mánadagur 18. september 2006síða 28

28 [ Nr. 179 - 18. september 2006 ] Málini í Gundadali 1-0: Tór Ingar Akselsen, 2. min KÍ-verjan fæst við a stilla múr móti væntaðu frísparksroyndini frá Rasmus Nolsøe. Ístaðin tekur HB skjótt fríspark, og so kann Jákup á Borg leggja inn til púrasta blankan Tór- Ingar Akselsen. Skotið er ikki reint, men kortini nóg gott til at finna vegin til meskarnar. 2-0: Jákup á Borg, 29. Marek tekur óneyðuga dribling á miðvøllinum, og so gongur skjótt. Rókur vinnur bóltin av honum, og við djúpari sending er Jákup á Borg púrasta blankur. Hann rekur fyrst framvið Meinhardt, áðrenn bólturin verður sendur í tóma málið. 3-0: Rókur av Fløtum Jespersen, 61. Páll fær góða tíð, tá hann 20 metrar úr málinum fær bóltin. Hann vendir sær og tekur eitt trekk framvið mótstøðumanni, áðrenn hann langar bóltin flatt í vinstra málhorn. 4-0: Rógvi Jacobsen, 71. Markeringarnar hjá KÍ svíkja av álvara, tá bólturin verður sendir inn fyri úr høgru. Mest sum inni í málteiginum fær Rógvi stundir at temja bóltin, áðrenn hann við høgra beinið mest sum skumpar kúluna í netið. 4-1: sjálvmál, 78. KÍ sendir frísparksbólt innfyri úr høgru, og tá Rasmus tveitir seg framman fyri álopsspælara, er hann óheppin og skreðir bóltin inn við nærmara stólpa. 5-1: Kári Nielsen, 83. KÍ hálvkiksar hornaspark, og so gongur kontra- álopið eftir bókini. Jákup á Borg setir sjálvur hetta ígongd, og umvegis eina millumstøð verður hann spældur aftur. Verjuspælarin ivast, men velur at elta Jákup, sum róliga rullar tvørtur um til enn betri stadda Kára Nielsen. Vilja hava Scholes aftur á landsliðið Hjálparvenjarin á enska fótbóltslandsliðnum, Terry Venables, vónar, at hann lokka Manchester United-miðvallaran Paul Scholes aftur á landsliðið. Scholes takkaði fyri seg á landsliðnum eftir EM í 2004, eftir at hann hevði spælt 66 landsdystir fyri Ongland. - Fólk siga, at Scholes er givin á landsliðnum fyri altíð, men eg vóni, at eg kann fáa hann at broyta hugsan, sigur Venables við Sky Sports. Ongland spælir EM-dystir tann 7. og 11. oktober ímóti ávíkavist Makedonia og Kroatia. HB reistist við einum knúsandi stórsigri á arvafíggindunum sunnudagin. Samstundis má KÍ ásanna, at lands­ kappingar­vegurin til europiskan fótbólt nú er heilt langur Fótbóltur Jákup Mørk jakup@sosialurin.fo Undan dystinum sunnu­ dagin hevði KÍ als ikki tapt á útivølli hetta kappingarárið, men tey hagtølini vórðu so ruddiliga ruddað burtur sunnudagin. Úrslitið tosar nærum fyri seg í so máta, og tað var eisini skjótt greitt, at hetta avgjørt ikki varð dagurin hjá KÍ. Barnasjúkur Bara tveir minuttir vóru farn­ ir, tá KÍ gav fyrsta dømið um, at teir hesa ferð als ikki vóru í rætta essinum til Formula-fótbólt. Gestirnir hildu seg í øllum førum hava góða tíð at stilla múr, tá HB hevði fríspark. Ivaleyst varð bíðað eftir, at Rasmus Nolsøe skuldi koma fram at skjóta, men ístaðin varð sent skjótt til Jákup á Borg, sum eins skjótt sendi inn til púra blankan Tór-Ingar Akselsen. Hetta var eitt av klass­isku dømunum um tær barna­ sjúkur – onkur vildi kanska sagt deyðssyndir – sum av og á verða framdar í fótbólti. Og klaksvíkingarnir vóru so langt ífra lidnir í so máta. Teir megnaðu annars at skipa tað, sum líktist einum veruligum trýsti móti HB eina løtu eftir leiðslumálið, og einar tvær- tríggjar ferðir gjørdist talan eisini um naskar royndir móti málinum hjá Bárði Johannesen. HB tóktist samstundis í ferð við at fremja ein av klassisku brølarunum, sum liðið so oftani hevur framt í ár. Nevnliga at leggja seg ov djúpt, tá leiðsla er vunnin. Ætlanin var sjálvandi at lúra eftir kvikum kontrabóltum, og málið til 2-0 var júst dømi um slíkan. Og sam­ stundis var tað enn eitt dømi um barnasjúkuna, tá annars garvaði Marek heldur óneyðugt misti bólt­ in á miðvøllinum, uttan at neyðuga uppbakningin var til staðar. Spæligleði og máttloysi Hetta seinna málið var helst tað, sum punkteraði dystin av álvara. Efitr steðgin fekk HB veruliga loyvi at rulla seg út. Onkur tók til, at spælið var nakað av tí besta, sum liðið hevur sýnt í ár, og tað er kanska nakað um tosið. Men samstundis er tað ein sannroynd, at tað er lætt at spæla, tá mótstøðan er mótfallin. Hóast klaksvíkingar fyir tað nógva fluttu fólkið væl aftur um bólthaldaran, tá HB var í álopi, so var so eiðasørt við trýsti á sama bólthaldara. Tí slapp HB í longum løtum at koyra sítt spæl, og við