týsdagur 12. september 2006síða 15

Nr. 175 - 12. september 2006 15 Fríggjadagin 8. sep­ tember var móttøka í nýggju hølunum hjá Suðuroyar Sparikassa í N. Finsensgøtu í Havn. Sparikassin hevur havt eina deild í Havn síðan september 1998 Móttøka Myndir: Magnus Gunnarsson Suðuroyar Sparikassi í Havn er fluttur longur niðan í N. Finsensgøtu, frá nr. 7 til nr. 31, har sparikassin nú heldur til í nýggjum stásiligum høl­ um. Í hesum sambandi var almenn móttøka fríggjadagin 8. september. Lars Djurhuus, formaður í umboðsráðnum, og Rúni H. Johannesen, deildarleiðari í Havn, søgdu nøkur orð í sambandi við móttøkuna. Eisini var ein gávukekkur upp á 20.000 krónur latin Blá Krossi Føroya, ið er ein av nærmastu grannunum hjá sparikassanum. Lars Djurhuus segði eitt sindur um søguna hjá sparikassanum, hann segði m.a. at undir seinna heims­bardaga var tað heilt skilligt, at tørvur var á einum peningastovni í sunnaru helvt av Suðuroy, tí eingin peningastovnur var í oynni uttan Føroya Banki, ið hevði deild á Tvøroyri. Einki vega­ samband var tá millum Vág og Tvøroyri, so trupult var hjá fólki í sunnaru helvt av oynni at fáa avgreitt síni peningaviðurskifti, tá eingin peningastovnur var. Á vári í 1943 varð kallað saman til fundar í Vági við tí endamáli at kanna eftir, um møguleiki var fyri einum peningastovni í sunnaru helvt av Suðuroy. Úrslitið varð, at Suðuroyar Sparikassi gjørdist veruleiki og byrjaði sítt virksemi 1. oktober 1943. Eitt av høvuðsendamálum sparikassans var at veita lán til sethúsabygging í Suðuroy, og hevur hann í hesi skjótt 63 árini verið ein høvuðsstuðul til, at suðuroyingar og nú eisini fólk norðan fyri Suð­ ur­oyarfjørð hava fingið høvi til at seta føtur undir egið borð. Deildin í Havn læt upp í september 1998. Hjá Suð­ ur­oyar Sparikassa arbeiða til­samans 22 fólk. Umframt høvuðsdeildina í Vági og deildina í Havn er eisini ein deild á Tvøroyri, sum lat upp 27. januar í ár. Suðuroyar Sparikassi: Móttøka við gávuhandan nøvn Nøkur av starvsfólkunum á deildini hjá Suðuroyar Sparikassa í Havn, ið nú hava fingið bestu arbeiðsumstøður Deildin hjá Suðuroyar Sparikassa í Havn er flutt í nýggja bygningin hjá Bjarna Wilhelm í N. Finsensgøtu. Bygningurin er i trimum hæddum Poul Jacob Lundsbjerg (v.m), leiðari á Blákrosskaféini, fær ein gávukekk upp á 20.000 krónur handaðan frá deildarleiðaranum í Suðuroyar Sparikassa í Havn, Rúna H. Johannesen Søren L. Bruhn, stjóri í Suðuroyar Sparikassa, og Johan Simonsen, stjóri í Faroe Jet Lars Djurhuus, formaður í umboðsráðnum Nógv fólk vóru til móttøkuna hjá Suðuroyar Sparikassa seinasta fríggjadag