hósdagur 21. september 2006síða 29

29 [ Nr. 182 - 21. september 2006 ] Vit hava sett verjuna upp annarleiðis, hava arbeitt nógv við skjótálopum, og so skulu vit eisini koma í betri form enn vit vóru síðsta kappingarár HONDBÓLTUR Teitur Joensen teitur@sosialurin.fo Hetta sigur Joan M. Djordje­ vic, sum er spælstýrari hjá Stjørnuni. Hon er eisini spælstýrari á landsliðnum, og hevur verið ein av týdn­ ingarmestu leikarunum hjá Stjønuni í fleiri ár. Skulu í betri form Stjørnan var stórur favorittar síðsta kappingarár, men Joan heldur, at tær manglaðu tað síðsta, fyri at kunna vinna bæði meistaraheitið og steypakapping. - Leikararnir vóru ikki í nóg góðum form, men tað vera vit í ár. Vit arbeiða hart fyri hesum, og koma vit í form, so verða vit ringar at steðga í ár. Arbeiða við verju og skjótálopi Stjørnan hevur síðstu árini havt eina sterku verju og eitt gott skjótálop, men Joan heldur, at hetta sveik eitt sindur seinasta kapp­ ingarár. - Vit arbeiða nógv við verjuni og skjótálopum í ár. Verjan var stinn í fjør, men skjótálopini, sum altíð hava verið eitt av okkara eyðkennum, vóru ikki nóg góð í fjør. Fleiri av hinum liðunum vóru nógv sterkari enn vit á hesum økinum, tí bleiv kappingin nógv harðari enn neyðugt. Hon leggur afturat, at henni dámar sera væl nýggja venjaran, tí hann fær tær at arbeiða harðari. Hon sigur, at hann arbeiðir við eini nýggjari verju, har tær fara at satsa nógv upp á skjótálop, og hetta dámar henni, tí tað er vegurin ímóti meistaraheitinum. At enda sigur hon seg vóna, at tað ikki bert verður meistaraheitið, sum tær fara at vinna í ár. Hon vónar, at tær fara at røkka greipuni, tí hon metir liðið vera nóg gott til tess. - Vit hava góðar bóltspælarar á liðnum, so málið hjá okkum er heilt greitt at endurvinna meistaraheitið. Tað skal gerast við eini sterkari verju, skjótum álopsspæli og sterkum kontrahondbólti. HONDBÓLTUR Teitur Joensen teitur@sosialurin.fo Hetta sigur fyrrverandi landsliðs- og H71-venjarin, Henrik Gerster. Hann er nú blivin venjari hjá besta kvinnuliði hjá Stjørnuni, og hetta gleðir hann seg nógv til. - Mær dámar sera væl at fáast við hondbólt, uttan mun til um tað er hjá kvinnum ella monnum. Eg haldi eisini, at Stjørnan er júst rætta liðið fyri meg, tí tær eru ikki bangnar fyri hørðum arbeiði. Hetta seti eg stóran prís uppá, tí tað hevur stóran týdning, at eitt lið arbeiðir hart. Skulu endurvinna meistaraheitið Stjørnan hevur síðstu árini myndað oddin í bestu kvinnudeildini. Síðsta ár vunnu tær meistaraheitið og taptu steypafinaluna, og tað er eingin loyna, at Henrik Gerster ætlar at endurvinna meistaraheitið- - Ja, málið er sjálvandi at endurvinna meistaraheitið. Liðið hjá okkum er somikið gott, at vit eiga at teljast millum favorittarnar. Um verjan riggar, og vit fáa eitt skjótari álop, so ivist eg ikki í, at vit fara at røkka málinum. Fullar í rutinu Ein av størstu styrkjunum hjá Stjørnuni er, at tær allar hava spælt saman í nógv ár, og tískil eru tær fullar í rutinu. Hetta er Henrik Gerster samdur í, og hann sær tað sum ein fyrimun, at spælararnir hava spælt saman so leingi. - Tað er ein stórur fyri­ munur hjá okkum, at vit hava so nógvar royndir á liðnum. Har eru nógvir spæl­arar, sum eru klárir at taka ábyrgd, tá á stendur. Fleiri av hinum liðunum hava eisini mist nógvar roynd­ar leikarar, og tá kunnu royndirnar koma okk­ara leikarum til góðar. Harafturat hava leikararnir hjá Stjørnuni spælt saman leingi, og tað fer eisini at vera ein fyrimunur hjá okkum. Harðari kapping í ár At enda segði Henrik Gerster, at hetta fer at vera eitt torført kappingarár hjá øllum liðunum. - Vit mugu nokk taka til takkar við at vera mett sum favorittar at vinna meistaraheitið. Eg haldi tó, at hetta ikki gerst nøkur løtt uppgávu. Eg haldi liðini í oddinum vera sera jøvn. Neistin byggir nakað nýtt upp við nógvum ungum leik­arum. Kyndil hevur fing­ið onkran leikara aftur­ at, so tær vera ringar at hava við at gera í ár. So er tað VB. Tað ljóðar, at tær hava fingið ein nýggjan útlendskan leikara afturat Daivu, og so vera tær ringar at steðga. Simona Petersen aftur í Stjørnuni Simona Petersen, fyrrverandi Dziugyte, er aftur í Stjørnuni. Hon spældi seinast við Neistanum, har hon millum annað gjørdist toppskjútti tað eina árið. Simona hevur verið burtur frá hondbóltinum í eitt ár orsakað av barsli, men nú er hon klár aftur. Hon skal royna at hjálpa til at fylla holið eftir litavisku Katarinu Stepanov, sum er farin av landinum. Um Simona er nóg væl fyri, so kann hon gerast stórur styrkur hjá Stjørnuni, tí hon hevur fyrr víst, hvør dugur er í henni. Stovnað: Formaður: Kristoffur Ragnarsson Venjari: Hendrik Gerster FM-heiti: 5 FAKTA – Stjørnan kvinnur - Vit fara eftir greipuni Landsliðsvenjari nú í Stjørnuni - Málið er sjálvandi at endurvinna meistaraheitið. Liðið hjá okkum er somikið gott, at vit eiga at teljast millum favorittarnar. Um verjan riggar, og vit fáa eitt skjótari álop, so ivist eg ikki í, at vit fara at røkka málinum, sigur nýggi venjarin, Henrik Gerster