máltalvuni í bakinum mundu mongu rennitúrarnir hjá klaks­vík­ ingum kennast eyka tungir av tí sama. Dysturin kundi kanska tikið eina vend, tá Paul Clapson stútaði hornaspark móti málinum, men undir­ síðan av tvørtrænum bjarg­ aði HB, su m stutt eftir slerdi sigurin rimmar fast­ an. Hesa ferð tá Rókur fekk bæði tíð og pláss at draga uttan fyri brotsteigin. Og so var leyst og lið­ ugt. Rógvi Jacobsen fekk sær eitt mál móti barn­ dóms­­felagnum, tá mar­ ker­ingarnar hjá KÍ enn einaferð sviku, og tó at Ras­ mus Nolsøe var óheppin at gera sjálvmál, so nart hetta ikki við spælihugin hjá vertunum, sum eisini goymdu vakrasta máloið til seinast. Hetta tá Jákup á Borg og Kári Nielsen einsamallir runnu alt og øll niður í einum ferðmiklum kontra-raidi. Vegurin til Europa At grannarnir úr B36 sam­ stundis taptu ber við sær, at HB nú er á silvurplássinum á stigatalvuni. Eftir lemj­ andi ósigurin fyri EB/ Streymi í steypakappingini er landskappingin einasti vegurin til Europa, og tann møguleikan helt HB altso fast um og styrkti. Hjá KÍ er vegurin um­­ vegis Formula-deildina nú vorðin heilt langur. Lítið er tí at ivast í, at teir fyrst og fremst vilja leggja doyðin á steypa­kappingini, har Skála bíðar í hálvfinaluni. Ein hálv­finala, sum væl kann vísa seg at útloysa inn­tøku­ gevandi UEFA-atgongu­ merkini, um tað skuldi hent seg, at EB/Streymur basur B36 í hinari hálvfinaluni. Trongdi til Í HB-leguni var lagið sjálvandi í topp eftir dystin. - Hetta var akkurát tað, sum vit trongdu til. Tapið á Eiði sveið fast, og tí vóru vit allir sum ein samdir um, at hetta skuldi vaskast av okkum í dag, segði Vagnur Mohr Mortensen, sum allan dystin var í miðverjuni hjá HB. Men hvat var tað so, sum riggaði í dag í mun til mikukvøldið? - Eg haldi, at vit hava havt kensluna av hesum líka síðani mikukvøldið. Tað er fullkomuliga óhoyrt hjá HB í nýggjari tíð, at vit tvær ferðir hava lagt rygg til slík stórtap sum tey móti B36 og EB/Streymi. Fyri okkum sjálvar, leiðsluna og áskoðarar – ja fyri felagið sum heild máttu vit prógva, at vit duga meira enn hatta, og tað riggaði eisini. Eg haldi, at allir vóru topptendraðir frá fyrsta bríksli, og skjóta málið hjálpir sjálvandi eisini til í so máta. Og tá klaksvíkingarnir samstundis ikki vóru heilt so klárir, so gekk tað, sum tað gekk. - Eg haldi, at vit mest sum alla tíðina høvdu fult tamarhald á. Teir hava kanska einstakar kjansir, sum tó ikki eru av tí stóra slagnum, og hinvegin skora vit upp á tað mesta hjá okkum, og effektivitetur er jú altíð ein dygd. Og nú er málið væl at halda fast í silvurmerkjunum og harvið europiskum fótbólti komandi kappingarár? - Enn hava vit so ein møguleika fyri gullinum, tó at hesin er lítil. So leingi hann er har, so stríðast vit sjálvandi fyri hesum, men silvurið skulu vit so í øllum førum hava, segði Vagnur. -mørk Byrjanin oyðileggur nógv Lagið á klaksvíkingunum var sjálvandi einki serligt eftir stórtapið í Gundadali. - Teir fáa eitt mál eftir bara einum minutti, og tað oyðileggur sjálvandi nógv fyri okkum. Og betri verður tað sjálvandi ikki, tá teir eisini fáa eitt óneyðugt mál til 2-0. helt Høgni Madsen, sum byrjaði dystin á beinkinum, men sum eftir góðum hálvan tíma varð sendir á miðvøllin fyri skadda Símun Joensen. - Eftir steðgin royna vit tó at trýsta, og høvdu vit skorað, so kundu vit skapt spenning íaftur. Men tá teir so fáa triða málið, fer luftin púrasta úr okkum, haldi eg. Hóast KÍ við hesum misti stórt fet í stríðnum eftir heiðursmerkjum, so avsannar Høgni, at tað nú bert er steypakappingin, sum telur. - Enn eru 12 stig eftir at spæla um, og vit trúgva upp á møguleikan. Men tað krevur fyrst og fremst, at vit vinna okkara dystir, og so mugu vit síggja, hvussu leikur annars fer, sigur hann. -mørk HB-KÍ 5-1 (2-0): HB upp á silvurplássið KÍ HB Hargreaves hevur brotið beinið Enski landsliðsspælarin í fótbólti Owen Hargreaves hevur brotið beinið. Hetta hendi í dysti hjá Bayern Munchen leygardagin. Hargreaves rendi saman við ein mótstøðuspælara og noyddist at fara av vøllinum. Seinni varð staðfest, at talan var um beinbrot. Talan er tó um eitt minni brot, og Hargreaves skal ganga við beininum í gipsi næstu tríggjar vikurnar. Tað er tó framvegis óvist, nær hann kann spæla aftur. Smílini í HB-leguni vóru stór, tá KÍ varð spælt niður og norð í Gundadali. Sigurin lyfti HB upp á silvur-plássið í lands­kapp­ ingini Mynd: Norðlýsið