mánadagur 11. september 2006síða 28

28 [ Nr. 174 - 11. september 2006 ] Sjarapova vann US Open 19 ára gamla Maria Sjarapova vann um vikuskiftið stóru tenniskappingina US Open. Russiski tennisspælarin, sum seinnu árini hevur búð í USA, spældi finaluna ímóti Justine Henin-Hardenne, og hon vann 2-0. Settini endaðu 6-4 og 6-4, og ikki minst vóru tað hørðu servurnar hjá Sjarapova, sum vóru truplar hjá Henin-Hardenne at standa seg ímóti. Hetta var fyrsti sigurin hjá Sjarapova í eini grand-slam kapping, síðani hon vann Wimbledon í 2004. Gongur strúkandi hjá Bendtner Danski álopsspælarin Nicklas Bendtner verður roknaður sum ein av mest spennandi ungu álopsspælarunum í enskum fótbólti í løtuni. Bendtner er sáttmálabundin við Arsenal, men er í løtuni leigaður til Birmingham, sum spælir í næstbestu ensku deildini. Har hevur Bentner skorað trý mál í fimm dystum og hevur annars veruliga gjørt vart við seg. – Nú kenna øll Nicklas Bendtner, tað gjørdu tey ikki fyri fýra vikum síðani. Trupulleikin hjá okkum er bara, at jú betur hann spælir, jú størri er møguleikin fyri, at hann fer aftur til Arsenal at spæla, sigur Birmingham-venjarin, Steve Bruce. Intensa topp­upp­ gerð­in endaði við javn­leiki, eftir at B71 hevði verið framm­anfyri 2-0. Í botninum tykist størsti spenningurin at snúgva seg um, um tað eydnast at fáa dystirnar frá hondini ella ikki 1. DEILD MENN Eyðun Klakstein eydun@sosialurin.fo 22. umfarið broytti ikki ser­liga nógv um støðuna í deild­ini. B71 og AB býttu stigini millum sín á Sandi. LÍF vann, meðan TB tapti. Tað ber við sær, at B71 og AB framvegis eru stór fav­ or­ittar at flyta upp, meðan LÍF hevur lagt seg trý stig framum TB í kappingini um bronsumerkini. Í botninum er størsti spenn­ ing­urin, um tað eydnast at fáa dystirnar avgreiddar. Hesa ferð varð uppgerðin, sum sambært skránni skuldi verið spæld í Vági, ikki fing­ in frá hondini. Fyrrapartin í vikuni gjørdi kappingarnevndin av, at VB/Sumba skuldi strik­ast úr kappingini, eft­ ir at liðið ikki hevði møtt upp til tveir útidystir. Men eftir at VB/Sumba hevði sagt formanninum í kapp­ ingarnevndini, at teir høvdu boðað frá, at teir ikki fóru at møta til dystin í Sandavági fyri nøkrum vikum síðani, varð avgjørt, at VB/ Sumba skuldi halda fram í kappingini. Men sørvingar vóru ikki í Vági, sum tað annars var ásett í skipanini, at teir skuldu vera. Í tíðindaskrivi boðaði SÍ leygardagin frá, at teir fingu boðini um, at teir kortini skuldu til Vágs, á middegi fríggjadagin. Tá høvdu teirra spælarar lagt aðrar ætlanir fyri vikuskiftið enn at spæla fótbólt. Tað høvdu teir boðað frá, og teir vilja hava, at dysturin verður spældur eina aðra ferð. B71-AB Í tveimum teimum fyrstu innan­hýsis uppgerðunum, sum báðar vóru á Argjum, hevði AB fingið øll stigini. Í 1. hálvleiki var tað týðuligt, at B71 ætlaði sær at fáa stigini hesa ferð. Heimaliðið legði bragdliga fyri, B71 var fyrri á bóltinum, sandoyingar vunnu nærdystirnar, og tað vóru teir, sum áttu møgu­ leikarnar. Jónsvein Thomsen setti hol á fyri B71 eftir eitt kort­er. Magnus Olsen átti inn­leggið úr vinstru, og Magnus Poulsen hevði tvær framúr hálvbjargingar eftir Clayton Soares royndir, áðr­ enn Jónsvein Thomsen setti bóltin í málið. Lítið korter seinni økti B71. Hesa ferð var tað væl upplagdi Wellington Soa­ r­es, sum úr høgra horni á mál­teiginum sendi millum beinini á væl upplagda AB