fýlast á hjá Atlantsflogi Bjargingarlið stóðu til reiðar, tá ið Atlantsflog trygdarlendi í Bergen í gjárkvøldið, men alt gekk upp á stás, so teimum var ikki brúk fyri Ein røð av óhepnum umstøðum