fríggjadagur 22. september 2006síða 16

16 Nr. 182 - 22. september 2006 tíðindi Fyri trimum mán­ að­um síðan keypti felagið P/F Fossá, sum Hálvdan Gud­ mundsen og aðrir eiga, línubátin Ekliptiku á tvingsils­ sølu. Um eina ella tvær vikur loysir skip­ ið aftur, og nú verður tað undir gamla navninum, Venus Fiskivinna Vilmund Jacobsen vilmund@sosialurin.fo Tað vóru klaksvíkingar, sum áttu Ekliptiku, ið er fyrr­verandi norski frysti­línu­ báturin, Øyliner, sum fleiri føroyingar áður hava verið við. Ekliptika hevði ongar kvotur í føroyskum sjógvi og teir, sum áttu skipið, noyddust at ”smyrja” seg við tí, sum teir kundu fáa í altjóða sjógvi. At klaksvíkingar so eisini vóru óhepnir á ymiskan hátt, gjørdi ikki støðuna betri, og enadin var, at skipið fór undir hamaran. Tíðliga í summar keypti so felagið, P/F Fossá, sum Hálvdan Gudmundsen og aðr­ ir í Sandavági eiga, skipið. Ekliptika kallast nú Venus, sum er gamalt skipanavn í Vágum. Ísa og frysta Hálvdan Gudmundsen sigur, at frystilastin er varðveitt í Venusi, og nú skipið er um at vera klárt at loysa, hava teir bæði møguleikar at ísa og frysta veiðina. Hann heldur, at hetta kann gerast ein fyrimunur, serliga tá ið roynt verður í altjóða sjógvi, har túrarnir væntandi verða longri enn undir Føroyum og Íslandi. – Men frystilastin kann eisini koma til góðar, tá ið roynt verður undir Íslandi. Tá kunnu vit frysta fiskin, sum vit fáa teir fyrstu dagarnar – og síðan ísa restina av veiðini. Hálvdan sigur, at hóast túrurin tá dregur út, tí veðrið kanska ikki háttar sær – ella tí, at lítil fiskur er at fáa teir fyrstu dagarnar, kann skipið kortini koma heim eftir ein longri túr við góðum fiski. Umframt, at Venus hevur kvotur í altjóða sjógvi vest­an­fyri, hevur skipið eis­ini fiskidagarnar hjá eitt nú gamla Venusi undir Føroyum. – So, grundarlagið skuldi nú verið so frægt, sum tann kann vera, sigur reiðarin. Stórar broytingar Hálvdan Gudmundsen sig­ur, at nú skipið er um at verða klárt til fiskiskap aft­ur, stendur Venus fel­agn­um í umleið 8- 10 mió krónum, og ein lítil helm­ing­ur av hesi upphædd er farin til umbygging og rati­ on­alisering. – Hetta er nógvur peningur, men tú fært einki bíligari skip í dag, sigur hann. Reiðarin sigur, at egn­ing­ar­ maskinan og øll línuskipanin er skift út við tað nýggjasta, sum Mustad hevur á markn­ að­inum. Línuspælið er hitt sama, men rullur og dragilúka eru eisini nýggj. – Aftrat hesum er gamla arbeiðsdekkið tikið úr skip­ inum og er skift út við nýtt, sigur Hálvdan. Tað er Tórshavnar Skipa­ smiðja, sum hevur staðið fyri arbeiðnum umborð á Venusi. Umborð á skipinum eru koyggjur til 15 mans, men væntandi fer manningartalið at liggja millum 13 og 15. Skipari verður Hans Pet­ur Samuelsen úr Haldars­vík, sum hevur siglt við norð­ monnum, og sum seinastu tíðina hevur verið við Gullbergi. Um tvær vikur – Eg vænti, at skipið verður klárt at loysa, tá ið ein vika er farin av oktober. Ætlanin er fyrst at fara undir Føroyar at royna útgerðina, og síðan verður farið til Íslands, har vit eiga eini 100 tons eftir. Hálvdan Gudmunsen sigur, at hóast Venus eigur 127 fiskidagar á landgrunninum, kvotu undir Íslandi, umframt dagar á djúpum vatni undir Føroyum og nakrar dagar á Føroyabanka, er ætlanin komandi ár eisini at fara í altjóða sjógv at royna. – Alt bendir á, at fiski­ dagarnir undir Føroyum gerast færri og færri, og tí er um­ráðandi, at vit gera brúk av øllum teimum møguleikum, sum loyvið gevur. Haraftrat kemur, at gamli Venus liggur í løtuni, og vit fáa sum frá­ líður at síggja, hvussu langt loyvini, vit nú hava, fara at røkka, sigur Hálvdan Gud­ mundsen. Ekliptika hevur skift eigara og navn Fyrrverandi Ekliptika eitur nú Venus og er heimahoyrandi í Sandavági. Nú skipið er um at verða klárt til fiskiskap, stendur tað P/F Fossá í umleið 8-10 mió krónum. Ein lítil helmingur av hesi upphædd er farin til umbygging og rationalisering. - Hetta er nógvur peningur, men tú fært einki bíligari skip í dag, sigur reiðarin, Hálvdan Gudmundsen Mynd: Skipalistin Fyrrverandi navn: Øyliner, Noreg Smíðistaður/ár: Kystvaagen (1977) Umbygdur: 1985/ 2006 Longd: 37,98 m Breidd: 7,53 m Dýpd: 4,50 m BT: 391 Maskina: Caterpillar (1994) Maskinorka: 638 kW/867 HK Ferð: 10 míl Eigari: P/F Fossá, Sandavágur Útgerðarmaður: Hálvdan Gudmundsen FAKTA UM VENUS Upphøgging Vilmund Jacobsen vilmund@sosialurin.fo Herfyri fóru teir undir at høggja upp skipið, Hav­búgv­ an, sum liggur við bryggju í Hvalvík. Hjá tí, sum kom fram við í regninum hendan dagin, sá hetta eitt sindur undarligt út. Tað var ein brøyt, sum syrgdi fyri, at alt omandeks varð rivið omanav skipinum, so bara skrokkurin nú er eftir. Birgir W. Høgnesen, sum starvast á marknaðardeildini hjá Sosialinum, var fram við í Hvalvík hendan dagin – og lukkutíð hevði hann mynda­ tólið við sær. Havbúgvin, sum Annfinn við Hálsagarð í Haldarsvík eigur í dag, hevur upp ígjøgn­ um tíðirnar havt fleiri eigarar og fleiri nøvn. Nú helt so eigarin, at tíðin var komin til, at skipið legði »beinini«. Havbúgvin er bygdur úr eik/bók í 1955 í Korsør í Danmark. Hann var 17,71 metrar langur og 5,30 metrar breiður, merktur 53,56 BRT. Havbúgvin hevur nú lagt »beinini« Havbúgvin er bygdur í Korsør í Danmark í 1955 Mynd: Birgir W. Høgnesen Ein brøyt rívur alt omanav skrokkinum – og tað gongur skjótt fyri seg Mynd: Birgir W. Høgnesen