mánadagur 25. september 2006síða 21

Nr. 184 - 25. september 2006 21 tíðindi fyri fyritøkuni fyrr í morgun: Tá góvu stjórarnir báðir nevniliga henni og øllum hinum, sum ikki vóru við, eina samanplanting av blómum. Heilsanin frá stjórunum var greið: - Tillukku sjálv. Og takk fyri innsatsin! Hans Andrias Joensen, forstjóri byrjaði sína vinnuligu karrieru sum sølumaður av Sosialinum í heimbygdini. Petra Eystberg Poulsen fær blómur handaðar frá stjóranum, Gunnbjørn Joensen – Alvorligt herðaklapp til okkum øll Hósvík: - Tað er altíð gott at fáa eitt slíkt herðaklapp. Men vit ætla ikki at gevast fyri tað og seta okkum at slappa av, sigur Gunn­ bjørn. Hann situr á skrivstovu síni í morgun og hevur úr at gera. Telefonin ringir í heilum, tí fólk vilja ynskja teimum á fyritøkuni til­ lukku við heiðrinum sum ársins virki í ár. Hetta er eitt greitt tekin um, at onnur eisini vita av og fegnast um arbeiðið teirra. – Hetta er sum at gerast Føroyameistarar. Tað næsta má væl verða tað at vit gerast Heimsmeistarar, sigur Gunnbjørn við ein­ um smíli. Her í morgun á skriv­ stovuni í Hósvík er einki sum bendir á, at teir ætla at seta seg hendir í favn og bara látast sum einki. – Tað gevur sjálvandi íblástur at fáa ein slíkan heiður. Hetta er haraftrat ein góð og ókeypis rekl­ ama fyri fyritøkuna. – Hetta førir tí vónandi við sær, at vit fáa enn meiri vind í seglini, sigur hann. Heimsumfatandi Við 450 fólkum í starvi og við 22 skipum sum sigla á mongum av heims­ ins høvum er her talan um eina heims­umfatandi fyritøku. Men slíkt kemur ikki av ongum. – Styrki okkara er at vit eru álítandi, hava góð fólk rundan um okkum, og sum eru sett at gera tað, sum tey sjálvi eru allarbest til. – Vit hava somuleiðis royndir á økinum, og kunnu tí taka skjótar av­­ gerðir, tá tað krevst, sigur Gunnbjørn. Heiðurin sum teimum varð sýndur á Vinnu­deg­ num ger bara framtíðina hjá virkinum enn meiri spennandi. – Høvdu vit ikki so góð starvsfólk her í Hósvík og úti í heimi, bar einki til. Og so høvdu vit heldur ikki fingið ein slíkan heiður, sigur Gunnbjørn Joensen, annar av stjórunum hjá THOR. Ársins virki Snorri Brend snorri@sosialurin.fo Skrivstovuleiðarin, Sue Philbrow ynskir fyritøkuni blíðan byr framyvir Brøðurnir báðir, Gunnbjørn og Hans Andrias Joensen fegnast um heiðurin. – At ein er komin so langt, kemur ikki av ongum, sigur Gunnbjørn Joy Simonsen hevur eitt fjølbroytt arbeiði á skrivstovuni. – Thor var rætti vinnarin sum ársins virki, sigur hon