fríggjadagur 8. september 2006síða 22

22 Nr. 173 - 8. september 2006 Lýsandi sitrón og bleikari hoyggjgul pensilsstrok ljóma í glitrandi lithavi av turkis, grønum, violettum, reyðum, orange, okkur, pink, oliven fyri bara at nevna nakrar av litunum í stóra málninginum ”Modeller”. – Svans? Litkaos? Ruðuleiki? Nei, ikki tá tað er Torbjørn Olsen, sum stýrir penslinum. Kinna Poulsen myndir: Edna Fuglsan Huset i Asnæs Myndin hekk á eini ser­fram­ sýning hjá Torbjørn Olsen í Huset í Asnæs, sum endaði 27.august og sum undirr itaða einki visti um fyrr enn í síðstu løtu, dagin fyri, tá eg sá framsýningina, ið taldi 32 verk. Herav vóru 7 av myndunum steinprent, sum Torbjørn gjørdi við støði í altartalvumyndum, ið vórðu prentað á Grafiska Verkstaði Føroya og framsýnd í Ribar­húsi í Fuglafirði og í Snarskivuni í Havn. Restin var oljumálningar, harav tað mesta ikki var framsýnt áður og sum myndevnisliga fevndi um fólk, model- og portrettmyndir og ym­isk landsløg, eisini býar­lands­ løg og myndir av skipa­ miðjuumhvørvinum í Havn, har Torbjørn Olsen hevur atelier. Myndirnar hingu væl í framsýningarskálanum, har tað hóast ikki so høgt til loftið, er rúmligt við sera góðum ljósumstøðum. Lista­áhugaðir føroyingar kenn­ast møguliga við henda framsýningarskála, ið hýsir fleiri føroyskum gestaframsýnarum; Zachari­ as Heinesen, Amariel Norðoy og Eyðun av Reyni. Huset i Asnæs er sjálvs­ ognarstovnur, hvørs endamál er at útbyggja tað danska list- og mentanarlívið. Hús­ ið varð stovnað í 1973 av lista­fólkum í Dragsholm Kommunu. Perluportrett Umframt eina sanna perlu av einum portretti, er tað í báðum teimum stóru model­ kompositiónunum, at mest gongur fyri seg. Portrettið ”Litografen” er á hædd við eitt framúrskarandi portrett av Hera Smith, sum m.a. varð sýnt fram á Den Frie fyri nøkrum árum síðani og sum til alla eydnu er í før­ oyskari privatari ogn. Meðan andlitið hjá tí avmyndaða prentaranum er lutfalsliga naturalistiskt málað (og ógvuliga væl rakt), er kropp­ urin, beinini og stólurin rætti­liga skitsukent við eini artistiskari, lætthentari kontur­striku, sum leggur ser­ ligan dent á tey langlimaðu beinini. Maðurin er innan fyri svintuna í orange- reyð­ari skjúrtu, sum gerst upplagt høvið hjá lit­meist­ aranum at arbeiða við mótsetningslitinum í rúm­ inum kring prentaran. Tað er sum um, at tað grøna rúmið á fabulerandi hátt lýsir ta lit- og listaverð, sum er prentarans. Model­k­ompositión­­ irnar Arbeiðið við modellum er í sær sjálvum ikki nýtt Litveitslan heldur áfram