mikudagur 20. september 2006síða 14

14 Nr. 181 - 20. september 2006 Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. nøvn SAMBAND magnus gunnarsson maggi@sosialurin.fo tlf 341800 fax 341801 Sum nakað nýtt fer Klaksvíkar bókasavn í vetur at skipa fyri tveimum bókakvøldum har ætlanin er at viðgera eina ávísa skaldsøgu BÓKAKVØLD Nógvastaðni er vanligt at vera við í einum lesiringi, har fólk møtast at tosa um skaldsøgur, og tað er eft­­ir hesum leisti, at hesi bókakvøldini vera skip­ aði. Fyrsta bókakvøldið verð­ ur týskvøldið 7. november kl. 19.30, tá verður tað skald­søgan ”Hundehoved” hjá danska rithøvundinum Morten Ramsland, ið tosa verður um. Skaldsøgan ”Hunde­ hoved” er ein ættarsøga um eina danskt/norska familju og teirra lív frá 1930’unum og fram til í dag. Bókin liggur á metsølu­ listunum í Danmark og er mett at vera tann besta danska skaldsøgan í 2005. Í 2006 fekk rithøvundurin ”Læsernes Bogpris” fyri hesa skaldsøguna. Í februar verður aftur eitt bókakvøld, tá er ætl­anin at viðgera bókina ”Sól­ stormur” hjá Åsa Larsson, sum júst er komin út á før­ oyskum. Bøkurnar, sum vera við­gjørdar eru til útláns á bókasavninum. Fyri at so mong sum gjør­ligt kunnu lesa ”Hunde­ hoved” áðrenn bóka­ kvøldið, er lánitíðin fyri bók­ina 14 dagar. Bókakvøld á Klaksvíkar bókasavni Landsstýrismaðurin í vinnumálum, Bjarni Djurholm, arbeiðir við at leggja Menningarstovuna og Ferðaráð Føroy­ar saman í ein vinnu­ framastovn og tískil verður uppgávan at menna føroysku vinnuna savnað, og brúkararin, íverk­setarin og ein­ staklingurin við nýggjum hugskotum fær eitt stað at venda sær til, tá hann ynsk­ir at fáa ráð og vegleiðing FERÐAVINNA Tíðindaskriv Missiónin hjá stovninum verð­ur í stuttum; við ráð­ gev­ing, upplýsing og sam­ starvsátøkum at menna føroyskt vinnulív, her­ undir Føroyar sum ferða­ mannaland, stimbra nýskapan og íverksetan og við altjóða marknaðarføring gera Føroyar og vinn­u­lívs­møguleikarnar her kendar. Eftir ætlan fær brúkarin møguleika at venda sær til stovnin at fáa ráð og veg­leiðing antin digitalt um ein heimasíðuportal ella hann kann venda sær bein­leiðis til samanlagda stovn­in. Samanleggingin av stovnunum stuðlar undir Visjón 2015, ið miðar í móti at beina allar forðingar av vegnum, soleiðis Føroyar kunnu gerast ein blómandi íverksetanardepil í altjóða høpi. Ein arbeiðsbólkur undir Vinnumálaráðnum hevur sitið við uppgávuni at kanna, hvussu endamálini hjá Menningarstovuni og Ferða­ráð Føroya, kunnu verða samansjóðað, og eitt dyna­miskt umhvørvi verða skapt, ið styrkir tænasturnar til tað almenna og vinnulívið. Arbeiðsbólkurin handaði lands­­stýrismanninum frá­ greið­ingina 4. september 2006, og á landsstýrisfundi 15. september 2006 tók lands­ stýrið undir við, at Bjarni Djurholm, lands­stýrismaður, arbeiðir víðari við málinum. Ætlaða virksemið hjá sam­ an­lagda stovninum sam­­bært vinnupolitikkin, verður • at birta upp undir nýskapan og íverksetan. • Í samstarvi við aðrar myndugleikar at samskipa mannagongdir innan fyri­ siting, sum hava týdning fyri íverksetarar. • at ráðgeva um íverksetan og gera íverksetaraportal, har íverksetarar fáa svar upp á spurningar um at stovna fyritøku. • at marknaðarføra før­oysk­ ar vørur og tænastur og Føroyar sum eitt land at gera íløgur í. • at menna ferðavinnuna í Føroyum og at markn­ að­arføra Føroyar sum ferðamannaland. hetta er í mongum førum samanfallandi við verandi virk­semi. Tó verða um­­sit­ ing­arligar uppgávur lagd­ ar nýggja stovninum, sum hvørg­in hevur førleika ella royndir í. Í vinnupolitikkinum stend­ ur, at Føroyar mugu gera meira burtur úr markn­­aðarføring av sínum fyrimunum enn tey øki, ið øll kenna avdráttarmegina frá. Endamálið við markn­ að­arføringini av Føroyum er sostatt at kveikja áhugan hjá útlendskari arbeiðsmegi og kapitali