málverjanum. Aftur hesa ferð var Clayton Soares við í uppspælinum. AB var leingi um ein háls. Men fram móti steðginum fótaðu argjamenn sær, og eftir hvíldina vóru teir ágrýtn­ari og greitt omaná. B71 misti samanspælið og flytingarnar burtur, og AB var meiri ágangandi. Eftir stóran tíma fekk AB brotsspark eftir innlegg. Dóm­arin metti, at Allan Mørk­øre varð togaður niður. Veteranurin sendi sjálvur í málið. So luktaði AB blóð, og trettan minuttir undan leik­loki javnaði innskifti Tummas Hans Rubeksen. Jón Nielsen legði flatt innfyri úr vinstru, og Tummas Hans smekkaði flatt inn við nærra stólpanum. 2-2. Báðir partar høvdu møguleika at avgera, men tað eydnaðist ikki, og úrslitið mundi vera at liva við. KÍ-Royn Eftir at tað leingi hevði verið rættuliga javnt, vann KÍ 4-1 á Royn, sum ikki koppaði, fyrrenn minni enn eitt korter var eftir. Í 1. hálvleiki kom bara eitt mál. Tað skoraði Jósup Hen­ riksen miðskeiðis í 1. hálv­ leiki eftir uppspæl í høgru. Níggju minuttir eftir steðg­ in misti KÍ Hans Michael í Mittúni, sum fekk beinleiðis reytt kort. Minuttin eftir javnaði Frits Eið fyri Royn við fínum langskoti heilt upp í hornið, og so var Royn væl við, uttan at hvalbingar tó vóru serliga vandamiklir. Trettan minuttir undan leikloki legði innskifti Álvur F. Christiansen KÍ framum, tá ið hann eftir góða sending fram í høgru rann verjuna av. Tíggju minuttir undan leik­ loki varð Aleksander Djor­ djevic, sum hevur ábyrgdina av næstbesta KÍ liðnum og hevði sett seg sjálvan inn, leysur í brotsteiginum, og so var 3-1 til KÍ. Fýra minuttir undan leik­ loki varð Frits Eið hjá Royn rikin av vøllinum, eftir at hann fyri aðru ferð hevði sæð gult, og í næstsíðsta minutti slerdi Álvur F. Christiansen 4-1 heimasigurin fastan, tá ið hann varð leysur í brots­ teiginum. TB-HB Kanska hava tað verið TB viðhaldsfólk, sum hava droymt um, at teirra lið longu næsta ár skuldi verða partur av bestu deildini. Hetta var eitt skifti ivaleyst av røttum, tí tað gekk væl hjá TB. Leygardagin varð staðfest á Sevmýri, at TB ikki verður partur av bestu deildini í 2007. Næstbesta liðið hjá HB vitjaði, og gestirnir høvdu størri tyngd í. TB hevði bóltin væl meiri, enn HB hevði hann, men tað gekk syndarliga illa hjá heima­liðnum at spæla seg til mál­møguleikar. HB lúrdi eftir møguleikum at fara í snarálop, og teir vóru fleiri ferðir tætt við at fáa mál. Tað eydnaðist teim­ um eina ferð at fáa bóltin í TB málið, og tað var nóg mikið. Stívliga tíggju minuttir eftir steðgin gjørdist Krzy­ stof Popczynski leysur eftir skjótálop, og so var eingin bøn hjá TB. 1-0 til HB. LÍF-FSVágar04 Hóast fólkaatkvøðu um komm­unusamanlegging og eitt lot so fylgdu leirvíkingar trú­fastir sínum fótbóltsliði, og tað loysti seg, tí LÍF vann 1-0 móti FSV04. Einsamalla málið fekk LÍF, tá ið smáir tíggju min­ uttir vóru farnir. Leikandi venj­arin, Hans Fróði Han­sen, var fyrstur á horna­sparks­ innleggi, og við høvdinum sendi hann bóltin í málið aftanfyri Trúgva. Tað tóktist lætt hjá LÍF at spæla seg ígjøgnum í borð­ unum í 1. hálvleiki, men tað tættnaði hjá FSV04, tá ið teir skiftu frá 3-5-2 og til 4-4-2 leikháttin. Eftir steðgin hevði FSV04 lotið undan. Gestirnir høvdu greiða leikliga yvirvág, og teir høvdu møguleikar at gera mál, men tað eydnaðist teimum ikki at fáa mál. Stavn um stavn á Sandi Toppliðini B71 og AB spældu javnleik, hóast B71 var á odda 2-0 eitt skifti