fyri vinnu- og vinningsmøguleikum í før­ oyska samfelagnum og í sam­ vinnu við áhugaðar partar her á landi. Ætlanin er, at sam­anlagdi stovnurin skal taka sær av at marknaðarføra Føroyar miðvíst uttanlands. Marknaðarføring av før­ oyskum vørum og tænastum verð­ur at halda fram í sam­ starvi við relevantu part­arnar. Marknaðarføring verður bæði ein generell marknaðarføring av Før­oy­um og gjøgnum mest virknu miðlarnar og ein markn­aðarføring við meira miðvísum tiltøkum, ið venda sær beinleiðis til møguligar íleggjarar. Ferðafólk eru týdningar­ mik­il fyri Føroyar millum ann­að tí, at hesi bera al­tjóða samfelagið til Før­oyar samstundis, sum Før­oyar gerast kendar í út­heim­inum. Kanningar vísa, at ferðavinnan skap­ar meira enn fýrafalt av­leitt virksemi. Vaksandi kapp­ing setir stór krøv til at marknaðarføra ferðamál. Menn­ing og nýskapan hevur eisini stóran týdning og snúgva hesi seg um at gera ferðavinnuumstøðurnar betri, menna nýggj ferða­ vinnutilboð, gera kunningar- og tænastustigið betri ella menna góðsku­stýr­ing­ar­ skipanir, sum skulu tryggja kundunum dygd og upp­liv­ ingar. Meiri fæst at vita við at venda sær til lands­stýris­ mannin í vinnumálum Ferðaráð Føroya og Menningarstovan leggjast saman Javnaðarflokkurin hevur fing­ ið nýggjan skrivara fyri Katrin Dahl Jakobsen sum hevur lagt frá sær. Nýggjur skrivari er Nita Næs úr Hvalba. Nita Næs hevur verið áhugað í javnaðarapolitikki, síðani hon var heilt ung, og hevur á mongum landsfundi víst á, hvat hon heldur flokk­ urin ger gott, og hvat burdi og kundi verið gjørt betur. Hon hevur verið vanligur lim­ur í Suðuroyar Norðara Javn­aðarafelag í mong ár, og hevur tey seinastu ár­ini verið næstformaður í felagnum. Til seinasta løg­ tingsval stillaði Nita Næs upp fyri Javnaðaraflokkin í suðuroyar valdømi og fekk 96 atkvøður. Nita Næs er útbúgin lær­ari á Føroya Læraraskúla. Henn­ ara fyrstu lærararoyndir, fekk hon í Grønlandi, har hon tvey tey fyrstu árini arbeiddi í Mannitsoq, og síðan flutti triðja árið norður til Illorsuit, ið er lítil bygd, 90 km norðan fyri Uummanaq. Hetta var nakað heilt serlig, tí her var sjálvur Lars Emil føddur og vaks til tey fyrstu árini, og hetta var bygdafólkið stólt av og fortaldi nógv um, ser­ liga Siumut-veljarin. Nita hevur arbeitt sum lær­ ari í Hvalbiar skúla í fimm ár. Í dag arbeiðir hon sum einalærari í Sandvíkar skúla, har ganga fimm skúla­børn, og hetta heldur hon vera ein sera stór av­bjóð­ing. Og spennandi hev­ur tað verið, at seta seg inn í einalærarastarvið, har eini og sami persónur skal undirvísa og skapa karmar fyri eini undirvísing, ið er á hædd við aðrar skúlar í landinum. Nita Næs er í løtuni í barns­burðarfarloyvi og hev­ ur hon játtað at taka við sum skrivari í starvsnevndi fram til Landsfundin, har skrivarin skal veljast. – Tá floksins leiðsla hevur havt meg í huganum til ein sess í starvsnevndini, sigi eg sjálvsagt ja. Tað eru alt ov nógvar kvinnur, ið siga nei, tá tær fáa álitisstørv litið upp í hendurnar, sigur Nita Næs á heimasíðuni hjá Javnaðarflokkinum. Hon sigur, at í fyrstu syftu er tað mannagongdina hjá starvsnevndini, hon skal fáa innlit í. – Sum javnaðaraveljari eri eg sjálvsagt áhugað í, hvat flokkurin arbeiðir við, hvussu verður t. d. floks­­ins peningur brúktur, hvørja politiska leið velur flokk­ urin at fara í framtíðini, ar­beiðir floksleiðslan so sum javnaðarveljarin vil, hvar stendur flokkurin í dag, hvør er kósin fram til næsta løgtingsval o. s. fv. Somuleiðis hugsi eg mær, at ivaleyst er nógv at læra í einari slíkari starvsnevnd. Og so tað, at flokkurin hevur hugsað um meg, sum búgvi á bygd og havi smábørn og kortini sær ein møguleika í tí. Jú, uppgávurnar kunnu uttan iva - gerast nógvar, spennandi og læruríkar, sigur Nita Næs. Nita Næs nýggjur skrivari hjá Javnaðarflokkinum